Posts Tagged ‘modi in bangalooru’

ಮೋದಿ ಮೋದಿ ಮೋದಿ……ಭಾಷಣದ ಭಾವಾನುವಾದ ಮಾಡುವ ಪ್ರಯತ್ನ…

ನವೆಂಬರ್ 17, 2013

ಎಲ್ಲಿ ನೋಡಿದರೂ ಮೋದಿ ಮೋದಿ ಎಂಬ ಕೂಗು ಕೇಳಿಬರುತ್ತಿದೆ, ಇದೇ ನವೆಂಬರ್ 17 ರಂದು ಗುಜರಾತ್ ಮುಖ್ಯ ಮಂತ್ರಿ ನರೇಂದ್ರ ಮೊಧಿಯವರು ಬೆಂಗಳೂರಿಗೆ ಬಂದಾಗ ಮಾಡಿದ ಭಾಷಣದ ಭಾವಾನುವಾದ ಮಾಡುವ ಪ್ರಯತ್ನ ಮಾಡಿದ್ದೇನೆ,,,,ನೀವು ಓದಿ ನಿಮಗೆ ಎನನ್ನಿಸಿತು ಹೇಳಿ……..ಅರಮನೆ ಮೈದಾನದತ್ತ ಹೋಗೋಣ ಬನ್ನಿ,,,,

“ಬೆಂಗಳೂರಿನ ಹಾಗೂ ಕರ್ನಾಟಕದ ಬಂಧು ಬಗಿನಿಯೆರೆ ನಿಮಗೆಲ್ಲ ನಮ್ಮ ನಮಸ್ಕಾರಗಳು, ಬೆಂಗಳೂರಿನ ನಿರ್ಮಾತ ಕೆಂಪೇಗೌಡ, ಬಸವಣ್ಣ, ಕಿತ್ತೂರಿನ ವೀರ ರಾಣಿ ಚೆನ್ನಮ್ಮ , ಎಲ್ಲರಿಗೂ ನನ್ನ ನಮಸ್ಕಾರಗಳು……(ಕನ್ನಡದಲ್ಲಿ ಈ ಎರಡು ಸಾಲುಗಳನ್ನ ಹೇಳಿದರು)

ಸ್ನೇಹಿತರರೇ ಇವತ್ತು ಬೆಂಗಳೂರಿನ ನೆಲದಲ್ಲಿದ್ದೇನೆ,,,,,ಮೊದಲಿಗೆ ವಿಜ್ಞಾನ ಕ್ಷೇತ್ರದಲ್ಲಿ ಭಾರತದ ಗೌರವ ಹೆಚ್ಚಿಸಿದ ಭಾರತ ರತ್ನ ಸಿ‌ಎನ್ ರಾವ್ ಅವರಿಗೆ ಅಭಿನಂದನೆಗಳು,,, ಹಾಗೆ ಸಚಿನ್ ತೆಂಡೂಲ್ಕರ್ ಅವರಿಗೂ ಅಭಿನಂದನೆಗಳು

ಬಂದುಗಳೆ,,, ಇದು ನಮ್ಮ ಬೆಂಗಳೂರು , ಭಾರತದಲ್ಲಿ ವಿಕಾಸದ ಯಾತ್ರೆಯಲ್ಲಿ ಸ್ವತತಂತ್ರದ ಪೂರ್ವದಿಂದಲೂ ಮುಂದಿರುವ ನಗರ , ಸ್ವತತಂತ್ರ ಪೂರ್ವ ದಲ್ಲೇ ವಿದ್ಯುತ್ ಗಳಿಸಿದ ನಾಡು ನಮ್ಮದು, ಇಡೀ ಪ್ರಪಂಚದಲ್ಲಿ, ಶಿಕ್ಷಣ, ವಿಜ್ಞಾನ, ಐ‌ಟಿ ಎಲ್ಲದರಲ್ಲೂ ಜ್ನಾನ ತಾಣವಾಗಿದೆ , ಅದಕ್ಕಾಗಿ ನಿಮ್ಮೆಲ್ಲರಿಗೂ ಅಭಿನಂದಿಸುತ್ತೇನೆ…

ನಾನು ಮುಂಚೆಯೂ ಈ ನಗರಕ್ಕೆ ಬಂದಿದ್ದೆ , ಇಲ್ಲಿನ ಪ್ರೌಡಿಮೆಯನ್ನು ನೋಡಿದ್ದೇನೆ, ಇಲ್ಲಿಯ ಇತಿಹಾಸ ದಲ್ಲಿ ಇಸ್ಟು ದೊಡ್ಡ ಮಟ್ಟದ ಕೇಸರಿಯ ಸಮುದ್ರದ ಅಲೆ ಹುಟ್ಟಿಸಿದ್ದೀರಿ,,, ಎಂಥಾ ದೃಶ್ಯವಿದು… ಕರ್ನಾಟಕದ ಕಾರ್ಯಕರ್ತರು ಹೆಚ್ಚು ಸಿದ್ದರು.

