Posts Tagged ‘kannada’

ಪ್ರೀತಿ, ಜಾತಿ, ರಾಜಕಾರಣ……(ಕೆ ಎನ್ ಸುಪ್ರೀತ್ ಅವರ ಮ೦ದಿರ -ಮಸೀದಿ ಕಾದ೦ಬರಿಯ ಬಗ್ಗೆ ನನ್ನ ಅಭಿಪ್ರಾಯ)

ಮಾರ್ಚ್ 18, 2015

ಯಾವಾಗಲಾದರೂ ಫ್ರೀ ಸಮಯ ಅಂತ ಸ್ಸಿಕ್ಕಾಗ ಓದುವುದು ಒಳ್ಳೆಯ ಅಭ್ಯಾಸವೆ. ಹಾಗಾಗಿ ಮೊನ್ನೆ ದಟ್ಸ್ ಕನ್ನಡದ ವೆಬ್ ಸೈಟ್ ತೆಗೆದು ನೋಡುತ್ತಿರುವಾಗ,,,, ಮಂದಿರ-ಮಸೀದಿ ಅನ್ನೋ ಹೆಸರು ಕಣ್ಣಿಗೆ ಬಿತ್ತು, ಕೂತುಹಲ ಯಾವಾಗಲೂ ಇಂತಹ ವಿಚಾರಗಳಲ್ಲಿ ಸ್ವಲ್ಪ ಹೆಚ್ಚೇ ..  ಸುಪ್ರೀತ್ ಕೆ ಏನ್ ಅವರ ಮಂದಿರ ಮಸೀದಿ ಪುಸ್ತಕ ಲೊಅಕರ್ಪಣೆಯಾಗಿದೆ… ಅನ್ನುವ ಸುದ್ದಿ ಇತ್ತು .. ಯಾಕೋ ಓದಬೇಕು ಅನ್ನಿಸಿದ್ದೇ ತಡ ಆನ್ಲೈನ್ ನಲ್ಲಿ ತರಿಸಿದೆ…

ನವಿರಾದ ಪ್ರೇಮ ಕಥೆ,,, ಸಾಹಿತಿಗಳು..ರಾಜಕಾರಣಿಗಳು. ಮಧ್ಯದಲ್ಲಿ ಜಾತಿ ಧರ್ಮಗಳು… ಒಂದು ಮೆಚ್ಚಲೇಬೇಕು, ಕೆಲವು ಪುಸ್ತಕಗಳನ್ನ ಒದಿದ್ದೇನೆ.. ಆದರೆ ಆ ಪುಸ್ತಕಗಳು ನಮ್ಮ ಕಾಲಘಟ್ಟದಲ್ಲ,,,ಯಾವುದೊ ಹಳೆಕಾಲದ ಕಥೆಯನ್ನ ಹೇಳಿದಂತೆ ಅನ್ನಿಸ್ತಿತ್ತು ಆದರೆ ಇಲ್ಲಿ..ನಿರುಪಣಾ ಶೈಲಿಯೇ ಹೊಸತು,, ಇಲ್ಲೇ ಸುತ್ತಮುತ್ತ ಕೆಲವು ದಿನಗಳ ಹಿಂದೆ ನೆಡೆದಿದೆಯೇನೋ  ಅನ್ನುವ ಅನುಭವ ಬರುವುದಕ್ಕೆ ಹೆಚ್ಚು ಹೊತ್ತು ಆಗಲಿಲ್ಲ,ಕಥಾ ಪಾತ್ರಗಳೂ ಈಗಿನ ಯುವ ಪೀಳಿಗೆಗಳೇ. ಒಂದು ಕಾದಂಬರಿ ಪುಟ ಪುಟಕ್ಕೂ ಓದಿಸಿಕೊಂಡು ಹೋಗಬೇಕು ಅದೇ ಚಂದ, ಹಾಗೆ ಆಯಿತು ಕೂಡ.

ಅಂಕಿತ್ ಒಬ್ಬ ಪ್ರತ್ರಿಕೊದ್ಯಮದ ಪದವೀದರ, ಅಮ್ರೀನ್ ಕೂಡ ಹೌದು .. ಕಥೆ ಬರೆಯುವ ಸ್ಪರ್ಧೆ, ಕಿರು ಚಿತ್ರ ನಿರ್ಮಾಣ ಹೀಗೆ ಕಾಲೇಜಿನ ಎಲ್ಲ ಸಂದರ್ಭಗಳಲ್ಲೂ ಒಬ್ಬರಿಗೊಬರು ಬೇಟಿಯಗುತ್ತಿರುತ್ತಾರೆ, ಕೊನೆಗೆ ಒಳ್ಳೆಯ ಮಾನಸಿಕ ಹೊಂದಾಣಿಕೆ ಬರುವುದಕ್ಕೂ ಸಮಯ ಬೇಕಗಲ್ಲ..ಪರಸ್ಪರ ವಿಚಾರಗಳಲ್ಲಿ ಒ೦ದೇ ರೀತಿಯಾದ ಯೋಚನಾ ಲಹರಿ, ಪರಸ್ಪರ ನ೦ಬಿಕೆ ಹೀಗೆ….ಪ್ರೀತಿಗೆ ಅಗತ್ಯವಾದ ಎಲ್ಲ ಯೊಗ್ಯತೆಗಳೂ ಬರುತ್ತವೆ, ಧರ್ಮದ ದೊಡ್ಡ ಗೋಡೆಯೇ ಮಧ್ಯ ನಿಂತಿದ್ದರೂ ಪ್ರೀತಿಯ ಸೆಳೆತ ಹೆಚ್ಚುತ್ತದೆ.. ಪ್ರೀತಿ  ಕೇಳಬೇಕೆ? ಇನ್ನೂ ಹತ್ತಿರವಾಗುತ್ತಾರೆ ಇಬ್ಬರೂ..ಬಿಸಿ ರಕ್ತದ ವೇಗದಲ್ಲಿ ದೈಹಿಕವಾಗಿ ಕೂಡಾ..

ಪ್ರೀತಿ ಏನು ಯಾರಿಗೆ ಬೇಕಾದರೂ ಆಗಬಹುದು ಅದರೆ… ಒಬ್ಬ ಹಿಂದೂ ಹುಡುಗ ಮ್ಮುಸ್ಲಿಂ ಹುಡುಗಿಯನ್ನ ಪ್ರೀತಿಸುವುದ? ಕಲ್ಪನೆ ಮತ್ತು ವಾಸ್ತವದ ನಡುವೆ ದೊಡ್ಡ ಅಂತರವೇನು ಕಂದಕ ಸೃಷ್ಟಿ ಆಗುತ್ತದೆ ಅಲ್ಲವೇ?   ಧರ್ಮ ಅಂದರೆ ಏನು? ಮಾಂಸಾಹಾರ ಬೇಡವೇ? ಎಲ್ಲಾ ಧರ್ಮಗಳಲ್ಲೂ  ದೊಂಬಿ ಗಲಾಟೆಗಳು ಅಗಿಲ್ಲವಾ? ಅದಕ್ಕೆ ಕಾರಣ ಏನು? ಯಾವ ಧರ್ಮ ಒಳ್ಳೆಯದು, ? ಯಾರ ಆಚರಣೆಗಳು ಸರಿ ಯಾರವು ತಪ್ಪು? ಹಲವಾರು ಪ್ರಶ್ನೆಗಳಿಗೆ ಅಂಕಿತ್ ಉತ್ತರ ಹುಡುಕುವ ಪ್ರಯತ್ನ ಮಾಡುತ್ತಿರುತ್ತಾನೆ… ಯಾಕಂದರೆ ಅವನಿಗೂ ಅದೇ ವಿಚಾರದಲ್ಲಿ ಒಂದು ಕೃತಿ ರಚಿಸುವ ಹಂಬಲ.

ನಮ್ಮ ಕಥಾನಾಯಕ ಅ೦ಕಿತ್ ಹಾಗು ಅಮ್ರೀನ್ ರಾಜಕೀಯ ಕೀಚಕರ ಕೈಗಳಿಗೆ ಸಿಕ್ಕಿ ಸಮಸ್ಯೆಗಳನ್ನ ತ೦ದುಕೊಳ್ಳುವ ಪ್ರಮೇಯವು ಬರುತ್ತದೆ, ತಾವೆ ಮು೦ದೆ ನಿ೦ತು ಮದುವೆ ಮಾಡಿಸುತ್ತೇವೆ ಅನ್ನುವ ಒಬ್ಬ ಪುಡಾರಿ ಒ೦ದು ಕಡೆ, ಹಿ೦ದು ಪರ ಕ್ರತಿಗಳನ್ನ ರಚಿಸಿ ಸಾಹಿತಿ ಅನ್ನಿಸಿಕೊ೦ಡು ನ೦ತರ ಅದೇ ಆಧಾರದ ಮೇಲೆ ಚುನಾವಣೆಗೆ ನಿಲ್ಲುವ ದೊಡ್ಡಪ್ಪ… ಅ೦ಕಿತ್ ಮದುವೆಯಾದರೆ ಎಲ್ಲಿ ” ತನ್ನ ತಮ್ಮನ ಮಗನನ್ನೆ ಮುಸ್ಲಿಮ್ ಹುಡುಗಿಗೆ ಕೊಟ್ಟು ಮದುವೆ ಮಾಡಿದ ದೊಡ್ಡಪ್ಪ…ಇವೆನೆ೦ತಾ ಹಿ೦ದುವಾದಿ? ಅ೦ದುಕೊ೦ಡು ಜನ ಓಟ್ ಹಾಕದೆ ಹೊದರೆ? ಎಲ್ಲರೀತಿಯಿ೦ದಲೂ ಇವರಿಬ್ಬರ ಪ್ರೀತಿಯನ್ನ ಬೇರ್ಪಡಿಸುವ ಹುನ್ನಾರ ಸಾಗುತ್ತದೆ…ಮು೦ದೆ ಅ೦ಕಿತ್ ಅಮ್ರೀನ್ ಒ೦ದಾಗುತ್ತಾರೋ ಇಲ್ಲವೊ? ಪುಸ್ತಕ ಕೊ೦ಡು ಓದಿ ನೋಡಿ.

ಒ೦ದು ಧರ್ಮ ಅ೦ದಮೇಲೆ ಒಳ್ಳೆಯದು ಕೆಟ್ಟದ್ದು ಕೂಡ ಸಹಜ ಅನ್ನುವುದು ನನ್ನ ಅಭಿಪ್ರಾಯ… ಯಾಕ೦ದರೆ…ಆಶೋಕ ರಾಜ ನ ಕಾಲದಲ್ಲಿ ಆದ ಯುದ್ದಗಳಲ್ಲಿ ಜನರು ಸತ್ತಿದ್ದಾರೆ..ಬಾಬರನ ಕಾಲದಲ್ಲಿ ಆದಗಲೂ ಸಾವು ನೋವುಗಳು ಆಗಿವೆ ಅಲ್ಲವೆ? ದೇವಸ್ಥಾನಗಳು ದ್ವ೦ಸಗೊ೦ಡಿವೆ, ಹಾಗೆ ಬೌದ್ದ ಬಸದಿಗಳೂ ಪುಡಿಯಾಗಿವೆ…. ಬಾಬರೀ ಮಸೀದಿಯೂ ಹೊಗಿದೆ…. ಹಾಗಿದ್ದಮೇಲೆ ಎರಡೂ ಕಡೆ ಕೆಟ್ಟ ಕೆಲಸಗಳು ನೆಡೆದಿವೆ ಅಲ್ಲವೆ? ಅ೦ದ್ರೆ ನಮ್ಮ ಧರ್ಮ ಮಾತ್ರ ಶ್ರೇಷ್ಠ ಅನ್ನುವ …ಕುರುಡು ನ೦ಬಿಕೆ ಏಕೆ?

ಹೆಣ್ಣುಮಕ್ಕಳನ್ನ ಬುರ್ಖ ದ ಸ೦ಕೋಲೆಯಲ್ಲಿ ಒ೦ದು ಧರ್ಮ ಇಟ್ಟರೆ, ಇನ್ನೊ೦ದು ಹೆಣ್ಣುಮಗಳನ್ನ ವರದಕ್ಷಿಣೆಗಾಗಿ ಸಾಯಿಸುತ್ತದೆ, ತನ್ನ ಗ೦ಡನಲ್ಲದ ಬೇರೆ ಯಾರಿಗೂ ಮುಖ ತೋರಿಸಲೂ ಬಾರದು ಅನ್ನುವ ಜಾತಿ ಒ೦ದುಕಡೆ, ತಿ೦ಗಳ ಮೂರು ದಿನ ಮನೆಯಿಂದ ಹೊರಗೆ ಇಡುವ ಜಾತಿ ಇನ್ನೊ೦ದುಕಡೆ, ಶಾಸ್ತ್ರ ಸ೦ಪ್ರದಾಯಗಳ ಅಡಿಯಲ್ಲಿ ಬ೦ದಿಸುವರು ಒಬ್ಬರು.. ಇನ್ನೊಬ್ಬರು ನಿಯಮ ನೀತಿಗಳಡಿಯಲ್ಲಿ…ನಲುಗುವುದು ಮಾತ್ರ ಹೆಣ್ಣು.