ಇತ್ತೀಚೆಗೆ ಎಲ್ಲರ ಕಣ್ಣು ನಮ್ಮ ಮೇಲಿದೆ, ಕುತಂತ್ರ, ಕೆಟ್ಟ ಭಾಷಾ ಪ್ರಯೋಗ ನಮ್ಮ ಮೇಲೆ ಪದೇ ಪದೇ ಆಗ್ತಿದೆ ಕಾರಣ …..ಈ ಜನಸಾಗರ ನೋಡಿ ಅವರಿಗೆ ಹೊಟ್ಟೆ ಉರಿ, ನಾನು ಈ ಸಂದರ್ಬದಲ್ಲಿ 2 ಪ್ರದಾನ ಮಂತ್ರಿಗಳನ್ನ ನೆನೆಪಿಸಿಕೊಳ್ಳುತ್ತೇನೆ, ಜೈ ಜವಾನ್  ಜೈ ಕಿಸಾನ್ ಅಂದಿದ್ದ ಮಹಾ ಪುರುಷ , ಮತ್ತು ವಾಜಪೇಯಿ ಯವರ ಜೈ ಜವಾನ್ , ಜೈ ಕಿಸಾನ್ ಹಾಗೂ ಜೈ ವಿಜ್ಞಾನ ಎಂಬ ಮಾತುಗಳನ್ನ , ಇವತ್ತು ಕರ್ನಾಟಕದ ಯುವ ಶಕ್ತಿ  ಜಗತ್ತಿನಲ್ಲಿ ದೇಶದ ಹೆಸರು ಎತ್ತಿ ಹಿಡಿದಿದೆ,,,,,,, ವಿಶ್ವದ ಹೆಚ್ಚಿನ ಐ‌ಟಿ ಕೆಲಸ ನೆಡಿಯುವುದು ಇಲ್ಲೇ….ಹೇಗೆ ,,,,ಇದು ಹೇಗೆಸಾಧ್ಯವಾಯಿತು ಎಂದು ನೋಡಿದರೆ   ಎನ್‌ಡಿ‌ಏ ಸರ್ಕಾರ ಇದ್ದಾಗ ಮೊದಲ ಬಾರಿಗೆ ಐ‌ಟಿ ಮಿನಿಸ್ಟ್ರಿ ರಚನೆ ಮಾಡಲಾಯಿತು, ಆಗ ಇದನ್ನ ಫೋಕಸ್ ಸೆಕ್ಟರ್ ಎಂದು ಘೋಷಿಸಲಾಯಿತು  ನಂತರ ನಮ್ಮ ಯುವ ಜನತೆ ಹಿಂದುರಿಗಿ ನೋಡಲಿಲ್ಲ ಸಾಧನೆಯತ್ತ ಹೆಜ್ಜೆ ಇಟ್ಟರು …..ನನ್ನ ದೇಶದ ಯುವ ಶಕ್ತಿ ತಮ್ಮ ಕೈ ಬೆರಳುಗಳಲ್ಲೇ ಪ್ರಪಂಚವನ್ನ ಬೆರಗು ಗೊಳಿಸಿತು, 2003ರ ವಾಜಪೇಯಿ  ಸರ್ಕಾರ, ವಿಜ್ನಾನ ಮತ್ತು ತಂತ್ರಜ್ಞಾನ  ಪಾಲಿಸಿ ಜಾರಿಗೆ ತಂದರು  , 2009 ರಲ್ಲೊ ವಾಜಪೇಯಿ ಯವರು ಮಾಹಿತಿ ತಂತ್ರಜ್ಞಾನದ ಕಾಯಿದೆಯನ್ನು ಅನುಸ್ಟಾನ ಗೊಳಿಸಿದರು , ಅವತ್ತು ಅವರು ನೋಡಿದ ಕನಸಿನಿಂದಾಗಿ ಇಂದಿನ ಯುವ ಶಕ್ತಿಯ ಆಶಯ  ಸಾಕಾರಗೊಂಡಿದೆ , 2003 ರಲ್ಲಿ ವಾಜಪೇಯಿ ಪ್ರಾರಂಭ ಮಾಡಿದ  ಯೋಜನೆ ಚಂದ್ರ ಯಾನ…. ……..2008 ರಲ್ಲಿ ಅದನ್ನೂ ನಮ್ಮ ವಿಜ್ನಾನಿಗಳು  ನನಸು ಮಾಡಿದರು…..ವಿಜ್ಞಾನದ ವಿಸ್ಮಯವಿದು, ಮಂಗಲಯಾನವನ್ನ ಕೂಡ  ನಾವು ಸಪಲರಗುವತ್ತ  ದಿಟ್ಟ ಹೆಜ್ಜೆ ಇಟ್ಟಿದ್ದೇವೆ…

ಮಹಾಪುರುಷರು ವ್ಯವಸ್ಥೆಗಳನ್ನ ಮಾಡುತ್ತಾರೆ, ಆದರೆ  ಕೆಟ್ಟ ಜನರ ಕೈಗೆ ಅವು  ಹೋದರೆ ಹೇಗೆ ಆಗುತ್ತೆ ಅನ್ನೋದು ನಿಮಗೆ ಗೊತ್ತು, ಭಾರತದಲ್ಲಿ 2008 ರಲ್ಲಿ 40% ರಸ್ಟು ಮಾಹಿತಿ ತಂತ್ರಜ್ನಾನದ ರಫ್ತು ಪ್ರಮಾಣವಿತ್ತು,  ನಂತರ ಯೂ‌ಪಿ‌ಏ ಸರ್ಕಾರದ ಕುಟಿಲ ನೀತಿಗಳಿಂದಾಗಿ 40 ನಿಂದ 30% ಕ್ಕೆ ತಂದು ನಿಲ್ಲಿಸಿದರು,,,,,, , ನಂತರ ಬಂದ ಯುಪಿಎ ದ 2ನೆ ಸರ್ಕಾರ ಮಾಹಿತಿ ತಂತ್ರಜ್ಞಾನದ ರಫ್ತು ವಹಿವಾಟನ್ನ ತನ್ನ ಬೇಜವಾಬ್ದಾರಿಯುತ ನೀತಿಗಳಿಂದಾಗಿ ಕೇವಲ 9% ತಂದು ಯುವಕರ ಕೆಲಸಗಳನ್ನ ಕಿತ್ತುಕೊಳ್ಳುವುದರಲ್ಲಿ ಸಫಲಗೊಂಡಿದೆ ,…. ಹಾಗಾದರೆ ಬೆಳವಣಿಗೆ ಇಲ್ಲದ ಈ ರೀತಿಯ ಅಧಪತನದ ದಾರಿಯನ್ನ ತೋರಿಸಿದವರು ಯಾರು? ಈ ಪರಿಸ್ಥಿತಿಗೆ ಕಾರಣ ಯಾರು ಬಂಧುಗಳೆ?

ಭರತದಲ್ಲಿ ಕುಶಲತೆ ಗೆ ಬೇಕಾದ ಎಲ್ಲ ಸೌಕರ್ಯಗಳೂ ಲಭ್ಯವಿದ್ದೂ ಯಾಕೆ ನಮ್ಮಲ್ಲಿ ಕೌಶಲ್ಯ ನಿರ್ಮಾಣ ಕೇಂದ್ರಗಳನ್ನ ಸ್ಥಾಪನೆ ಮಾಡಲಾಗುತ್ತಿಲ್ಲ? ಇಡೀ ಪ್ರಪಂಚದಲ್ಲೇ ಅತೀ ದೊಡ್ಡದಾದ ರೈಲ್ವೆ ಸಂಪರ್ಕ ಜಾಲವಿರುವ ದೇಶ ನಮ್ಮದು ಆ ಕ್ಷೇತ್ರದಲ್ಲಿ ಕೆಲಸ ಮಾಡಲು ಬೇಕಾದ ಜನಶಕ್ತಿಯನ್ನ ರೂಪಿಸುವಲ್ಲಿ ನಾವೇಕೆ ವಿಫಲರಾಗಿದ್ದೇವೆ? ಈ ವಿಚಾರದಲ್ಲೂ ರಾಜಕೀಯ ಸ್ನೇಹಿತರೇ……ಒತ್ತಾಯಿಸಿ ಕೇಳಿದರೆ ಯಾವುದೋ 2 ಮಾರ್ಗಗಳಿಗೆ ಹೆಚ್ಚಿನ ರೈಲ್ವೆ ಸೇವೆ ವಾಡಗಿಸುವುದು ಅಲ್ಲಿಂದ ಎಷ್ಟು ವೋಟ್ ಬ್ಯಾಂಕ್ ನಿರ್ಮಾಣ ವಾಗುತ್ತದೆ ಎಂದು ನೋಡುವುದು ಇದು ಕೇಂದ್ರ ದ ಈಗಿನ ಸರ್ಕಾರದ ಸಾಧನೆ ಅಲ್ಲವೇ?