ರಾಜಕೀಯ ಅದ೦ತೂ ಕೇಳುವುದೇ ಬೇಡ, ಕೋಮುಗಲಭೆಗಳಲ್ಲಿ, ಲಾಭ ಪಡೆಯುವುದೇ ಅವರು… ಕೆಲ ರಾಜಕೀಯ ಕೀಚಕರ೦ತೂ ಕೋಮುಗಲಭೆಗಳನ್ನ ಹುಟ್ಟು ಹಾಕಿ ದೊಡ್ಡವರಗಿದ್ದಾರೆ ಅಲ್ಲವೆ? ಹಿ೦ದೂಗಳು ಸತ್ತರೆ ಅಲ್ಲಿ ಹೋಗಿ ಮೊಸಳೆ ಕಣ್ಣೀರು ಹಾಕೊರು ಕೆಲ ಪುಡಾರಿಗಳು, ಮುಸ್ಲಿಮ್ ಸಾವು ಆದ್ರೆ ಅಲ್ಲಿ ಹೋಗಿ ಬೆ೦ಕಿಗೆ ತುಪ್ಪ ಸುರಿಯೊರು ಇನ್ನೊ೦ದು ಪಕ್ಶದ ರಾಜಕೀಯ ನಾಯಕರು. ಒ೦ದು ಧರ್ಮದ ಜನರ ಮೂಗಿಗೆ ಬೆಣ್ಣೆ ಹಚ್ಚಿ ಗೆಲ್ಲೊದು, ಮಸೀದಿ ಕಟ್ಟಿಸಿ ಕೊಡುವ ಸುಳ್ಳು ಹೇಳಿ ಗೆಲ್ಲೊದು….ಧರ್ಮಗಳನ್ನ ಬೀದಿ ಬೀದಿಯಲ್ಲಿ ಮಾನ ಹರಾಜು ಹಾಕುವುದು ಈ ಕೊಳಕು ಜೀವಿಗಳಿಗೆ ದಿನನಿತ್ಯದ ಬ೦ಡವಾಳ.

ಸಾಹಿತಿಗಳು,…ಕೆಲವರು ಹಿ೦ದೂಪರ ಬರವಣಿಗೆಗಳನ್ನ ಬರೆದು ಪ್ರಶಸ್ತಿಗಾಗಿ ಕ್ಯೂ ನಿಲ್ಲುವುದು, ಇನ್ನು ಕೆಲವರು ಮುಸ್ಲಿಮರ ಪರವಾಗಿ ಬರೆದು ಸರತಿ ಸಾಲಲ್ಲಿ ನಿಲ್ಲೊದು, ಹಿ೦ದು ಪರ ಬರಹಗಾರನಿಗೆ ಒ೦ದು ಪಕ್ಷದ ಶ್ರೀ ರಕ್ಶೆ….ಮುಸ್ಲಿಮ್ ಪರ ಬರೆದವನಿಗೆ ಇನ್ನೊ೦ದು ಪಕ್ಷದಲ್ಲಿ ಸ್ಥಾನಮಾನ. ಹಿ೦ದೂ ಭಾವನೆಗಳನ್ನ ಕೆರಳಿಸಿ ಬರೆದು ಪುಸ್ತಕ ಮಾರಟ ಹೆಚ್ಚಿಸಿಕೊಳ್ಳೊದು ಒ೦ದು ಪ೦ಗಡ, ಮುಸ್ಲಿಮ್ ಪರವಾಗಿ ಬರೆದವರೆಲ್ಲ ಎಡ ಪ೦ಥೀಯ ಪ೦ಗಡ…..ಅವನು ಬರೆದಿದ್ದು ಸರಿ ಇಲ್ಲ ಅ೦ತ ಇವನು, ಇವನು ಬರೆದಿದ್ದು ಅಕ್ಷರವೇ ಅಲ್ಲ ಅ೦ತ ಅವನು…..ಪ್ರಶಸ್ತಿಗಾಗಿ ರಾಜಕೀಯ ಪಕ್ಷಗಳ ಜೊತೆ ..ಹೊ೦ದಾಣಿಕೆ ಮಾಡಿಕೊಳ್ಳೊದು.

ಬದುಕಲ್ಲಿ…ಇದೆಲ್ಲ ನಿಜವಾಗ್ಲೂ ಬೇಕ? ಸ್ನೆಹ ವಿಶ್ವಾಸಗಳಿ೦ದ ಇರಲು ಸಾದ್ಯವಿಲ್ಲವ? ಖ೦ಡಿತಾ ಸಾಧ್ಯವಿದೆ….ಮೊದಲು ರಾಜಕೀಯದ ಸಹವಾಸ ಬಿಡಬೇಕು… ಅವರ ಪ್ರಚೋದನಕಾರಿಯಾದ ಭಾಷಣಕ್ಕೆ ಕಿವಿ ಕೊಡುವುದು ನಿಲ್ಲಿಸಬೇಕು, ನಿಜವಾಗಿಯೂ ಸರ್ವ ಜನ ಹಿತಕ್ಕೆ ಕೆಲಸ ಮಾಡುವ ನಾಯಕರನ್ನ ಆರಿಸುವ ಮನ್ಸಸ್ಸು ಮಾಡಬೇಕು. ಹೆಣ್ಣಿನ ಸ್ವಾತ೦ತ್ರ್ಯದ ಬಗ್ಗೆ ಮಾತನಾಡುವುದಕ್ಕಿ೦ತ ಅವರಿಗೆ ಅವಕಾಶ ಹಾಗು ಗೌರವರಗಳನ್ನ ಕೊಡುವುದನ್ನ ನಾವು ಮೊದಲು ರೂಡಿಸಿಕೊಳ್ಳಬೇಕು. ಯವುದೊ ಒ೦ಧು ಧರ್ಮದ ಬಗ್ಗೆ ಬರೆಯುವ ಅವರನ್ನ ಎತ್ತಿ ಕಟ್ಟುವ ಸಾಹಿತಿಗಳನ್ನ ಸಮರ್ಥಿಸುವುದನ್ನ ನಿಲ್ಲಿಸಬೇಕು. ಕೇಸರಿ ಹಾಗು ಹಸಿರು ಶಾಲಿನ ಹಿ೦ದೆ ಕೊಳಕು ರಾಜಕೀಯ ತು೦ಬಿರುವ ಸ೦ಘ ಸ೦ಸ್ಥೆಗಳಿಗೆ ನಮ್ಮ ಬೆ೦ಬಲವನ್ನ ನಿಲ್ಲಿಸಿಬಿಡಬೇಕು. ಒ೦ದು ವಯಸ್ಸಿಗೆ ಬ೦ದ ಗ೦ಡು ಹೆಣ್ಣು ದೈಹಿಕವಾಗಿ ಕೂಡಿದರೆ ಮಕ್ಕಳಾಗುತ್ತವೆ.. ಹಾಗ೦ದಮೆಲೆ ಜಾತಿ ಧರ್ಮಗಳಿಗಿ೦ತ ಪ್ರಕ್ರತಿ ಯೆ ಮೇಲ್ಲವೆ? ಅ೦ದ್ರೆ ಜಾತಿ ಜಾತಿಗಳ ನಡುವೆ ಕಿತ್ತಾಟದ ಬದಲು ಪ್ರೀತಿ ಸ್ನೇಹದಿ೦ದ ಇರುವ ಪ್ರಯತ್ನ ಮಾಡುವುದು ಒಳ್ಳೇಯದು ಅಲ್ಲವೆ?

ಕೆಲವು ಧರ್ಮಾ೦ದರ ಬಗ್ಗೇ ಹೇಳಲೇಬೇಕು, ಜಾತಿ ಜಾತಿಗೆ ಒ೦ದೊ೦ದು ಮಠ..ಅದರಲ್ಲೂ ರಾಜಕೀಯ..ಯೊಗ ಹೆಳಿಕೊಡುವ ನೆಪದಲ್ಲಿ ಕಾವಿ ವೇಷ, ಧರ್ಮ ಫ್ರಚಾರದ ಹೆಸರಲ್ಲಿ ಯುವ ಜನಾ೦ಗವನ್ನ ದಿಕ್ಕು ತಪ್ಪಿಸುವುದು, ಕೋಟಿ ಕೋಟಿ ದುಡ್ಡನ್ನ ಕಾಣಿಕೆಯಾಗಿ ಸ್ವೀಕರಿಸಉವುದು, ಕೆಲವೇ ನಿಮಿಷ ಈ ದೇಶದ ಪೊಲಿಸರು ಸುಮ್ಮನಿರಲಿ ಇಡೀ ದೇಶದ ಹಿ೦ದೂಗಳನ್ನ ಕತ್ತರಿಸುತ್ತೇವೆ ಅನ್ನುವ ಹೊಲಸು ಧರ್ಮನಾಯಕರುಗಳು… ಇವರೆಲ್ಲರಿ೦ದಲೂ ಆದಷ್ಟು ದೂರ ಇರುವುದು ಲೇಸು ಅಲ್ಲವೆ?

ಪ್ರೀತಿ ನಮ್ಮದಾಗಬೇಕ೦ದರೆ ಒಳ್ಲೆಯ ಮನಸ್ಸನ್ನ ಮೊದಲು ಹುಡುಕಬೇಕು, ಪರಸ್ಪರ ನ೦ಬಿಕೆ ವಿಶ್ವಾಸ ಬೆಳಸಿಕೊಳ್ಳಬೇಕು, ಎಲ್ಲಕಿ೦ತ ಮೊದಲು ಒಳ್ಳೆಯ ಸ್ನೇಹಿತರಾಗಬೇಕು.ಸ್ಮಶಾನದಲ್ಲಿ ಹೆಣವನ್ನ ಮಣ್ನು ಮಾಡಲೂ ಕೂಡ ಸಾವಿರಾರು ರುಪಾಯಿಗಳನ್ನ ಖರ್ಚುಮಾಡಬೇಕಾದ ಕಾಲವಿದು.. ಹಾಗಾಗಿ ಪ್ರೀತಿ ಪ್ರೇಮದ ಬಲೆಗೆ ಬೀಳುವ ಮೊದಲೇ ಯೊಚಿಸಿ ಹಣ ಸ೦ಪಾದಾನೆಯ ನ್ಯಾಯಯುತ ಮಾರ್ಗ ಕ೦ಡುಕೊಳ್ಳುವುದು ಓಳ್ಳೆಯದು. ವಿದ್ಯಾರ್ಥಿದೆಸೆಯಲ್ಲ೦ತೂ ಪ್ರೀತಿ ಪ್ರೇಮದ ಗು೦ಗಿಗೆ ಹೋಗದೆ ಇರುವುದು ಒಳ್ಳೆಯದು,ಬಿಸಿ ರಕ್ತದ ಬರದಲ್ಲಿ ಹೆಣ್ಣು ಗ೦ಡುಗಳ ವ್ಯಮೋಹ ಹುಟ್ಟುವುದು ಸಹಜ ಅದರ ಮೇಲೆ ಹಿಡಿತವಿದ್ದರೆ ಸೂಕ್ತ ಅಲ್ಲವೆ? ಅತಿಯಾದ ಪ್ರೀತಿ ಕೂಡ ಮನೊರೊಗದ೦ತೆ…ಇತಿಮಿತಿಯಲ್ಲಿ ಇದ್ದರೆ ಒಳಿತು…ಇದನ್ನೆ ಕಾದ೦ಬರಿಯ ಎಲ್ಲ ಪುಟಗಳಲ್ಲೂ ನವಿರಾದ ಪ್ರೇಮ ಕಥೆಯ ಮೂಲಕ ಲೇಖಕ ಸುಪ್ರೀತ್ ತಿಳಿಸಿದ್ದಾರೆ ಅನ್ನುವುದು ನನ್ನ ಅನಿಸಿಕೆ.

ನನ್ನನ್ನ ಮತ್ತೆ ಬರೆಯುವುದಕ್ಕೆ ಇ೦ಬು ಕೊಡುವಲ್ಲಿ, ಮ೦ದಿರ-ಮಸೀದಿ ಕಾದ೦ಬರಿ ಸಹಾಯ ಮಾಡಿದೆ, ನಿಮಗೇನ್ನಸಿತು ನೀವು ಹೇಳಿ…ಮತ್ತೊಮ್ಮೆ ಹೀಗೆ ಇನ್ನೇನಾದರೂ ವಿಚಾರಗಳನ್ನ ನಿಮ್ಮೊ೦ದಿಗೆ ಹ೦ಚಿಕೊಳ್ಳುವ ಪ್ರಯತ್ನ ಮಾಡ್ತೇನೆ…

Advertisements

ಕನ್ನಡ ಮತ್ತು ಇಂಗ್ಲೀಷ್

ಜೂನ್ 7, 2012

ನಮಸ್ಕಾರ ಸ್ನೇಹಿತರೇ ಹೇಗಿದ್ದೀರಿ? ಎಷ್ಟೊಂದು ದಿನ ಆಯಿತಲ್ಲ ನಿಮ್ಮನ್ನ ಭೇಟಿಮಾಡಿ, ಹಾಗಾಗಿ ನಿಮ್ಮೊಂದಿಗೆ ಮತ್ತೆ ಮಾತಾಡಬೇಕು ಅನ್ನಿಸಿದೆ, ಮತ್ತೊಂದು ವಿಷಯಸಿಕ್ಕಿದೆ, ಬನ್ನಿ ಸ್ವಲ್ಪ ಹೊತ್ತು ವಿಚಾರ ವಿನಿಮಯ ನೆಡೆಸೋಣ ಏನಂತೀರಿ?