ಕೇಂದ್ರ ಸರ್ಕಾರ ಪಿಂಕ್ ರೇವಲ್ಯೂಷನ್ ಅನ್ನು ಜಾರಿಗೆ ತಂದಿದ್ದು ನಿಮಗೆ ಗೊತ್ತಿದೆ…ಅಂದರೆ ಮಾಂಸದ ರಫ್ತು ವಹಿವಾಟು…..ಕಸಾಯಿಖಾನೆಗಳಿ0ದ ಹಸುಗಳನ್ನ ಒದಗಿಸಿ ಕೊಟ್ಟರೆ ಅಂತಹವರಿಗೆ ಸಬ್ಸಿಡಿ ಕೊಡಲಾಗುತ್ತಿದೆ……ಎಂತಹ ದುರಂತ…ಯಾವ ದೇಶದಲ್ಲಿ ಗೋ ಹತ್ಯೆ ಮಹಾ ಪಾಪವೆಂದು ಪರಿಗಣಿಸಿದ್ದೆವೋ? ಯಾವ ದೇಶದಲ್ಲಿ ಗೋವಿಗೆ ಪೂಜ್ಯ ಭಾವನೆ ಇತ್ತೋ ಅಂತಹ ದೇಶದಿಂದಲೇ ಗೋ ಮಾಂಸ ಮಾರಾಟ? ಅದಕ್ಕೆ ಸಬ್ಸಿಡಿ?….. ಅದೇ ಸಬ್ಸಿಡಿಯನ್ನ ನಮ್ಮ ದೇಶದ ಯುವ ಜನರಿಗೆ ಅವರ ಸ್ವ ಉದ್ಯೋಗ ಸ್ಥಾಪನೆಗೋ, ಅವರ ಕೆಲಸದಲ್ಲಿನ ಕ್ಷಮತೆ ಹೆಚ್ಚಿಸಿಕೊಳ್ಳಲೋ ಕೊಟ್ಟಿದರೆ….ದೇಶದ ರಫ್ತು ಪರಿಸ್ಥಿತಿ ಇಂದು ಹೀಗೆ ಶೋಚನೀಯವಾಗಿರುತ್ತಿರಲಿಲ್ಲ…. ನಮ್ಮ ದೇಶದ ರೂಪಾಯಿ ಮೌಲ್ಯ ಕುಸಿಯುತ್ತಿರಲಿಲ್ಲ……ಇದೆ ರೀತಿ ಮುಂದುವರೆದರೆ ರೂಪಾಯಿ ಸಧ್ಯದಲ್ಲೇ  ಆಸ್ಪತ್ರೆಯಲ್ಲಿನ ಐ ಸಿ ಯು ಹಂತಕ್ಕೆ ತಲುಪುತ್ತದೆ ಅಲ್ಲವೇ?

ಈಗ ಬಂದ ಕರ್ನಾಟಕ ದ ಸರ್ಕಾರ ಮಾಡಿದ್ದು ಏನು? ಮೊದಲು ಗೋ ರಕ್ಷಣಾ ಕಾನೂನನ್ನ ತೆಗೆದು ಹಾಕಿದ್ದು  ವೋಟ್ ಬ್ಯಾಂಕ್ ರಾಜಕಾರಣ ನೆಡೆಸಿದ್ದು, ಇಂತಹವರ ಬುದ್ದಿಮತ್ತೆ ಎಲ್ಲಿಯವರೆಗೆ ಇದೆ ಎನ್ನುವುದನ್ನ ನೀವೇ ಊಹಿಸಿ ಬಂಧುಗಳೆ,,,,,ಹಾಗೆ ಕೇಂದ್ರ ಸರ್ಕಾರ ವಾಜಪೇಯಿ ಸರ್ಕಾರ ತ0ದ ಪೋಟ ಕಾನೂನನ್ನ ತೆಗೆದು ಹಾಕುವುದರ ಮೂಲಕ, ನಕ್ಸಲರ ರಕ್ಷಣೆ ಹಾಗೂ ಆತಂಕವಾದಿಗಳಿಗೆ ಸುಲಭವಾಗಿ ದಾಳಿ ಮಾಡಲು ಕಾರಣವಾಗಿದ್ದು…ಇದೂ ಕೂಡ ಸರ್ಕಾರಕ್ಕೆ ತನ್ನ ದೇಶದ ಮೇಲಿನ ಸುರಕ್ಷತೆಯ ಬಗ್ಗೆ ಕಾಳಜಿ ಇಲ್ಲದಿರುವುದನ್ನ ಎತ್ತಿ ತೋರಿಸುತ್ತದೆ.

22 ನೆ ಶತಮಾನ ಯಾರಿಗೆ ಸೇರುತ್ತದೆ ಅಂದರೆ ಪ್ರಪಂಚದ ಬೇರೆ ಬೇರೆ ದೇಶಗಳ ಹೆಸರು ಹೇಳುವರಿದ್ದಾರೆ….ಆದರೆ 22 ನೆ ಶತಮಾನ ನಮ್ಮ ಭಾರತೀಯರಿಗೆ ಸೇರುತ್ತದೆ…ಸೇರಬೇಕು ಅಂತಹ ಧೃಡ ಸಂಕಲ್ಪ ನಾವಿಂದು ಮಾಡಬೇಕಿದೆ,ಏಕೆಂದರೆ 2 ವಿಚಾರಗಳಲ್ಲಿ ನಾವು ಅತ್ಯಂತ ಬಲಿಷ್ಟರಿದ್ದೇವೆ ಅವುಗಳೆಂದರೆ ಅತ್ಯಂತ ದೊಡ್ಡ ಪ್ರಜಾ ಪ್ರಭುತ್ವ ಹಾಗೆ ಮತ್ತೊಂದು ಪ್ರಪಂಚದ ಅತಿ ದೊಡ್ಡ ಯುವ ರಾಷ್ಟ್ರ ನಮ್ಮದು….ನಮ್ಮ ದೇಶದಲ್ಲಿ 65% ಜನ 35 ವರ್ಷದ ಒಳಗಿನವರಿದ್ದಾರೆ, ಇಷ್ಟು ದೊಡ್ಡ ಯುವ ಶಕ್ತಿ ಇದ್ದಾಗ ನಾವು ಇಡೀ ಪ್ರಪಂಚವನ್ನ ಅಭಿವೃದ್ದಿಯಲ್ಲಿ ಹಿಂದಿಕ್ಕಿ ಮುಂದೆ ಸಾಗಬಹುದು.

ಕಾಂಗ್ರೆಸ್ ಗೆ ಯುವಜನತೆ ಅಂದರೆ ವೋಟ್ ಬ್ಯಾಂಕ್ ಅಷ್ಟೇ ಆದರೆ ನಮಗೆ ಹಾಗಲ್ಲ ಯುವ ಜನತೆ ದೇಶದ ಶಕ್ತಿ, ಅವರನ್ನ ಭಾರತದ ಭವ್ಯ ಪ್ರಜೆಗಳನ್ನಾಗಿ ನಿರ್ಮಾಣ ಮಾಡುವುದು ನಮ್ಮ ಮೊದಲ ಕೆಲಸವಾಗಲಿದೆ, ಕೌಶಲ್ಯ ಬೆಳವಣಿಗೆಗೆ ಬೇಕಾದ ಪೂರಕ ವಾತಾವರಣವನ್ನ ನಿರ್ಮಾಣ ಮಾಡಲು ಎಲ್ಲ ದೇಶಗಳೂ ಮುಂದೆ ಬರುತ್ತಿರುವಾಗ ನಾವೇಕೆ ಹಿಂದೆ ಉಳಿಯಬೇಕು? ನಮ್ಮಲ್ಲೂ ಎಲ್ಲಾರೀತಿಯ ಕೌಶಲ್ಯಗಳನ್ನ ಹೊಂದಿರುವ ಯುವ ಶಕ್ತಿಯ ನಿರ್ಮಾಣ ನಮ್ಮ ಮುಂದಿನ ಗುರಿಯಾಗಿದೆ ಸ್ನೇಹಿತರೇ, ನಿಮಗೆ ಗೊತ್ತೇ ಕುಶಲ್ಯ ವೃದ್ದಿಗೆ ಕೇಂದ್ರ ಸರ್ಕಾರ ಮೀಸಲಿಟ್ಟ ಹಣ ಒಟ್ಟು 1 ಸಾವಿರ ಕೋಟಿ ರೂಪಾಯಿಗಳು….ಅದು ಇಂದು ಎಲ್ಲಿ ಹೋಗಿದೆ? ಅದರ ಬಳಕೆ ಆಗಿದೆಯೇ? ಖಂಡಿತಾ ಇಲ್ಲ ಕೇಂದ್ರದ ಯುಪಿಎ ಸರ್ಕಾರ ರಚಿಸಿದ ಕುಶಲ್ಯ ಬೆಳವಣಿಗೆಗಳ ಕೇಂದ್ರವನ್ನ ಅವರೇ 15 ದಿನಗಳೊಳಗಾಗಿ ಮುಚ್ಚಿದರು ನಂತರ ಬಂದ ಕಮಿಟಿಯೊಂದು ಸತತ 1.5 ವರ್ಷಗಳ ಕಾಲ ಮೌನವಾಗಿದ್ದು ಯಾವುದೇ ಯೋಜನೆಗಳನ್ನೂ ತಯಾರು ಮಾಡಲಿಲ್ಲ…. ಇತ್ತೀಚೆಗೆ ಸ್ಥಾಪಿಸಿದ ಕುಶಲ್ಯ ಅಭಿವೃದ್ದಿ ಸಮಿತಿ ಏನು ಮಾಡುತ್ತದೋ ಗೊತ್ತಿಲ್ಲ …!! ಹೀಗಾದರೆ ನಮ್ಮಲ್ಲಿನ ಜ್ನಾನ ಅಭಿವೃದ್ದಿ ಹೇಗೆ ಸಾಧ್ಯ? ದೇಶದ ಯುವ ಜನರಿಗೆ ಉದ್ಯೋಗ ಸೃಷ್ಟಿ ಮಾಡುತ್ತೇವೆ ಎಂದು ಅಧಿಕಾರ ಹಿಡಿದ ಕೇಂದ್ರ ಸರ್ಕಾರ ಯಾರಿಗಾದರೂ ಉದ್ಯೋಗ ಕೊಡೆಸಿದೆಯೇ ಸ್ನೇಹಿತರೇ?