ಇತ್ತೀಚೆಗ ನಮ್ಮ ಘನ ಸರ್ಕಾರ , ಸರ್ಕಾರಿ ಶಾಲೆಗಳಲ್ಲಿ 6ನೇ ತರಗತಿಯಿಂದ ಇಂಗ್ಲೀಷ್ ಕಲಿಕೆಯನ್ನು ಪ್ರಾರಂಭಗೊಳಿಸುವ ಚಿಂತನೆಯನ್ನ ನೆಡೆಸಿದೆ ಅದಕ್ಕೆ ಪೂರಕವಾದ ಅಧಿಕೃತ ಆದೇಶ ಹೊರಬೀಳಬೇಕಿದೆ ಅಷ್ಟೇ….ಆದರೆ ಅದರ ಪರ ಹಾಗೂ ವಿರೋಧ ಚರ್ಚೆಗಳು ಶುರುವಾಗಿಬಿಟ್ಟಿದೆ……ಆದರೆ ಒಬ್ಬ ಸಾಮಾನ್ಯ ಕನ್ನಡಿಗನಾಗಿ ನಮ್ಮ ಚಿಂತನೆ ಏನು ಅನ್ನುವುದು ಅಲ್ಲವೇ?

ಎಷ್ಟೋ ಸಲ ನೋಡಿದ್ದೇವೆ, ನಮ್ಮ ವಿದ್ಯಾರ್ಥಿಗಳು  ಸರ್ಕಾರಿ ಶಾಲೆಗಳಲ್ಲಿ ಕಾಲೇಜುಗಳಲ್ಲಿ ಓದಿ ನಂತರ ಈಗಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಕೇವಲ ಇಂಗ್ಲೀಷ್ ಭಾಷೆಯ ಪ್ರೌಡಿಮೆಯ ಕೊರತೆಯಿಂದಾಗಿ ತಮ್ಮನ್ನ ತಾವು ಎಷ್ಟು ಸಮರ್ಥರೆಂದು ತೋರಿಸಿಕೊಳ್ಳಲಾಗದೆ ತೊಳಲಾಡುವುದನ್ನ. ಹಾಗೆ ಎಷ್ಟೋ ಹುಡುಗರು ನಮ್ಮ ಕಾಲದಲ್ಲಿ ಇಂಗ್ಲೀಷ್ ಪೇಪರ್ ನ ಮೂರು ಅಥವಾ ಅದಕ್ಕಿಂತ ಹೆಚ್ಚುಬಾರಿ ಬರೆದು ತಮ್ಮ  ಎಸ್ ಎಸ್ ಎಲ್ ಸಿ ಯನ್ನ ಪಾಸ್ ಮಾಡಿಕೊಂಡಿದ್ದನ್ನ ಕಂಡಿದ್ದೇವೆ, ಇನ್ನೂ ಕೆಲವರಂತೂ ಇಂಗ್ಲೀಷ್ ಪೇಪರ್ ಫೈಲ್ ಆಗಿದೆ ಅಂತ ಗೊತ್ತಾಗ್ತಾ ಇದ್ದ ಹಾಗೆ ತಮ್ಮ  ಶಿಕ್ಷಣವನ್ನೇ ನಿಲ್ಲಿಸಿ ಸಣ್ಣ ಪುಟ್ಟ ಕೆಲಸ ಮಾಡಿಕೊಂಡು ಸಂಸಾರದ ಸಾವಿರ ಸಾವಿರ ತಲೆಬಿಸಿಯನ್ನ ಹೆಗಲ ಮೇಲೆ ಅತ್ಯಂತ ಚಿಕ್ಕ ವಯಸ್ಸಿನಲ್ಲೇ ಹೊತ್ತಿರುವುದನ್ನ ನೋಡಿ ಒಮ್ಮೆ ಮರುಗಿ ಹೋಗಿದ್ದೇವೆ ಅಲ್ಲವೇ? ಯಾರಿಗೆ ಗೊತ್ತು ಅವರಿಗೆ ಸ್ವಲ್ಪ ಹೆಚ್ಚಿನ ಅವಕಾಶ ಸಿಕ್ಕಿದ್ದರೆ ಹೆಚ್ಚು ಓದಿ ಒಳ್ಳೆಯ ರೀತಿಯಲ್ಲಿ ಸಮಸ್ಯೆಗಳನ್ನ ಎದುರಿಸುವ ಶಕ್ತಿ ಹೊಂದಿರುತ್ತಿದರೋ ಏನೋ?

ಇಂಗ್ಲೀಷ್ ಸಮಸ್ಯೆಗಳು ಇಲ್ಲಿಗೆ ನಿಂತಿಲ್ಲ , ಎಷ್ಟೋ ಬಾರಿ ನಮ್ಮ ರೈತ ಭಾಂದವರು ಮೋಸ ಹೋಗಿದ್ದೂ ಉಂಟು, ಅವರಿಗೆ ಬಂದ ನೋಟೀಸ್ , ಕಾಗದ, ಅಥವಾ ಬಂದ ಇನ್ನೇನೋ ಸರ್ಕಾರಿ ಆದೇಶಗಳನ್ನ ಸ್ವತಃ ಓದಿ ಅರ್ಥಮಾಡಿಕೊಳ್ಳಲಾಗದೆ ಯಾರೋ ಊರಲ್ಲಿ ಅರೆ ಬರೆ ಓದಿದ ವ್ಯಕ್ತಿಯ ಹತ್ತಿರ ಅದನ್ನ ಕೊಟ್ಟು ಓದಿಸಿ, ನಂತರ ಏನೂ ಗೊತ್ತಾಗದೆ ಸರ್ಕಾರಿ ಕಚೇರಿಗಳಿಗೆ, ಮಧ್ಯವರ್ತಿಗಳೊಂದಿಗೆ, ಓಡಾಡಿ ದುಡ್ಡು ತಿನ್ನಿಸಿ ಲಂಚದ ಬಲೆಯಲ್ಲಿ ಬಿದ್ದು, ಕೊನೆಗೆ ನಿರಾಶೆಯ ಕೈ ಹೊತ್ತು ಕೂತಿರುವುದನ್ನ ನೋಡಿದರೆ ತುಂಬಾ ಬೇಸರವಾಗುತ್ತದೆ ಅಲ್ಲವೇ?

ಯಾರೋ ದೊಡ್ಡದಾಗಿ ಇಂಗ್ಲಿಷ್ ಪೇಪರ್ ನ ಓದುವುದನ್ನ ನೋಡಿದಾಗ, ಎಲ್ಲೋ ಯಾರೋ ಅರೆ ಬರೆ ಇಂಗ್ಲೀಷ್ ಮಾತಾಡೋವಾಗ, ಇನ್ನೂ ಯಾರೋ ಒಮ್ಮೆ ತಮ್ಮ ದೊಡ್ಡತನ ತೋರಿಸಿಕೊಳ್ಳಲು ಇಂಗ್ಲೀಷ್ ನಲ್ಲೇ ಮಾತಾಡಿಸಿದಾಗ ಅದೆಷ್ಟು ಬಾರಿ ಯೋಚಿಸಿಲ್ಲ ….. ಛೇ ನನಗೇಕೆ ಹಾಗೆ ಇರಲು ಸಾದ್ಯವಿಲ್ಲ? ನನ್ನಲ್ಲಿ ಇಷ್ಟು ಜ್ಞಾನವಿದ್ದರೂ ಯಾಕೆ ಬೇರೆಯವರೊಂದಿಗೆ ಹಂಚಿಕೊಳ್ಳಲು ಸಾದ್ಯವಿಲ್ಲ ? ನಾನೇಕೆ ಅಷ್ಟು ಹೆದರುತ್ತೇನೆ ಇವರ ಮುಂದೆ ? ಈ ಎಲ್ಲ ಪ್ರಶ್ನೆಗಳೂ ನಮ್ಮನ್ನ ಹಲವು ಬಾರಿ ಕಾಡಿವೆ ಹಾಗೆ ಕಾಡುತ್ತಲೇ ಇವೆ.

ಈಗ ಕನ್ನಡ ದಲ್ಲಿಯೇ ಕಡ್ಡಾಯ ಶಿಕ್ಷಣ ಅನ್ನುವುದನ್ನ ಒಪ್ಪಿದೆವು ಅಂದುಕೊಳ್ಳೋಣ……ನೋಡಿ ಅದೆಷ್ಟೋ ಲಕ್ಷಾಂತರ ಜನ ಪ್ರತಿವರ್ಷ ನಮ್ಮ ದೇಶದ ವಿವಿದ ಭಾಗಗಳಿಂದ ತಮ್ಮ ಇಂಜೀನಿರಿಯಂಗ್ , ಪದವಿಗಳನ್ನ ಮುಗಿಸಿಕೊಂಡು ಹೊರಬರುತ್ತಾರೆ ಅವರೆಲ್ಲರಿಗೂ ಅವರ ಮಾತೃಬಾಷೇಯನ್ನೇ  ಉಪಯೋಗಿಸಿಕೊಂಡು ಕೆಲಸ ಮಾಡುವ ಅವಕಾಶ ಸಿಗುತ್ತದೆಯೇ? ಇಲ್ಲವೇ ಎಲ್ಲ ಸ್ನೇಹಿತರೇ,ಈಗಿನ ಎಲ್ಲ ಕಾರ್ಪೊರೇಟ್ ಕಂಪನಿಗಳು, ಸಂಸ್ಥೆಗಳು ಇಂಗ್ಲೀಷ್ ನಲ್ಲೇ ಸಂದರ್ಶನ ಮಾಡುವುದು ಅಲ್ಲವೇ? ಅದಿರಲಿ ಎಲ್ಲರಿಗೂ ಅವರ ರಾಜ್ಯದಲ್ಲಿಯೇ ಕೆಲಸ ಸಿಗುತ್ತದೆಯೇ? ಇಲ್ಲ ಅವರು ಬೇರೆ ಕಡೆ ಹೋಗಲೇ ಬೇಕು ಆಗ ತಕ್ಷಣ ಅಲ್ಲಿನ ಸ್ಥಳೀಯ ಭಾಷೆಯನ್ನ ಕಲಿತುಬಿಡುವುದು ಸಾದ್ಯವೇ? ಹಾಗೆ ಸರ್ಕಾರಿ ಶಾಲೆಗಳಲ್ಲಿ 10 ನೇ ತರಗತಿಯವರೆಗೆ ಕನ್ನಡ ಕಡ್ಡಾಯ ಮಾಡಿದರೆ ಖಾಸಗೀ ಶಾಲೆಗಳು ಇಂಗ್ಲೀಷ್ ಅನ್ನ ಚನ್ನಾಗಿ ಕಲಿಸುತ್ತವೆ, ಆಗ ನಮ್ಮ ಸರ್ಕಾರಿ ಶಾಲೆಗಳಲ್ಲಿ ಓದಿದ ನಮ್ಮ ಹುಡುಗರು ಕಾನ್ವೆಂಟ್ ಹುಡುಗರ ಮಧ್ಯೆ ಸ್ಪರ್ಧೆ ಮಾಡಲಾಗದೆ ಅವಕಾಶ ವಂಚಿತರಾಗುವುದಿಲ್ಲವೇ? ಹಾಗೆ ನಾವು ಯಾವುದೇ ವೃತ್ತಿ ತರಬೇತಿ ಅಥವಾ ಮೆಡಿಕಲ್, ಇನ್ನೇನೋ ಓದಲು ಹೋದಾಗ ಇಂಗ್ಲೀಷಿನಲ್ಲೇ ಓದಬೇಕು ಆಗ ನಮಗೆ ಆ ಭಾಷೆಯ ಬಗ್ಗೆ ಸ್ವಲ್ಪವೂ ಅರಿವಿಲ್ಲ ಎಂತಾದರೆ ನಾವು ಎಷ್ಟರ ಮಟ್ಟಿಗೆ ಯಶಸ್ವಿಯಾಗಬಹುದು?

ಈಗ ಮೈಕ್ರೋ ಕಂಪ್ಯೂಟರ್ ಗಳು, ಟ್ಯಾಬ್ಲೇಟ್ ಪಿ ಸಿ ಗಳ ಕಾಲ, ಇಡೀ ಪ್ರಪಂಚ ಒಂದು ಚಿಕ್ಕ ಗ್ರಾಮದಂತೆ ಕ್ಷಣಾರ್ಧದಲ್ಲಿ ಕನೆಕ್ಟ್ ಆಗಿಬಿಡುತ್ತದೆ, ಆಗ ನಮಗೆ ಕೇವಲ ಕನ್ನಡ ಮಾತ್ರ ಗೊತ್ತಿದ್ದರೆ ಸಂಪರ್ಕ ಭಾಷೆಯಾದ ಇಂಗ್ಲೀಷ್ ಗೊತ್ತಿಲ್ಲ ಅಂದರೆ, ಹೇಗೆ ಹೊರಗಿನ ಪ್ರಪಂಚದೊಂದಿಗೆ ನಾವೂ ಕೂಡ ಸೇರಿಕೊಳ್ಳುವುದು? ಹಾಗೆಂದು ಪ್ರತಿಯೊಬ್ಬರೂ ಸ್ಪಷ್ಟವಾಗಿ ಇಂಗ್ಲೀಷ್ ನಲ್ಲೇ ಮಾತನಾಡಬೇಕು ಅಂತಲ್ಲ ಆದರೆ ನಮಗೆ ಕನ್ನಡದಂತೆಯೇ ಇಂಗ್ಲೀಷ್ ನ ಜ್ಞಾನವೂ ಇರಬೇಕು ಅಲ್ಲವೇ….? ಕೊನೆಯ ಪಕ್ಷ ನಮಗೆ ಬೇರೆ ಕ್ಷೇತ್ರಗಳಲ್ಲಿ ಹೋಗಿ  ಅಧ್ಯಯನ ಮಾಡಲು ಸಹಕಾರಿಯಾಗುವ ಮಟ್ಟಿಗೆ ತಿಳಿದಿದ್ದರೆ ಸಾಕು.