ಕಲ್ಲಿದ್ದಲು ಹಗರಣವಂತೂ ನಾಚಿಕೆಗೇಡಿನ ವಿಚಾರ, ಅದಕ್ಕೆ ಸಂಬಂಧಪಟ್ಟ ಕಡತಗಳು ಕಾಣೆಯಾಗಿವೆ ಎನ್ನುವ ಬಾಲಿಶ ಉತ್ತರವನ್ನ ದೇಶದ ಅತ್ಯುನ್ನತವಾದ ಸುಪ್ರೀಂ ಕೋರ್ಟಿಗೆ ನೀಡುವ ಈ ಸರ್ಕಾರದ ಲಜ್ಜೆಗೆಟ್ಟತನವನ್ನ ನೀವೇ ಊಹಿಸಿ,

ಕೇಂದ್ರ ಸರ್ಕಾರಕ್ಕೆ ಪ್ರಜಾಪ್ರಭುತ್ವದ ಮೇಲೆ ನಂಬಿಕೆ ಇಲ್ಲ …..ಇದ್ದಿದ್ದರೆ ತುರ್ತು ಪರಿಸ್ಥಿತಿ ಅಂದು ನಿರ್ಮಾಣವಾಗುತ್ತಿರಲಿಲ್ಲ ಅಲ್ಲವೇ? ಅದೇ ಅಲ್ಲ ಜನರ ಅಭಿವ್ಯಕ್ತಿ ಸ್ವತಂತ್ರವನ್ನೂ ಕಳೆದುಕೊಳ್ಳುವಲ್ಲಿ ಸರ್ಕಾರ ಕೆಟ್ಟ ನೀತಿಯನ್ನು ಜಾರಿಗೆ ತಂದಿದೆ, ಅಂತರ್ಜಾಲತಾಣಗಳಲ್ಲಿ ಇವರ ವಿರುದ್ದ ಯಾರಾದರೂ ಏನಾದರೂ ಹೇಳಿಕೆ ನೀಡಿದರೆ ಅಂತಹವರನ್ನ ಜೈಲಿಗೆ ತಳ್ಳುವ ಇವರ ನೀಚ ನಿಯಮಗಳು ಎಷ್ಟು ಅಪಾಯಕಾರಿಅಲ್ಲವೇ? ನಿಮಗೆ ಗೊತ್ತೇ ಆಗಸ್ಟ್ 15ರ0ದು ಮೊದಲ ಭಾರಿಗೆ ಮೌನ ಮುರಿದು ಪ್ರಧಾನಿಗಳು ಭಾಷಣ ಮಾಡಿದ್ದನ್ನ ಬಿತ್ತರರಿಸಿದ ಟಿ‌ವಿ ಚಾನಲ್ಗಳು ನಂತರ ನರೇಂದ್ರ ಮೋದಿಯ ಭಾಷಣವನ್ನ ಬಿತ್ತರಿಸಿದವು….ಅದಕ್ಕೆ ಕೇಂದ್ರ ಸರ್ಕಾರ ಎಲ್ಲ ಮಧ್ಯಮಗಳಿಗೆ ಪ್ರದಾನಿ ಭಾಷಣಕ್ಕೆ ಸಾರಿಸಮನಾಗಿ ಮೊಧಿ ಭಾಷಣವನ್ನೂ ಬಿತ್ತರಿಸಿದ್ದೀರಲ್ಲ ಏಕೆ ಹೀಗೆ ಎಂಬ ……ಹಾಸ್ಯಾಸ್ಪದ ಪ್ರಶ್ನೆ ಕೇಳಿದ್ದಲ್ಲದೆ ಇನ್ನುಮುಂದೆ ಆರೀತಿ ಮಾಡಬಾರದೆಂಬ ಪತ್ರವನ್ನೂ ಕಳುಹಿಸಿತ್ತು!!!

ಲತಾ ಮಂಗೇಶ್ಕರ್ ಅವರ “ ಎ ಮೇರೆ ವತನ್ ಕೆ ಲೋಗೋ….” ಈ ಹಾಡನ್ನ ಕೇಳಿದರೆ ಎಂತಹವರ ಮನಸ್ಸಿನಲ್ಲೂ ದೇಶ ಪ್ರೇಮ ಹುಟ್ಟುತ್ತದೆ ಅಂತಹ ಮಹಾನ್ ಗಾಯಕಿ ಒಮ್ಮೆ “ ನರೇಂದ್ರ ಮೋದಿ ಸರ್ಕಾರ ಬಂದರೆ ಒಳ್ಳೆಯದಾಗುತ್ತದೆ” ಎಂದಿದ್ದಕ್ಕೆ ಅವರ ಭಾರತ ರತ್ನವನ್ನೇ ವಾಪಾಸ್ ಕೊಡಬೇಕೆಂಬ ಹಿಂಬಾಗಿಲಿನ ಹೇಳಿಕೆ ಇವರ ಅತ್ಯಂತ ನೀಚತನದ ಪರಮಾವಧಿಯನ್ನ ತೋರಿಸುತ್ತದೆ.ಹಾಗೆ ಇತ್ತೀಚೆಗೆ ನೆಡೆದ 4 ವಿಧಾನಸಭಾ ಚುನಾವಣಾ ಪಲಿತಾಂಶಗಳೂ ಕೇಂದ್ರದ ಪರವಾಗಿಲ್ಲ ಎಂಬುದನ್ನ ಅರಿತ ಸರ್ಕಾರ….. ಚುನಾವಣಾ ಪೂರ್ವ ಸಮೀಕ್ಷೆಗಳನ್ನ ರದ್ಧು ಪಡಿಸುವಲ್ಲಿ ಯಶಸ್ವಿಯಾಗಿದೆ.ಇದು ಅವರಿಗೆ ತಮ್ಮ ಅಧಪತನದ ಪ್ರಾರಂಭ ಎನ್ನುವ ಭಯವನ್ನು ತೋರಿಸುತ್ತದೆ.ಆದರೆ ಒಂದು ವಿಚಾರ ಜನತಾ ಜನಾರ್ಧನ ತೀರ್ಮಾನ ಮಾಡಿಬಿಟ್ಟಿದಾನೆ ಈ ಭಾರಿ……ಭಾರತ ಗೆಲ್ಲಿಸುತ್ತಾನೆ ಅನ್ನುವ ವಿಶ್ವಾಸ ನಮ್ಮದು.