ಹಾಗೆಂದು ನನ್ನ ಅಭಿಪ್ರಾಯ ಸಂಪೂರ್ಣ ಇಂಗ್ಲೀಷ್ ಶಿಕ್ಷಣ ಕೊಡಬೇಕು ಅಂತಲ್ಲ, ಸಮಾನಾಂತರವಾಗಿ ಕನ್ನಡ ಹಾಗೂ ಇಂಗ್ಲೀಷ್ ನ ಶಿಕ್ಷಣ ನೆಡೆಯಲಿ ಅಷ್ಟೇ, ಕನ್ನಡ ಒಂದು ಸ್ಥಳೀಯ ಭಾಷೆಯಾಗಿ, ಜೊತೆಗೆ ಇಂಗ್ಲೀಷ್ ಒಂದು ಸಂಪರ್ಕ ಬಾಷೆಯಾಗಿ ಭೋದಿಸುವ ಕೆಲಸ ನೆಡೆಯಲಿ, ನಮ್ಮ ಕನ್ನಡ ಪ್ರೇಮವನ್ನ ನಮ್ಮ ಹೃದಯದಲ್ಲೇ ಇಟ್ಟುಕೊಂಡು ಕನ್ನಡ ಭಾಷೆಯನ್ನ ಎಲ್ಲೆಡೆ ಬಳಸೋಣ, ನಮ್ಮ ಸಾಹಿತ್ಯವನ್ನ ಪುರಸ್ಕರಿಸೋಣ ವ್ಯವಹಾರಿಕವಾಗಿ ಇಂಗ್ಲೀಷ್ ಬಳಕೆಯ ಅಗತ್ಯತೆ ಬಂದಾಗ ನಾವು ಯಾರಿಗೂ ಕಮ್ಮಿ ಇಲ್ಲ ಅನ್ನೋದನ್ನ ತೋರಿಸಿ ಕೊಡೋಣ. ಅದನ್ನ ಬಿಟ್ಟು ಕನ್ನಡದಲ್ಲಿ ಮಾತ್ರ ಶಿಕ್ಷಣ ಕೊಡಬೇಕು ಅನ್ನುವುದು ಸಮಂಜಸವಲ್ಲ ಅಲ್ಲವೇ? ಹಾಗೆ ನಾವು ಕನ್ನಡದಲ್ಲೇ ಓದಿರೋದು ಇಡೀ ಪ್ರಪಂಚ ನಮ್ಮೊಂದಿಗೆ ಕನ್ನಡದಲ್ಲೇ ವ್ಯವಹರಿಸಬೇಕು ಅಂದರೆ ಅದನ್ನ ಪ್ರಪಂಚ ಕೇಳುತ್ತದೆಯೇ? ಒಂದು ವಿಚಾರ ಸ್ಪಷ್ಟ ಸ್ನೇಹಿತರೇ ನಮಗೆ ಇಂತಹ ಒಂದು ಭಾಷೆಯಲ್ಲಿ ಮಾತ್ರ ವ್ಯವಹಾರ ಗೊತ್ತಿರೋದು ನಮಗೆ ಕೆಲಸ ಕೊಡಿ ಅಂತ ಎಲ್ಲಾದರೂ ಹೋಗಿ ಕೇಳಿದರೆ………ಏನು ಹೇಳಿಯಾರು ಯೋಚಿಸಿ ನೋಡಿ.. ನಾವಿಲ್ಲದಿದ್ದರೆ ನಮ್ಮನ್ನ ಮೀರಿಸುವ ಜನ ಇಲ್ಲಿ ಇದ್ದಾರೆ ಅವರು ಆ ಒಳ್ಳೆಯ ಅವಕಾಶವನ್ನ ನಮ್ಮಿಂದ ಕಸಿದುಕೊಂಡು ಬಿಡುತ್ತಾರೆ ಅದಕ್ಕೆ ನಾವು ಕನ್ನಡಿಗರು ಆಸ್ಪದ ಕೊಡಬೇಕೇ? ಇನ್ಯಾರೋ ಬೇರೆ ರಾಜ್ಯದಿಂದ ಬಂದು ಇಲ್ಲಿ ನಮಗೆ ಸಿಗಬೇಕಾದ ಅವಕಾಶಗಳನ್ನ ಕಿತ್ತು ಅವರು ಅದನ್ನ ಪಡೆಯುವುದನ್ನ ನೋಡಿದರೆ ನಮಗೆ ಬೇಸರವಾಗುವುದಿಲ್ಲವೇ? ನಾವು ಒಂದೇ ಬಾಷೆಗೆ ನಮ್ಮನ್ನ ಸೀಮಿತಗೊಳಿಸಿಕೊಂಡು ಬಿಟ್ಟರೆ ಅನ್ಯ ಬಾಷಿಗರು ಬೆಂಗಳೂರಿನಂತಹ ನಗರಗಳಲ್ಲಿ ಬಂದು ನಮ್ಮ ಮೇಲೆ ದಬ್ಬಾಳಿಕೆ ಮಾಡುವುದನ್ನ ಕಾಣಬೇಕಾಗುತ್ತದೆ ಏನಂತೀರಿ?

ಸ್ನೇಹಿತರೇ ಇದು ವ್ಯವಹಾರದ ಯುಗ, ಭಾರತದಂಥ ದೇಶಗಳು ತಮ್ಮ ವ್ಯವಹಾರಕ್ಕಾಗಿ ಅವಲಂಬಿಸಿರುವುದು ಇತರ ರಾಷ್ಟ್ರಗಳನ್ನ, ಹಾಗೆ ಬಹುಪಾಲು ರಾಷ್ಟ್ರಗಳು ಇಂಗ್ಲೀಷ್ ಅನ್ನ ಸಂಪರ್ಕಬಾಷೆಯನ್ನಾಗಿ ಮಾಡಿಕೊಂಡಿವೆ, ಅವರೆಲ್ಲ ನಮಗೆ ಏನಾದರೂ ವಹಿವಾಟು ನೀಡಬೇಕಾದರೆ ಅವರೊಂದಿಗೆ ನಾವು ಚೆನ್ನಾಗಿ ಚರ್ಚೆಮಾಡಿ, ಅವರನ್ನ ಒಪ್ಪಿಸಿ ವ್ಯಾಪಾರ ಕುದುರಿಸಬೇಕು….ಹಾಗಾಗಿ ಇಂಗ್ಲೀಷ್ ಅತ್ಯಂತ ಮುಖ್ಯ,ಅದನ್ನ ಮನಗಂಡು ನಮ್ಮ ವ್ಯವಹಾರಕ್ಕೆ ಎಷ್ಟುಬೇಕೋ ಅಷ್ಟು ಪ್ರೌಡಿಮೆಯನ್ನ ನಾವು ಪಡೆದು ಕೊಳ್ಳಲು ನಮ್ಮ ಶಿಕ್ಷಣ ನೆರವಾಗಬೇಕು ನಮಗೆ.

ಈ ವಿಚಾರದಲ್ಲಿ ಕನ್ನಡ ಸಾಹಿತ್ಯ ಚಿಂತಕರಿಗೂ, ಕನ್ನಡ ಪ್ರೇಮಿಗಳಿಗೂ ನನ್ನ ಸಂಪೂರ್ಣ ಬೆಂಬಲ ಇದ್ದೇ ಇದೆ, ನಮ್ಮ ನಾಡು ನುಡಿ, ಜಲ ನೆಲದ ಇತಿಹಾಸ, ಸಂಸ್ಕೃತಿಯನ್ನ ಖಂಡಿತಾ ನಾವು ಮುಂದಿನ ಪೀಳಿಗೆಗೆ ನೀಡಲೆ ಬೇಕು, ಅದು ಪ್ರತಿಯೊಬ್ಬ ಕನ್ನಡಿಗನ ಕರ್ತವ್ಯ ಕೂಡ ಆದರೆ ನಾವೂ ಪ್ರೀತಿಸುವ ಭಾಷೆಯಾಗಿ ನಮ್ಮ ಮನದಲ್ಲಿ ಕನ್ನಡ ಸದಾ ಇರಲಿ ಅದನ್ನ ಒಗ್ಗಟ್ಟು, ಹೊಂದಾಣಿಕೆ, ಪ್ರೀತಿ ವಿಶ್ವಾಸದ ಮೂಲಕ ಎಲ್ಲರೊಂದಿಗೆ ಹಂಚಿಕೊಳ್ಳೋಣ ಆದರೆ ಸಂಪರ್ಕ ಭಾಷೆಯಾಗಿ ಇಂಗ್ಲೀಷ್ ಅದು ಹೇಗೋ ಒಗ್ಗಿಕೊಂಡು ಬಿಟ್ಟಿದೆ ಹಾಗಾಗಿ ಅದು ನಮಗೆ ಗೊತ್ತಿಲ್ಲ ಅಂತ ಯಾಕೆ ಆಗಬೇಕು……ಬೇರೆಯವರೊಂದಿಗೆ ತಲೆ ಎತ್ತಿ ಹೆಮ್ಮೆ ಇಂದ ಹೇಳೋಣ ನಾವೂ ಆಧುನಿಕ ಪ್ರಪಂಚವನ್ನ ಎದುರಿಸುವಲ್ಲಿ ಸರ್ವ ಸಮರ್ಥರು ಅನ್ನುವುದನ್ನ,

ಕೊನೆಯದಾಗಿ: ಕನ್ನಡ ಮಾಧ್ಯಮವಾಗಿರಲಿ, ಅಥವಾ ಇಂಗ್ಲೀಷ್ ಮಾಧ್ಯಮವೇ ಆಗಿರಲಿ, ಆದರೆ ನಿಮ್ಮ ಮಾತೃಭಾಷೆಗೆ ಹೆಚ್ಚಿನ ಗೌರವವನ್ನ ನೀಡಿ, ಜೊತೆಗೆ ಸಾಹಿತ್ಯ , ಸಂಸ್ಕೃತಿಯನ್ನ ಉಳಿಸಿ ಬೆಳಸುವ ಕಾರ್ಯದಲ್ಲಿ ಕೈ ಜೋಡಿಸಿ ಹಾಗೆ ಇಂಗ್ಲೀಷ್ ಅನ್ನೋ ಭಾಷೆಯ ಸಮಸ್ಯೆ ಬಂದಾಗ ಅದನ್ನ ದಿಟ್ಟವಾಗಿ ಎದುರಿಸಿ ಯಶಸ್ವಿಯಾಗುವ ತೆರದಲ್ಲಿ ಕಲಿತು ಬಾಳುವಂತಾಗಲಿ, ಆಗ ಈ ಭಾಷಾ ತರತಮ್ಯದ ಸಮಸ್ಯೆ ಯೇ ಇರುವುದಿಲ್ಲ. ಎನಂತೀರಿ? ಮತ್ತೊಮ್ಮೆ ಸಿಗುತ್ತೇನೆ.

ಧರ್ಮ!!

ಡಿಸೆಂಬರ್ 27, 2011

ನಮ್ಮಲ್ಲಿ ಅಂದರೆ, ಭಾರತದಲ್ಲಿ ಎಷ್ಟು ಧರ್ಮಗಳಿವೆ ಅಂತ ನೋಡಿದ್ರೆ ಮುಖ್ಯವಾಗಿ ಮೂರು ಮಾತ್ರ ನಮಗೆ ಕಾಣಿಸುತ್ತವೆ ಅದರಲ್ಲಿ ಹಿಂದೂ, ಮುಸ್ಲಿಂ ಹಾಗೂ ಕ್ರೈಸ್ತ ಅನ್ನುವ ಹೆಸರುಗಳು ಹೆಚ್ಚು ಬಳಕೆಗೆ ಬರುವ ಪದಗಳು ಅಲ್ಲವೇ? ನಮಗೆ ಗೊತ್ತಿರುವ ಹಾಗೆ ಹೆಚ್ಚಿನ ಜನ ಇರೋದು ಸದ್ಯಕ್ಕೆ ನಮ್ಮ ಹಿಂದೂ ಧರ್ಮದಲ್ಲಿ, ಆದರೆ ಯಾಕೆ ಅದನ್ನ ಬಿಟ್ಟು ಬೇರೆಡೆ ಜನ ಮುಖಮಾಡಿದ್ದಾರೆ? ಅದರ ಬಗ್ಗೆನೆ ಮಾತಾಡೋಣ ಎನಂತೀರ?

ಇಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಅಂಶವೆಂದರೆ ಹಿಂದೂ ಧರ್ಮದ ಕಟ್ಟುಪಾಡು, ಆಚರಣೆಗಳಿಗಿಂತ ಬೇರೆಯ ಧರ್ಮಗಳಲ್ಲಿನ ಆಕರ್ಷಣೆ ಇತ್ತೀಚಿನ ದಿನಗಳಲ್ಲಿ ಹೆಚ್ಚುತ್ತಿರುವುದು. ಲವ್ ಜಿಹಾದ್ ಗೆ ಬಿದ್ದು ಹಾಳಗೊ ಹುಡಗ ಹುಡುಗಿಯರು, ಮತಾಂತರ ಕ್ಕೆ ಬೆರಗಾಗೋ ಮುಗ್ಧ ಜನ, ನಮ್ಮ ಧರ್ಮದಲ್ಲೇ ಇದ್ದು ಬೇರೆ ಧರ್ಮದ ಆಚರಣೆಗಳನ್ನ ಇಷ್ಟಪಟ್ಟು ಮಾಡುವ ಜನ, ಇನ್ನೂ ಕೆಲವರು ಹಿಂದುಗಳಾಗಿದ್ದು ಯಾಕಾದ್ರರೂ ಈ ಜಾತಿ ಲಿ ಹುಟ್ಟಿದೆನೋ ಅನ್ನುವ ಮನಸ್ಸು ಮಾಡಿಕೊಂಡಿರೋದು , ಹೀಗೆ ತರತರಾವರಿ ವಿಚಿತ್ರಗಳು…ಏಕೆ ಹೀಗೆ? ನಮ್ಮಲ್ಲಿ ಇರುವ ಹುಳುಕು ಎನು? ಅವರಲ್ಲಿರುವ ಆಕರ್ಷಣೆ ಏನು? ಇದಕ್ಕೆಲ್ಲ ಒಂದು ಉತ್ತರ ಹುಡುಕೊ ಪ್ರಯತ್ನ ನಾವು ಮಾಡಲೇಬೇಕಾದ ಪರಿಸ್ಥಿತಿ ಇದೆ ಅಲ್ಲವೇ? ಇಲ್ಲವಾದಲ್ಲಿ ಹಿಂದೂ ಧರ್ಮ ಒಂದಿತ್ತು ಅನ್ನುವ ವಿಚಾರ ಪುಸ್ತಕಗಳಲ್ಲೂ ಉಳಿಯಲಿಕ್ಕಿಲ್ಲ!!

ನಮ್ಮಲ್ಲಿರುವ ವಿಚಿತ್ರ ಹಾಗೂ ಕಷ್ಟಕರ ಆಚರಣೆಗಳು ಮುಖ್ಯವಾಗಿ ಇದಕ್ಕೆ ಕಾರಣ ಅನ್ನೋದು ನನ್ನ ಅಭಿಪ್ರಾಯ. ಯಾರೋ ಜ್ಯೋತಿಷಿ ಹೇಳಿದರು ಅಂತ ಸಾಲ ಸೂಲ ಮಾಡಿ ಹೋಮ ಹವನ ಮಾಡಿಸಬೇಕು. ದುಡ್ಡಿಲ್ಲ ಅಂದರೂ ದೊಂಬರಾಟದ ಮದುವೆ ಮಾಡಿಕೊಳ್ಳಬೇಕು. ಶಾಪ, ಕರ್ಮ, ಇನ್ನೇನೋ ವಿಮೋಚನೆಗಾಗಿ ಘನ ಘೋರವಾದ ವ್ರತಗಳನ್ನ ಆಚರಿಸಬೇಕು ಇಲ್ಲದಿದ್ದರೆ ಸರ್ವನಾಶ ಆಗುತ್ತೆ ಅನ್ನುವ ಭಯದ ವಾತಾವರಣ ಹುಟ್ಟು ಹಾಕಿರೋ ಹುಚ್ಚು ಮನಸ್ಸುಗಳು. ಇವೆಲ್ಲ ಹಿಂಸೆಗಳ ನಡುವೆ ನಾವು ನಲುಗಿ ಹೋಗಿದ್ದೇವೆ ಅದೇ ಕಾರಣಕ್ಕೆ ನಮಗೆ ಬೇರೆ ಧರ್ಮಗಳು ಹೆಚ್ಚು ಚೆನ್ನಾಗಿ ಕಾಣಿಸುತ್ತವೆನೋ ಅಲ್ಲವೇ?

ಎಷ್ಟೊಂದು ಸಲ ನಾವು ತೊಂದರೆ ಇದೆ ಅಂತ ಯಾರನ್ನಾದರೂ ಜ್ಯೋತಿಷಿಗಳನ್ನ ಕೇಳೋಕೆ ಹೋದರೆ ಸಣ್ಣ ಸಣ್ಣ ಸಮಾಧಾನಗಳನ್ನೋ, ಅಥವಾ ಸರಳ ರೀತಿಯ ಪೂಜೆಗಳನ್ನೋ ಹೇಳಿ ಆ ಮೂಲಕ ನಮ್ಮ ಸಮಸ್ಯೆಗಳನ್ನ ಬಗೆಹರಿಸಿದ್ದನ್ನ, ಅಥವಾ ಬಗೆ ಹರಿಸುವ ಪ್ರಯತ್ನ ಮಾಡಿದ್ದನ್ನ ನೋಡಿದ್ದೀರ?ಇಲ್ಲವೇ ಇಲ್ಲ. ಮೊದಲಿಗೆ ನಿಮಗೆ ಅತ್ಯಂತ ಹೆಚ್ಚು ಹೆದರಿಕೆ ಹುಟ್ಟಿಸಿಬಿಡುತ್ತಾರೆ ಅಲ್ಲವೇ? ಹಾಗೂ ಹೀಗೂ ನೀವು ಅದಕ್ಕೆಲ್ಲ ಜಗ್ಗಲಿಲ್ಲ ಅಂದುಕೊಳ್ಳಿ ನಿಮಗೆ ನಾಗ ಧೋಷ ವಿದೆ ಇಲ್ಲವೇ ನಿಮ್ಮ ಕುಟುಂಬಕ್ಕೆ ಪ್ರೇತ, ಭೂತ, ದೆವ್ವಗಳಾಗಿರುವ ನಿಮ್ಮ ಹಿರೀಕರ ಕಾಟ ಅನ್ನುತ್ತಾರೆ  ಎದೆ ಜೆಲ್ ಅನ್ನುತ್ತದೆ ಒಮ್ಮೆ.!! ಮೊದಲೇ ಮನ ನೊಂದು ಹೋಗಿರುತ್ತೇವೆ ಅಲ್ಲಿಗೆ, ಅಲ್ಲಿ ನಮ್ಮ ಮನೋ ಚೈತನ್ಯವನ್ನ ಉದ್ದೀಪನಗೊಳಿಸಬೇಕೆ ಹೊರತು ಅದಕ್ಕೆ ಭಯವೆಂಬ ರಾಕ್ಷಸನನ್ನ ತುಂಬಿ, ದೊಡ್ಡ ಮಟ್ಟದ ದೇವರಸೇವೆ ಮಾಡಿಸಬೇಕೆಂಬ ಅನಿವಾರ್ಯತೆ ಸೃಷ್ಟಿಸುವುದು ಎಷ್ಟು ಸರಿ? ಮತ್ತೆ ಜೀವನ ಅಂದರೆ ಸರಳತೆಯಲ್ಲವೇ? 80% ಜ್ಯೋತಿಷಿಗಳನ್ನ ನೋಡಿ ಅಥವಾ ಪುರೋಹಿತರನ್ನ ನೋಡಿ ಅದೆಷ್ಟು ಚಿನ್ನ, ಬೆಳ್ಳಿ ಅವರ ಮೈ ಮೇಲೆ ಇರುತ್ತದೆ….. ಅಲ್ಲಿಗೆ ಅರ್ಥವಾಗಲಿಲ್ಲವೇ? ಅವರಿಗೆ ಅದೆಲ್ಲ ಹೇಗೆ ಬಂತು ಎಂಬುದು?

ಒಂದು ಹೋಮ ಮಾಡಿಸಿಲ್ಲ ಹವನ ಇಲ್ಲ, ಯಾವ ದೊಡ್ಡ ಹೇಳುವಂತಾ ದೇವತಾ ಕಾರ್ಯ ಮಾಡಿಸಿಲ್ಲ ಇವನೆಂತಾ ನಾಸ್ತಿಕ ಜನ ಮಾರಾಯ? ಅನ್ನೋರು ನಮ್ಮ ನಡುವೆಯೇ ಇರೋದು ಇನ್ನೊಂದು ದೊಡ್ಡ ದುರಂತ ಸ್ನೇಹಿತರೇ, ಹೊರಗಿನಿಂದ ಮಾತನಾಡುವ ಜನ ಒಮ್ಮೆ ವ್ಯಕ್ತಿಯ ಪರಿಸ್ಥಿತಿಯನ್ನ ಅರ್ಥಮಾಡಿಕೊಳ್ಳಬೇಕು ಅವನಿಗೇನು ಕಷ್ಟವಿದೆಯೋ ಏನೋ? ಅಥವಾ ಅದೆಷ್ಟು ಜೀವನದಲ್ಲಿ ನೊಂದು ಜಿಗುಪ್ಸೆ ಗೆ ಒಳಗಾಗಿದ್ದನೋ ? ಇದೆಲ್ಲವನ್ನು ಯೋಚಿಸಿ ಅವನಿಗೆ ಸಹಾಯ ಹಸ್ತಚಾಚುವ ಬದಲು ಅವನ ಬಡತನವನ್ನು ಎತ್ತಿ ಆಡಿಕೊಳ್ಳುವ ಜನ, ಅದೆಷ್ಟು ದೊಡ್ಡ ಹೋಮ, ಹವನ ಗನಂದಾರಿ ಕೆಲಸಗಳನ್ನು ಮಾಡಿದರೂ ಪ್ರಯೋಜನಕ್ಕೆ ಬಾರದು ಅಲ್ಲವೇ?

ಒಬ್ಬ ತನ್ನ ಶಕ್ತಿ ಇಂದ ದೊಡ್ಡದೇನೋ ಮಾಡುತ್ತಾನೆ ಅಥವಾ ಮಡಿ ಮಡಿ ಅಂತ ಮೂರು ಹೊತ್ತು ಇದ್ದು ಭಯಾನಕ ವ್ರತ ನಿಯಮಗಳನ್ನ ಅಚ್ಚರಿಸುತ್ತಾನೆ ಅಂದರೆ ಅದು ಅವನ ಇಷ್ಟ ಅಥವಾ ನಂಬಿಕೆಯ ವಿಚಾರವಷ್ಟೆ, ಅದನ್ನ ಬೇರೆಯವರ ಮೇಲೆ ಹೇರುವ ವಿಚಿತ್ರ ಖಾಯಿಲೆ ಯಾಕೆ ?  ನಮಗೆ ನಂಬಿಕೆ ಅನ್ನುವ ವಿಚಾರ ಎಲ್ಲರಲ್ಲೂ ಯಾವಾಗಲೂ ಮೂಡುವುದಿಲ್ಲ ಹಾಗೆ ಆಚರಣೆಗಳ ವಿಚಾರದಲ್ಲೂ ಅಷ್ಟೇ ಅನ್ನುವುದು ನನ್ನ ಅಭಿಪ್ರಾಯ. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಒಬ್ಬ ಪುರೋಹಿತರನ್ನೊ, ಪೂಜೆ ಪುನಸ್ಕಾರ ಮಾಡುವವರನ್ನೊ ಬೇಟಿ ಮಾಡಿ ಸಲಹೆ ಕೇಳೋಣವೆಂದರೆ ಒಬ್ಬರು ಒಂದೊಂದು ಪರಿಹಾರ, ಸಮಸ್ಯೆ, ಹಾಗೂ ವಿಧಾನಗಳನ್ನ ಹೇಳುವುದು, ಈ ಎಲ್ಲ ಗೊಂದಲಗಳ ನಡುವೆ ಯಾರನ್ನ ನಂಬಬೇಕು ಯಾರನ್ನ ಬಿಡಬೇಕು? ನಮಗೆ ಗೊತ್ತಿದಷ್ಟು ನಿಮಗೇನು ಗೊತ್ತು? ನಾವು ಮಾಡಿಸೊದೆ ಹೀಗೆ ಸಾಧ್ಯವಾದರೆ ಮಾಡಿಸಿ ಇಲ್ಲವಾದಲ್ಲಿ ಬಿಡಿ ಅನ್ನುವ ದೇವ ಸೇವಕರನ್ನ ನೋಡಿದ್ದೇನೆ ಸ್ನೇಹಿತರೇ….ಇದೆಂತಹ ವ್ಯವಹಾರ? ಬೆಂಗಳೂರಿನತಹ ನಗರಗಳಲ್ಲಿ ಪ್ರತಿಯೊಂದು ಪೂಜೆ ಹಾಗೂ ಬೇರೆ ದೇವರ ಕೆಲಸಗಳಿಗೆ ಇಷ್ಟು ಹಣ ಅಂತ ಫಿಕ್ಸ್ ಆಗಿರುತ್ತೆ ಅದನ್ನ ಕಾಂಟ್ರಾಕ್ಟ ತೆಗೆದುಕೊಳ್ಳುವ ಜನರಿದ್ದಾರೆ, ನೋಡಿ ಹೇಗಿದೆ ಮಂತ್ರಗಳ ಮಾರಾಟ!!.