ಸ್ನೇಹಿತರೇ ಈ ಯೂ‌ಪಿ‌ಏ ಸರಕಾರ ಬಹುಮತದಿಂದ ನೆಡಿಯುತ್ತಿಲ್ಲ, ಈ ಸರ್ಕಾರ ಸಿ ಬಿ ಐ ಇಂದ ನೆಡೆಯುತ್ತಿದೆ…ಕಾಂಗ್ರೆಸ್ ನಿಂದ ಹೊರಹೊಗಲು ತೀರ್ಮಾನಿಸಿದರೆ, ಅಥವಾ ಕಾಂಗ್ರೆಸ್ ವಿರುದ್ದ ಮಾತಾಡಿದರೆ ಅಂತಹವರ ವಿರುದ್ದ ಸಿ ಬಿ ಐ ತನಿಕೆ ಮಾಡಿಸುವುದು ಹೆದರಿಸಿ ಬೆದರಿಸುವುದು…… ಇದೆ ಇವರ ದೈನಂದಿನ ಕೆಲಸವಾಗಿದೆ..

ಕೇಂದ್ರ ಮಂತ್ರಿ ಪಿ ಚಿದಂಬರಂ ಹೇಳುತ್ತಾರೆ “ ನೀರಿಗೆ 15 ರೂಪಾಯಿ, ತಿನ್ನುವ ಐಸ್ ಕ್ರೀಂ ಗೆ 20 ರೂಪಾಯಿ ಕೊಡುತ್ತೀರಿ ಬೇಳೆ ಕಾಳುಗಳಿಗೆ ಅಕ್ಕಿ ಗೋಧಿಗೆ ಸ್ವಲ್ಪ ಬೆಲೆ ಜಾಸ್ತಿ ಯಾಕೆ ಕೊಡಲ್ಲ? “ ಸ್ವಾಮಿ ಮಂತ್ರಿಗಳೆ? ನಿಮಗೆ ಗೊತ್ತೇ ನಮ್ಮ ದೇಶದಲ್ಲಿ ಮಾಧ್ಯಮ ವರ್ಗ ಅನ್ನುವ ಒಂದು ಜೀವನ ಕ್ರಮವಿದೆ…ಅವರು ನೀವು ಮೇಲೆ ಹೇಳಿರುವ ಯಾವ ವಸ್ತುಗಳನ್ನೂ ಬಳಸದೆ ಪ್ರತಿದಿನದ ಹೊಟ್ಟೆ ಹಸಿವನ್ನ ತನಿಸಿಕೊಳ್ಳಬೇಕಿದೆ..ಅವರಿಗೆ ನಿಮ್ಮ ಬೆಲೆ ಏರಿಕೆಗಳು ಎಷ್ಟರ ಮಟ್ಟಿಗೆ ತೊಂದರೆಯನ್ನು ಉಂಟುಮಾಡುತ್ತವೆ ಗೊತ್ತಿದೆಯೇ? ಅಷ್ಟೇ ಅಲ್ಲ ಕೇವಲ 25 ರೂಪಾಯಿ ದುಡಿಯವನು ಬಡವನಲ್ಲ…ಎನ್ನುತೀರಲ್ಲ….25 ರೂಪಾಯಿಗೆ 300 ಗ್ರಾಂ ಈರುಳ್ಳಿ ಬರುವುದಿಲ್ಲ ಗೊತ್ತಿದೆಯೇ? ಮೊನ್ನೆ ವಂಕಡೆಯಲ್ಲಿ ಸಚಿನ್ ಸೆಂಚುರಿ ಬಾರಿಸಲಿಲ್ಲ ಆದರೆ ಹೀಗೆ ಮುಂದುವರೆದರೆ ಈರುಳ್ಳಿ ಬೆಲೆ ದೇಶದಲ್ಲಿ ಸೆಂಚುರಿ ಬಾರಿಸುತ್ತದೆ.