ಇನ್ನೂ ಒಂದು ವಿಧಾನವಿದೆ ಸ್ನೇಹಿತರೇ ಅದು *ಆಷ್ಟ ಮಂಗಳ ದೇವ ಪ್ರಶ್ನೆ* ಅಬ್ಬಾ ಆದಂತೂ ತಿಂಗಳಾನುಗಟ್ಟಳೆ ನೀವು ಹೋಮ ಹವನ, ಪೂಜೆ ಪುನಸ್ಕಾರಗಳನ್ನ ಮಾಡಬೇಕಾಗುತ್ತದೆ. ಅದು ಸಣ್ಣ ಮಟ್ಟದಲ್ಲಿ ಅಲ್ಲ. ಪ್ರೇತ ಸಂಸ್ಕಾರದಿಂದ ಹಿಡಿದು ಯಾವ ಯಾವ ಹೋಮ ಹವನಗಳಿವೆಯೋ ಅವೆಲ್ಲವನ್ನ ಮಾಡಬೇಕು ಲಕ್ಷಾಂತರ ರೂಪಾಯಿಯ ವಹಿವಾಟು!! ಒಂದು ಕುಟುಂಬದ ಸಮಸ್ಯೆಗಳನ್ನ ಹೀಗೆ ಲಕ್ಷಾಂತರ ಹಣ ಹೋಮ ಕುಂಡದಲ್ಲಿ  ಸುರಿದು ಸರಿ ಮಾಡಬಹುದೇ? ಹಾಗಿದ್ದರೆ ನಮ್ಮ ದೇಶದಲ್ಲಿ ಬಡತನ ಸೇರಿದಂತೆ  ದೊಡ್ಡ ದೊಡ್ಡ ಸಮಸ್ಯೆಗಳು ಇನ್ನೂ ಏಕಿವೆ? ದೇವರಿಗೆ ಒನ್ ಟೈಮ್ ಸರಿಯಾಗಿ ದುಡ್ಡು ಸುರಿಯಿರಿ ಶ್ರೀಮಂತರಾಗಿರಿ….. ಸಾಧ್ಯವೇ?

ಇನ್ನು ಎದುರಾಗುವುದು ವಾಮ ಮಾರ್ಗ, ನಮ್ಮಲ್ಲಿ ಇದ್ದಷ್ಟು ಮಾಟ ಮಂತ್ರ, ವಾಮಾಚಾರಗಳು ಇನ್ನೆಲ್ಲೂ ಇಲ್ಲವೇನೋ ಅನ್ನಿಸಿಬಿಡುತ್ತದೆ, ಪ್ರಾಣಿ, ಪಕ್ಷಿಗಳ ತಲೆ, ಇನ್ನಿತರೆ ಭಾಗಗಳನ್ನ ತಂದು ನಾವು ಓಡಾಡುವ ಜಾಗದಲ್ಲಿ ಹಾಕುವುದು, ನಿಂಬೆ ಹಣ್ಣಿನಲ್ಲಿ ಮಾಟ!! ವಶೀಕರಣ ಮಾಡೋದು, ಇಷ್ಟೆಲ್ಲ ಏಕೆ? ನಮ್ಮ ವಿಧಾನ ಸೌಧಕ್ಕೆ ಮಾಟ ಮಾಡಿಸಿದ್ದು ನೆನಪಿದೆಯೇ? ಹೀಗೆಲ್ಲಾ ಆದರೆ ನಮ್ಮ ಧರ್ಮದ ಬಗ್ಗೆ ಗೌರವ ಹೇಗೆ ಹುಟ್ಟಬೇಕು? ರಷ್ಯಾ ನಮ್ಮ ಭಗವದ್ಗೀತೆಯನ್ನ ಅವರ ದೇಶದಲ್ಲಿ ಮಾರಬಾರದೆಂಬ ನಿರ್ಭಂದ ಹೇರಿರುವುದು ನಿಮಗೆಲ್ಲ ತಿಳಿದಿರೋ ಸುದ್ದಿ, ಅದನ್ನ ವಿರೋದಿಸುವರರಿಲ್ಲ ಯಾಕೆ? ಅದೇ ದೇಶದಲ್ಲಿ ಭಯೋತ್ಪಾದನೆಯ ಬೀಜ ಬಿತ್ತಿರುವ, ಜಿಹಾದ್, ಧರ್ಮದ ಹೆಸರಲ್ಲಿ ನರ ಮೇಧ ನೆಡೆಸಲು ಪ್ರಚೋದಿಸುವ ಪುಸ್ತಕಗಳನ್ನ, ಗ್ರಂಥಗಳನ್ನ ನಿಷೇದಿಸುತ್ತಿಲ್ಲ ಯಾಕೆ? ನವೆಷ್ಟು ದುರ್ಬಲರಗುತ್ತಿದ್ದೇವೆ ಅಲ್ಲವೇ? ಹಿಂದೂ ಧರ್ಮದ ಅವಹೇಳನ ಅಥವಾ ನಿಂದನೆಯಲ್ಲಿ ಮಾಧ್ಯಮಗಳೇನೂ ಹಿಂದೆ ಬಿದ್ದಿಲ್ಲ ಸ್ನೇಹಿತರೇ, ಬೇರೆ ಭಾಷೆಗಳಲ್ಲಿ ಬಿಡಿ, ಕನ್ನಡದಲ್ಲೇ ಇರೋ 10 -11 ಚಾನೆಲ್ ಗಳಲ್ಲಿ, ಹೀಗೂ ಉಂಟೆ? ನಿಗೂಡ!!, ಪ್ರೇತ ಸಾಮ್ರಾಜ್ಯ, ಈ ತರ ಇನ್ನೂ ಏನೇನೋ ಕಾರ್ಯಕ್ರಮಗಳು!! ಮೊನ್ನೆ ಸಮಯವಾಹಿನಿಯಲ್ಲಿ ಒಂದು ಗಣೇಶ ದೇವಸ್ಥಾನವನ್ನ ತೋರಿಸಿ ಅಲ್ಲಿ ಪವಾಡಗಳು ನೆಡಿತವೆ ಜನರಲ್ಲಿ ವಿಚಿತ್ರ ನಂಬಿಕೆಗಳಿವೆ ಅಂತೆಲ್ಲ ಹೇಳ್ತಿದ್ರು!! ಇದೆಂತಹ ವಿಪರ್ಯಾಸ? ದೇವರಸ್ಥಾನಗಳಲ್ಲಿ ಇವರ ಕ್ಯಾಮರಗಳನ್ನ ತೆಗೆದುಕೊಂಡು ಹೋಗಿ ಹೇಗೆ Zoom  in – zoom outಮಾಡ್ತಾರೆ ಅಂದ್ರೆ ಅಲ್ಲಿ ಏನೋ ವಿಚಿತ್ರ ನಡಿತಿದಿಯೊನೋ ಅನ್ನೋತರ!!ಯಾಕೆ ಈ ರೀತಿ? ಅದೇ ಮುಸ್ಲಿಂ ಅಥವಾ ಕ್ರೈಸ್ತ ಧರ್ಮದ ನಂಬಿಕೆಗಳ ಬಗ್ಗೆ ಇಂತಹ ಕಾರ್ಯಕ್ರಮಗಳು ಏಕೆ ಬರುವುದಿಲ್ಲ?

ಒಬ್ಬ ಶ್ರೀಮಂತ ತನ್ನ ಎಲ್ಲ ಹಣ, ಸಂಪತ್ತನ್ನ ಸುರಿದು ದೊಡ್ಡ ದೇವರ ಕೆಲಸ ಮಾಡುತ್ತಾನೆ, ಆದರೆ ಬಡವನಾದವನು ಏನು ಮಾಡಬೇಕು? ಅವನಲ್ಲಿರುವ ಪುಡಿಗಾಸನ್ನ ಸಾಲ ದ ಜೊತೆ ಸೇರಿಸಿ ಏನೋ ದೊಡ್ಡ  ಪೂಜೆ ಮಾಡಿಸಿದರೆ ಅವನು ಉದ್ದಾರ ಆಗುತ್ತಾನಾ? ಸಾಲದ ಶೂಲ ತಲೆಯಮೇಲೆ ಬಂದು ಜೀವನ ಇನ್ನೂ ನರಕವಾಗಿ ಬಿಡುವುದಿಲ್ಲವೇ?  ಹಾಗಾದರೆ ದೇವರು ಬಡವರಿಗಲ್ಲವೇ? ಅಥವಾ ದೇವರಿಗೆ ಕೇವಲ ಕೈ ಮುಗಿದು ತನಗಾದ ಮಟ್ಟಿಗೆ ಭಕ್ತಿಯನ್ನ ತೋರಿಸಿದರೆ ಸಾಲದೆ?

ಇಲ್ಲ ಸ್ನೇಹಿತರೇ ಸರಳ ಆಚರಣೆಗಳು ಖಂಡಿತಾ ನಮ್ಮಲ್ಲಿ ಇವೆ, ದೇವರೇಲ್ಲೂ ನನಗೆ ಅದುಕೊಡಿ, ಇದು ಕೊಡಿ, ಕುರಿ  ಕೋಳಿನ ಬಲಿ ಕೊಡಿ ಅಂತ ಕೇಳಿಲ್ಲ, ನಮಗಾದ ಮಟ್ಟದಲ್ಲಿ ನಮ್ಮ ಸೇವೆಯನ್ನ, ಆಚರಣೆಗಳನ್ನ ಶ್ರದ್ಧೆ ನಿಷ್ಠೆ ಇಂದ ಮಾಡಿಕೊಂಡರೆ ದೇವರು ಒಳ್ಳೆಯದನ್ನ ಮಾಡುತ್ತಾನೆ ಅನ್ನುವ ನಂಬಿಕೆ ನಮ್ಮಲ್ಲಿ ಹುಟ್ಟಬೇಕು ಅಷ್ಟೇ. ಬೇರೆಯವರ ಮನ ನೋಯಿಸದೆ, ಅವರಿಗೆ ವಂಚನೆ ಮಾಡದೆ, ಸತ್ಯ ಮಾರ್ಗದಲ್ಲಿ ಕೈಲಾದಷ್ಟು ಸಂಪಾದನೆ ಮಾಡಿ ಸರಳತೆಯ ಜೀವನವನ್ನ ನೆಡೆಸಿ, ಸಾದ್ಯವದಲ್ಲಿ ಆದಷ್ಟು ಜನರಿಗೆ ಉಪಕಾರವನ್ನ ಬಯಸಿ, ಜೀವನದಲ್ಲಿ ನಾಲ್ಕು ಜನರಿಂದ ಒಳ್ಳೆಯ ಮಾತುಗಳನ್ನ ಕೇಳಿದರೆ ಅದು ನಮ್ಮ ಆತ್ಮಕ್ಕೆ ತನ್ಮೂಲಕ ದೇವರಿಗೆ ಸಲ್ಲಿಸಿದ ಸೇವೆಯೇ ಅಲ್ಲವೇ? ದಯವಿಲ್ಲದಾ ಧರ್ಮವಾದವುದಯ್ಯ ?” ಅನ್ನುವ ಬಸವಣ್ಣವರ ಸಾಲುಗಳು ಎಷ್ಟು ಸುಂದರವಲ್ಲ್ವೆ? ಹೆತ್ತವರ ಕಷ್ಟ ನೋವುಗಳನ್ನ ಬದಿಗೊತ್ತಿ, ಮೊಜಿನ ಜೀವನ ನೆಡಸಿ ಸಾವಿರ ಯಾಗ ಮಾಡಿಸಿದರೇನು ಫಲ? ತಂದೆ ತಾಯಿಗಳು ನಮ್ಮ ಬಾಲ್ಯದಲ್ಲಿ ಅದೆಷ್ಟು ನಿಸ್ವಾರ್ಥತೆ ಇಂದ ನಮ್ಮ ಸೇವೆ ಮಾಡಿರುತ್ತಾರೋ ಅದೇ ರೀತಿ ಅವರ ಕೊನೆಗಾಲದಲ್ಲಿ ನಾವು ಅವರ ಸೇವೆ ಯನ್ನ ಅಷ್ಟೇ ನಿಸ್ವಾರ್ಥ ಮನೋಭಾವನೆಯಿಂದ ಮಾಡಿದರೆ ಅದಕ್ಕಿಂತ ದೊಡ್ಡ ದೇವರ ಕೆಲಸ ಇನ್ನೊದಿಲ್ಲ ಅನ್ನುವುದು ನನ್ನ ಅಭಿಪ್ರಾಯ.

ಯಾರಿಗೆ ಯಾವ ಒಳ್ಳೆಯ ಹಾಗೂ ಸರಳ ಆಚರಣೆಗಳ ಮೇಲೆ ನಂಬಿಕೆ ಇದೆಯೋ ಅದನ್ನ ಮಾತ್ರ ನಂಬಿ, ಅದನ್ನ ಬೇರೆಯವರ ಮೇಲೆ ಹೇರದೇ ಧೃಡ ಭಕ್ತಿಯಿಂದ ಆಚರಿಸಿಕೊಂಡು ಹೋದರೆ ಅದಕ್ಕಿಂತ ದೊಡ್ಡ ಸೇವೆ ಇನ್ನೊಂದಿಲ್ಲ, ಕೈಲಾದರೆ ಒಂದು ದೊಡ್ಡ ಹೋಮ ಹವನಗಳನ್ನ ಮಾಡೋಣ ಇಲ್ಲವೇ ಸುಮ್ಮನಿರೋಣ ಅದುಬಿಟ್ಟು ಬೇರೆಯವನೊಬ್ಬ ಮಾಡಿಸಿಲ್ಲ ತಾನು ಮಾತ್ರ ಅದೇಂತದೋ ಮಾಡಿ ಸ್ವರ್ಗಕ್ಕೇ ಹೋಗುತ್ತೇನೆ ಅನ್ನುವ ಮಾತುಗಳು ನಿಲ್ಲಲಿ, ಆದಷ್ಟು ನಮ್ಮಲ್ಲಿರುವ ಸರಳತೆ, ಸ್ವಾತಂತ್ರ್ಯ, ಸುಂದರತೆಯನ್ನ ಹೇಳಿಕೊಳ್ಳಬೇಕಿದೆ, ಒಬ್ಬರಲ್ಲೊಬ್ಬರು ಒಗ್ಗಟ್ಟಿನಿಂದ ಬಾಳುವ ಮನೋಭಾವನೆ ಬೆಳೆಯಬೇಕಿದೆ. ದುಡ್ಡಿನಾಸೆಗೆ ಅಥವಾ ಇನ್ನೇನೋ ದುರುದ್ದೇಶ ಇಟ್ಟುಕೊಂಡು ಬೇರೆಯವರ ಹಣ ವಸೂಲಿ ಮಾಡಿ ಪರಿಹಾರ ಕೊಡಿಸುತ್ತೇವೆ ಅನ್ನುವ ಹಿತ ಶತ್ರುಗಳಿಂದ ದೂರವಿರಬೇಕಿದೆ, ಹೀಗಾದರೆ ಮಾತ್ರ ನಮ್ಮ ಸನಾತನ ಧರ್ಮ ಉಳಿದುಕೊಳ್ಳುತ್ತದೆ.

ನಮ್ಮೆದುರೆ ನಮ್ಮ ಮುಂದಿನ ಸಂತಾನ, ಧರ್ಮದ ಕಟ್ಟುಪಾಡುಗಳನ್ನ ಧಿಕ್ಕರಿಸಿ ಹೆತ್ತವರ ಮನನೋಯಿಸಿ ಹೋಗದಂತೆ ಸರಳತೆಯ ಜೀವನವನ್ನ ಭೋದಿಸೋಣ, ನಮ್ಮ ಧರ್ಮ, ಆಚರಣೆಗಳ, ನಂಬಿಕೆಗಳ ಬಗ್ಗೆ ವಿಶ್ವಾಸ ಹುಟ್ಟಿಸುವ ಕೆಲಸ ಮಾಡೋಣ, ಒಗ್ಗಟ್ಟು ಹಾಗೂ ಒಲವ ಹಣತೆ ಯನ್ನ ಪ್ರತಿ ಮನೆಯಲ್ಲಿ ಬೆಳಗಿಸೋಣ, ತನ್ಮೂಲಕ ದೇಶ, ಭಾಷೆ, ಧರ್ಮವನ್ನ ವರ್ಷ ವರ್ಷವೂ ಹೆಚ್ಚಿನದಾಗಿ ಬೆಳೆಸೋಣವೆನ್ನುವ ಸಂಕಲ್ಪ ಮಾಡೋಣ……….. ಹೊಸ ವರ್ಷ ನಮ್ಮೆಲ್ಲರಿಗೂ ಹರುಷತರಲಿ, ಉತ್ತರೋತ್ತರ ಅಭಿವೃದ್ಧಿಯಾಗಲಿ, ಶುಭಾಷಯಗಳು ಸ್ನೇಹಿತರೇ ಮತ್ತೆ ಸಿಗುತ್ತೇನೆ…..

ಹರಕೆ!!

ಡಿಸೆಂಬರ್ 1, 2011

ನಾನೇಕೆ ಬರೆಯುತ್ತಿಲ್ಲ? ತುಂಬಾ ಸೋಂಬೇರಿಯಾಗಿದೀನಿ ಅಂತ ಬೈತಾ ಇದೀರಾ? ಗೊತ್ತಾಯ್ತು ಅದಕ್ಕೆ ಬಂದೆ. J ಈಸಲನೂ ಏನಾದರೂ ಸ್ವಲ್ಪ ಮಾತಾಡೋಣ ಅಂತ. ಕೆಲವೊಂದು ಸಂಪ್ರದಾಯ, ಶಾಸ್ತ್ರ ನಂಬಿಕೆಗಳನ್ನ ರಾಜಕೀಯ ದಾಳವನ್ನಾಗಿಸಿಕೊಂಡು ಬದುಕುತ್ತಿರುವ ಜೀವಿಗಳಿಗೆ ನನ್ನ ಕೆಲವು ಪ್ರಶ್ನೆಗಳನ್ನ ಕೇಳಬೇಕು ಅನ್ನುವ ಮನಸ್ಸಾಗಿದೆ ಬನ್ನಿ ನಿಮಗೆ ಎನನ್ನಿಸುತ್ತದೋ ನೋಡೋಣ.

ಮೊನ್ನೆ ಹೀಗೆ ಟಿ ವಿ ನೋಡ್ತಾ ಇದ್ದೆ. ಒಬ್ಬ ಮಹಾನುಭಾವ ವಿ ಎಸ್ ಆಚಾರ್ಯ ಅವರು ಗೊತ್ತಲ್ಲ? ಅವರಿಗೆ ಚೆನ್ನಾಗಿ ಬೈಗುಳಗಳ ಸುರಿಮಳೆಯನ್ನೇ ಸುರಿತಾ ಇದಾನೆ, ಯಾಕೆ ಗೊತ್ತ? ಅವನ ಪ್ರಕಾರ ಕುಕ್ಕೆ ಸುಬ್ರಮಣ್ಯ ದಲ್ಲಿ ನೆಡೆಯೋ “ಮಡೆ ಸ್ನಾನ” ತಪ್ಪ0ತೆ!! (ಮಡೆ ಸ್ನಾನ ಎಂದರೆ  ಬ್ರಾಹ್ಮಣರು ಊಟ ಮಾಡಿದ್ದ ಎಲೆಗಳ ಮೇಲೆ ಉರುಳು ಸೇವೆ!! ಇದು ಕುಕ್ಕೆಯ ದೇವಸ್ಥಾನ ಇದೆಯಲ್ಲ ಅದರ ಪ್ರಾಂಗಣದಲ್ಲೇ ಹರಕೆ ರೀತಿ ಪ್ರತಿವರ್ಷ ನೆಡೆಯುತ್ತದೆ ಇದು ಇಂದು ನಿನ್ನೆಯದಲ್ಲ ಸುಮಾರು 400 ವರ್ಷಗಳ ಇತಿಹಾಸವಿರುವ ಕಾಯಕ , ಅದರಂತೆ ಈವರ್ಷವೂ ನೆಡೆಯಿತು ) ಇಲ್ಲಿ ಒಂದು ಮೂಲ ಪ್ರಶ್ನೆ ಏನೆಂದರೆ ಯಾರೂ ಯಾರಿಗೂ ಇಲ್ಲಿ ಒತ್ತಾಯ ಪೂರ್ವಕವಾಗಿ ಈ ಸೇವೆಯನ್ನ ಮಾಡಿಸುವುದಿಲ್ಲ, ಹಾಗೆ ಸುಬ್ರಮಣ್ಯ ದೇವಳವು ಈ ಸೇವೆಗಾಗಿ ಯಾವುದೇ ರೀತಿಯ ಹಣವನ್ನೂ ವಸೂಲಿ ಮಾಡುತ್ತಿಲ್ಲ ಹಾಗಾದರೆ ಈ ರೀತಿಯ ಸೇವೆಯೂ ತಪ್ಪು ಅಥವಾ ಸರಿ ಅನ್ನುವ ಅನುಮಾನ ಯಾಕೆ ಹುಟ್ಟಬೇಕು? ಒಬ್ಬ ತನ್ನ ಸ್ವಂತ ಇಚ್ಛೆ ಇಂದ ಈ ಸೇವೆಯಲ್ಲಿ ಬಾಗವಹಿಸಿ ನೆಮ್ಮದಿ ಹಾಗೂ ಶಾಂತಿಯನ್ನ ಪಡೆಯುತ್ತಾನೆ ಅಂದಾದರೆ ಬೇರೆಯವರು ಇದರ ಬಗ್ಗೆ ಅಪಸ್ವರ ಯಾಕೆ ಎತ್ತಬೇಕು?

ಬುದ್ದಿ /ಲದ್ದಿ ಜೀವಿಗಳು ಹೇಳುವ ಪ್ರಕಾರ ಇಲ್ಲಿ “ಮಲೆ ಕುಡಿಯ” ಅನ್ನುವ *ಹಿಂದುಳಿದ* ಜನಾಂಗವು ಮಾತ್ರ ಈ ಆಚರಣೆಯನ್ನು ಮಾಡುತ್ತಿದೆ ಹಾಗೆ ಮಾಡುವಂತೆ ಬ್ರಾಹ್ಮಣರು ಒತ್ತಾಯ ಮಾಡುತಿದ್ದಾರೆ ಅನ್ನುವ ರೀತಿ ಇದೆ. ಆದರೆ ಇಲ್ಲಿ ಮಲೆಕುಡಿಯದವರು ಮಾತ್ರವಲ್ಲ ಬೇರೆಯವರೂ ಕೂಡ ಬಾಗವಹಿಸ್ತಾರೆ, ಅದನ್ನ ಯಾಕೆ ಇವರು ನೋಡುತ್ತಿಲ್ಲ? ಆ ಹಿಂದುಳಿದ ಜನಾಂಗದವರು ಮಾಡುವುದು ತಪ್ಪು ಎನಿಸಿದವರಿಗೆ ಅವರ ಜನಾಂಗದ ಹಿರಿಯರೊಬ್ಬರನ್ನ ಕರೆಸಿ  ತಿಳಿ ಹೇಳಿ, ಅಥವಾ ಅದನ್ನ ಮಾಡದಂತೆ ಮನ ಒಲಿಸಿ, ಅದನ್ನು ಬಿಟ್ಟು ಬೇರೆಯವರ ನಂಬಿಕೆಗೆ ಏಕೆ ಭಂಗ ತರುವ ಕೆಲಸ ಮಾಡುತಿದ್ದಾರೋ ತಿಳಿಯದು ಅಲ್ಲವೇ ? ಅದರಂತೆ ಕೆಲವರು ದೇವಸ್ತಾನಕ್ಕೆ ಕುಮಾರಾಧಾರ ನದಿ ಇದ್ಯೆಲ್ಲ ? ಅಲ್ಲಿಂದ ಉರುಳು ಸೇವೆ ಮಾಡಿಕೊಂಡು ಬರುತ್ತಾರೆ ಅದು ಸುಮಾರು ಮುಕ್ಕಾಲು ಕಿಲೋಮೀಟರ್ನಸ್ಟು ದೂರವನ್ನ (ಟಾರು ರೋಡಿನಲ್ಲಿ ಉರುಳು ಸೇವೆ!!)ಕೇವಲ 2 ತುಂಡು ಬಟ್ಟೆಯಲ್ಲಿ. ಇದರ ಬಗ್ಗೆ ಯಾಕೆ ಅಪಸ್ವರ ಎತ್ತುತ್ತಿಲ್ಲ? ಕೇವಲ ಮಡೆ ಸ್ನಾನ ಬೇಡ ಅನ್ನುವ ಜನ , ಅಥವಾ ಬ್ರಾಹ್ಮಣರ ದಬ್ಬಾಳಿಕೆ ಅನ್ನುವ ಬುದ್ದಿ ಜೀವಿಗಳು ಬೇರೆಯ ಧರ್ಮಗಳ ಮತಾಂಧತೆಯ ಬಗ್ಗೆ ಯಾಕೆ ಪ್ರಶ್ನೆ ಎತ್ತುತ್ತಿಲ್ಲ?

ಒಂದು ಕಡೆ ಅಂತೂ ಮಕ್ಕಳನ್ನ ಎತ್ತರದಿಂದ ಕೆಳಗಡೆ ಹಾಕಿ ಅವುಗಳ ರೋಗ ರುಜಿನಗಳನ್ನ ದೂರಮಾಡುತ್ತೇವೆ ಅನ್ನುವ ಮೂರ್ಖರಿದ್ದಾರೆ. ಕೈ ಕಾಲುಗಾಳಿಗೆ ಸರಪಳಿ ಹಾಕಿಕೊಳ್ಳುವುದು, ತಲೆ ಕೂದಲ ಕಾಣಿಕೆ ಕೊಡುವುದು, ಕಬ್ಬಿಣದ ರಾಡು ಗಳನ್ನ ನಾಲಿಗೆ, ಕೆನ್ನೆ, ಬೆನ್ನುಗಳಿಗೆ ಚುಚ್ಚಿಕೊಂಡು ಸೇವೆ ಮಾಡುವವರಿದ್ದಾರೆ, ಮೈ ಮೇಲೆ ದೆವ್ವ ಭೂತ ಬರುತ್ತದೆ ಅಂತ ಹೆದರಿಸೋ ಜನ ಎಷ್ಟು ಜನರಿದ್ದಾರೆ, ಕಪಟ ಜ್ಯೋತಿಷ್ಯವನ್ನ ಹೇಳಿ ಹಗಲು ದರೋಡೆ ಮಾಡುವ ವಿಷ ಜಂತುಗಳು ಇವೆ, ನಿಮಗೆ ಜನ್ಮ ಜನ್ಮಾಂತರದ ದೋಷವಿದೆಯೆಂದು ಬೇಕಾದ ಬೇಡವಾದ ಎಲ್ಲ ಪೂಜೆಗಳನ್ನ ಮಾಡಿಸಿ ಹಣವನ್ನ ಕೊಳ್ಳೆ ಹೊಡೆಯುವವರು ಇಲ್ಲವೇ? ಅನಿಷ್ಟವೆಂಬ ದೇವದಾಸಿ ಪದ್ದತಿ ಈಗಲೂ ಕದ್ದು ಮುಚ್ಚಿ ನೆಡೆಯುತ್ತಿಲ್ಲವೇ? ಡೋಂಗಿ ಬಾಬಗಳು ಕ್ಯಾನ್ಸರ್  ಅಥವಾ ಏಡ್ಸ್ ಗುಣ ಪಡಿಸುತ್ತೇವಿ ಅಂತ ಜನಗಳಿಗೆ ಮಂಕು ಬೂದಿ ಎರಚುತ್ತಿಲ್ಲವೇ?  ಧರ್ಮ , ಜಾತಿ ಹೆಸರಲ್ಲಿ ಮಾಟ, ಮಂತ್ರ, ಪ್ರಾಣಿ ಬಲಿ ಕೊಟ್ಟು ಜನರಲ್ಲಿ ಭಯದ ವಾತಾವರಣ ಹುಟ್ಟಿಸುತ್ತಿರುವರು ಇಲ್ಲವೇ?ಇವರಬಗ್ಗೆ ನಮ್ಮ ಬುದ್ದಿ ಜೀವಿಗಳು ಅಥವಾ ಹಿಂದುಳಿದ ವರ್ಗಗಳ ಮುಖಂಡರು ಮಾತಾಡುವುದಿಲ್ಲ ಏಕೆ?