ಪ್ರತಿ ದೇಶಕ್ಕೆ ತನ್ನದೇ ಆದ ಗುರಿ, ಕನಸು ಇರಬೇಕು ಅವುಗಳನ್ನ ಒಂದು ಕಾಲಮಿತಿಯನ್ನು ನಿಗದಿಪಡಿಸಿಕೊಂಡು ಸಾಕಾರಗೊಳಿಸಲು ಪ್ರಯತ್ನ ಮಾಡಬೇಕು…ಬನ್ನಿ ಸ್ನೇಹಿತರೇ ಇನ್ನೂ 8 ವರ್ಷಗಳಲ್ಲಿ ನಮ್ಮ ದೇಶ 75ನೇ ಸ್ವತಂತ್ರ ಮಹೋತ್ಸವವನ್ನು ಆಚರಿಸುತ್ತದೆ. ಅಷ್ಟರಲ್ಲಿ ನಾವೆಲ್ಲರೂ ಎದ್ದು ನಿಂತು ಪ್ರತಿಯೊಬ್ಬರೂ ಒಂದು ಒಳ್ಳೆಯ ಗುರಿಯೊಂದಿಗೆ ಮುನ್ನುಗ್ಗಿ ಅಭಿವೃದ್ದಿಯ ಪಥದಲ್ಲಿ ಮುಂದೆ ಸಾಗೋಣ, ಸ್ವತಂತ್ರದ ಅಮೃತ ಮಹೋತ್ಸವದ ಸಮಯ ಬರುವಷ್ಟರಲ್ಲಿ ಒಂದು ಬಲಿಷ್ಟ್ರ ರಾಷ್ಟ್ರ ಕಟ್ಟೋಣ.

ಈ ಕೆಟ್ಟ ಆಡಳಿತ ಕೊನೆಗೊಳ್ಳಬೇಕಿದೆ, ಒಳ್ಳೆಯ ಕಾಲ ಮುಂದೆ ನಮ್ಮದಾಗಬೇಕಿದೆ, ಕತ್ತಲೆಯಿಂದ ಬೆಳಕಿನೆಡೆಗೆ ಸಾಗಬೇಕಿದೆ, ಬಡವರ ದೀನ ಜನಗಳ ಅಭಿವೃದ್ದಿ ಆಗಬೇಕಿದೆ, ಅದಕ್ಕಾಗಿ ನಮ್ಮ ಪಕ್ಷವನ್ನ ಬೆಂಬಲಿಸಿ, ಭವ್ಯ ಭಾರತದ ಕನಸನ್ನ ನನಸಾಗಿಸಿ…..ಹಾಗೆ ನೀವು ಇಂದಿನ ಸಭೆಗೆ ಬರಲು ಪ್ರತಿಯೊಬ್ಬರೂ 10/- ರೂಪಾಯಿಯನ್ನ ಕೊಟ್ಟು ಟಿಕೆಟ್ ಕರಿದಿಸಿದ್ದೀರಿ, ಒಟ್ಟು 3.5 ಲಕ್ಷ ಜನ ಕೊಟ್ಟ ಈ ಹಣವನ್ನ ಸರ್ಧಾರ್ ವಲ್ಲಭಾ ಭಾಯಿ ಅವರ ಪುತ್ತಳಿ ನಿರ್ಮಾಣಕ್ಕೆ ಬಳಸಲಾಗುತ್ತದೆ……..ಧನ್ಯವಾದಗಳು…..ಭಾರತ್ ಮಾತಾಕಿ ಜೈ!!

ನನಗೆ ಅನ್ನಿಸಿದ್ದು ಸ್ನೇಹಿತರೇ ಮೋದಿಯವರ ಭಾಷಣ ಆಲಿಸಿದ ನಂತರ….ನಮ್ಮ ಯುವ ಜನಾಂಗ ಎಲ್ಲ ರೀತಿಯಲ್ಲೂ ಯೋಗ್ಯರಿದ್ದು, ಅವರಿಗೆ ಕೆಲಸ ಸಿಗುತ್ತಿಲ್ಲ, ಯಾಕೆ ಹೀಗೆ? ಇದರಿಂದ ನಮ್ಮ ಯುವ ಶಕ್ತಿಯ ಆತ್ಮ ಸ್ಥೈರ್ಯ ಕುಂದುವುದಿಲ್ಲವೇ? ಇದಕ್ಕೆಲ್ಲ ಕಾರಣ ಏನು? ಒಮ್ಮೆ ಮೋದಿಗೆ ನಮ್ಮ ಬೆಂಬಲ ಕೊಟ್ಟು ನೋಡೋಣ…ಭವ್ಯ ಭಾರತದ ಕನಸು ಸಾಕಾರಗೊಳ್ಳುವಲ್ಲಿ ಸಫಲರಾಗುತ್ತಾರೋ ನೋಡೋಣ… ಬನ್ನಿ ನಿಮ್ಮ ಅಭಿಪ್ರಾಯಗಳನ್ನ ಹಂಚಿಕೊಳ್ಳಿ…..ನಿಮ್ಮೊಂದಿಗೆ ಸದಾ ……ನಾಗರಾಜ್ ಮೌಳಿ.

Advertisements