ಹೋಗಲಿ ನಮಗೆ ಅತ್ಯಂತ ಹತ್ತಿರದಲ್ಲೇ ಇದ್ದು ಮತಾಂತರ ಮಾಡಿಸಿಕೊಂಡು, ಹಣ ಹಾಗೂ ಜಮೀನು ಮನೆಗಳ ಆಸೆ ತೋರಿಸುತ್ತಿರುವವರು ಯಾರು? ನೀವು ಪಾಪಿಗಳು,,, ಅವನೊಬ್ಬನೇ ನಿಮ್ಮ ಪಾಪಗಳನ್ನ ತೊಳೆಯಬಲ್ಲ, ಬನ್ನಿ ನಮ್ಮೊಂದಿಗೆ, ಹಣೆಗೆ ಕುಂಕುಮ ಇಡಬೇಡಿ, ಕೈಗಳಿಗೆ ಬಳೆ ತೊಡಬೇಡಿ, ಬಿಳಿಬಟ್ಟೆಗಳನ್ನ ಹಾಕಿ ಅಂತೆಲ್ಲ ಹೇಳಿ ಬಡಪಾಯಿಗಳ ಮೆದುಳಿಗೆ ಹುಳಬಿಟ್ಟು  ನಮ್ಮ ಊರಿನ ಬಡ ಕೂಲಿ ಕಾರ್ಮಿಕರನ್ನ ಮತಾಂತರ ಮಾಡಿಕೊಂಡಿರುವುದು ಯಾರು? ಧರ್ಮದ ಹೆಸರಲ್ಲಿ ಅತ್ಯಾಚಾರ,ಕೆಟ್ಟ ನಡತೆ, ಮಹಿಳಾ ಲೈಂಗಿಕ ಶೋಷಣೆ ಇವುಗಳನ್ನ ತಡೆಯುವ ನಿಟ್ಟಿನಲ್ಲಿ ಎಷ್ಟರ ಮಟ್ಟಿಗಿನ ಹೊರಾಟವನ್ನ ಬುದ್ದಿ ಜೀವಿಗಳು ಮಾಡುತಿದ್ದಾರೆ? ಆ ಸಂಧರ್ಬದಲ್ಲಿ ಹಿಂದುಳಿದವರ ಶೋಷಣೆ ಆಗುವುದಿಲ್ಲವೇ? ಧರ್ಮದ ಹೆಸರಲ್ಲಿ, ಮತಾಂತರ ಮಾಡಿಸುವ ಉದ್ದೇಶದಿಂದಲೇ ವಿದೇಶಗಳಿಂದ ಹಣವನ್ನ ದೇಣಿಗೆ ಪಡೆದು ಅದನ್ನ ಭಾರತದಲ್ಲಿ ಚಲಾಯಿಸುವ ಸಂಘ ಸಂಸ್ಥೆ ಗಳ ಒಳಸಂಚು ಕಾಣುವುದಿಲ್ಲ ಅಲ್ಲವೇ?

ಸುಮಾರು 65 ವರ್ಷಗಳಿಂದ ಧರ್ಮದ ಹೆಸರಿನಲ್ಲಿ ಭಯೋತ್ಪಾದನೆ ನೆಡೆಯುತ್ತಿದೆ, ಅಲ್ಪಸಂಖ್ಯಾತರ ಸೋಗಿನಲ್ಲಿ ದೇಶದ 20% ಜನಸಂಕ್ಯೆನ್ನ ಆಕ್ರಮಿಸಿಕೊಂಡಿರೋದು ಯಾರು? ಧರ್ಮದ ಹೆಸರಿನಲ್ಲಿ ಜೀವಗಳ ಬಲಿ ತೆಗೆದುಕೊಂಡರೆ ಅದಕ್ಕೆ ಯಾರು ಮಾತಾಡುವುದೀಲ್ಲ ಯಾಕೆ? ಕಸಬ್ ನಂತಹ ಉಗ್ರನೊಬ್ಬನನ್ನ ನೇಣಿಗೇರಿಸಲು ಇವರಿಗೆ ಯಾವ ಸಮಯ ಬರಬೇಕು?ಜಾತಿ ಆಧಾರದಲ್ಲಿ ರಾಜಕೀಯದ ಬೇಳೆ ಬೇಯಿಸಲು ಈ ಸಂಚು ಅಲ್ಲವೇ? ಹಬ್ಬದ ಸಂದರ್ಭದಲ್ಲಿ ಕುರಿಗಳನ್ನ ಸಾಲು ಸಾಲು ಬಲಿಕೊಡುವಾಗ  ಬುದ್ದಿಜೀವಿಗಳಿಗೆ ಅದು ಕಾಣುವುದೇ ಇಲ್ಲ!! ಹೋಗಲಿ ಬಿಡಿ, ಒಂದು ಹಬ್ಬದ ಸಂಧರ್ಬದಲ್ಲಿ  ಗೋ ಹತ್ಯೆ ನಿಷೇದ ಕಾನೂನು ಮಾಡಿದ್ದರೂ ಸಾಲು ಸಾಲು ಗೋವುಗಳ ಮಾರಣ ಹೋಮ ನೆಡೆಯುತ್ತದೆ ಅದಕ್ಕೆ ಯಾವ ರೀತಿಯ ವಿರೋಧವೂ ಇಲ್ಲವೇ? ಒಬ್ಬ ವ್ಯಕ್ತಿ ಧರ್ಮದ ಅನುಮತಿ ಇದೆ ಎಂದು 5 ಅಥವಾ 6 ಮದುವೆ ಆಗುತ್ತಾನೆ ಅದು ಮತಾಂಧತೆ ಅಲ್ಲವೇ? ಕುಟುಂಬ ನಿಯಂತ್ರಣ ಯೋಜನೆ ಅಥವಾ ಮಧುವೆಗೆ ಸಂಭಂದಪಟ್ಟ ಕಾನೂನುಗಳು ಇವರಿಗೆ ಯಾಕೆ ಅನ್ವಯಿಸುವುದಿಲ್ಲ? ತಮ್ಮ ಧರ್ಮಕ್ಕೆ ಧಕ್ಕೆ ತರುತ್ತಿವುರ ರಾಕ್ಷಸರನ್ನ ಕಲ್ಲು ಹೊಡೆದು ಓಡಿಸುವ ಹುಚ್ಚು ನಂಬಿಕೆಯ ಸಂಧರ್ಬದಲ್ಲಿ ಎಷ್ಟು ಪ್ರಾಣಾಹಾನಿ ಆಗುವುದಿಲ್ಲ? ಇದು ಧರ್ಮಾಂಧತೆಯ ಪರಮಾವಧಿಯಲ್ಲವೇ? ಧರ್ಮದ ಹೆಸರಲ್ಲಿ ಸ್ತ್ರೀ ಸ್ವತಂತ್ರದ ಹರಣ ಎಷ್ಟರ ಮಟ್ಟಿಗೆ ಸರಿ? ಇದಕ್ಕೆ ಮಹಿಳಾ ಆಯೋಗ ಅಥವಾ ಇನ್ನಿತರ ಮಹಿಳಾ ಮಣಿಗಳು ಧ್ವನಿ ಎತ್ತುವುದಿಲ್ಲ ಅಲ್ಲವೇ? ಇರಲಿ, ಜನ ಲೋಕಪಾಲ್ ನಮ್ಮ ಧರ್ಮದ ವಿರುದ್ದವಿದೆ ಅದಕ್ಕೆ ಯಾರು ಸಹಕರಿಸಬೇಡಿ ಅಂತ ಕರೆ ಕೊಟ್ಟ ದೆಹಲಿಯ ಧರ್ಮ ಗುರುವಿನ ಬಗ್ಗೆ ಹಿಂದುಳಿದ ಮುಖಂಡರ  ಅಭಿಪ್ರಾಯವೇನು ? ಲವ್ ಜಿಹಾದ್ ಅನ್ನುವ ಕೆಟ್ಟ ಸಂಪ್ರದಾಯ ನೆಡೆದು ಕೊಂಡು ಬರುತ್ತಿರುವ ಈ ಸಂಧರ್ಬದಲ್ಲಿ ಅದರ ವಿರುದ್ದ ಧ್ವನಿ ಎತ್ತುವ ಛಲ ಹಟ ಅಥವಾ ಶಕ್ತಿ ಸೋ ಕಾಲ್ಡ್ ಬುದ್ಧಿ ಜೀವಿಗಳಿಗೆ ಇಲ್ಲವೇ?

ಅದೇ ರೀತಿ ಎಷ್ಟೊಂದು ಒಳ್ಳೆಯ ಕೆಲಸಗಳೂ ಧರ್ಮದ ಹೆಸರಲ್ಲಿ ನೆಡೆಯುತ್ತಿವೆ, ಅನ್ನದಾನ, ವಿದ್ಯಾ ದಾನ, ಹಿಂದುಳಿದವರ ಏಳಿಗೆಗೆ ಆರ್ಥಿಕ ಸಹಾಯ ಕೊಡುವ ಮಠ ಮಾನ್ಯಗಳು, ಸಂಘ ಸಂಸ್ಥೆಗಳು ಬಡವರ ಹಾಗೂ ಹಿಂದುಳಿದವರ ಅಭಿವೃದ್ದಿಗಾಗಿ ನಿಸ್ವಾರ್ಥ ಸೇವೆ ಸಲ್ಲಿಸುತ್ತಿರುವ ಜನರು ಎಷ್ಟೋ ಇದ್ದಾರೆ  ಅವರ ಬಗ್ಗೆ ಒಂದೇ ಒಂದು ಮೆಚ್ಚುಗೆಯ ಮಾತನಾಡದ ನಮ್ಮ ಮುಖಂಡರು , ಹೇಗೆ ಅದೇ ಧರ್ಮ, ಜಾತಿ ಅಥವಾ ಸಮಾಜ ಅನುಸರಿಸುವ ನಂಬಿಕೆಗಳನ್ನು ಪ್ರಶ್ನಿಸಲು ಅರ್ಹರಾಗಿದ್ದಾರೆ? ಬುದ್ಧಿ ಜೀವಿಗಳು ಎಂದರೆ ಒಳ್ಳೆಯದನ್ನ ಪ್ರಶಂಸಿಸಿ ಕೆಟ್ಟದನ್ನ ತಿದ್ದುವ ತಟಸ್ಥ ಮನಸ್ಸಿನ ಜನ ಅನ್ನುವ ನಮ್ಮ ನಂಬಿಕೆ ಸುಳ್ಳು ಅನ್ನುವುದನ್ನ ಮತ್ತೆ ಮತ್ತೆ ನಮಗೆ ತೋರಿಸಿ ಕೊಡುತ್ತಿದ್ದಾರೆ ಅನ್ನಿಸುತ್ತಿಲ್ಲವೇ?

ಕೇವಲ ಜಾತಿ ಹೆಸರಲ್ಲಿ, ಓಟಿಗಾಗಿ, ಹೊಲಸು ರಾಜಕೀಯದವರಿರುವ ವರೆಗೂ ನಮಗೆ ಇದೆ ಗತಿ ಅನ್ನಿಸುತ್ತಿದೆ. ಕೇವಲ ಕೆಲವು ಮಾತ್ರ ಶಾಸ್ತ್ರ , ಸಂಪ್ರದಾಯ ಹಾಗೂ ನಂಬಿಕೆಗಳನ್ನ ಪ್ರಶ್ನಿಶಿ ಪ್ರಚಾರ ಗಿಟ್ಟಿಸುವ ವಿಕೃತ ಮನಸ್ಸುಗಳ ಆಟ ನಿಲ್ಲಬೇಕಿದೆ. ನನ್ನಲ್ಲಿ ಈ ಜಾತಿಯ ಇಷ್ಟು ಮತಗಳಿವೆ ಅವುಗಳನ್ನ ನಿಮಗೆ ಹಾಕಿಸುತ್ತೇನೇ ಆದರೆ ನನಗೆ ನೋಟಿನ ಕಂತೆಗಳನ್ನ ಸುರಿಯಿರಿ ಅನ್ನುವ ಮಾನವೀಯತೆ ಇಲ್ಲದ  ಗೋ ಮುಖ ವ್ಯಾಘ್ರಗಳು ಸಾಯಬೇಕಿದೆ. ಎಲ್ಲಕ್ಕಿಂತ ಹೆಚ್ಚಾಗಿ ಸರ್ವ ಧರ್ಮ ಸಾಹಿಷ್ಣು  ರಾಷ್ಟ್ರದಲ್ಲಿ ಎಲ್ಲರ ನಂಬಿಕೆ ಆಚರಣೆಗಳಿಗೆ ಬೆಲೆ ಕೊಟ್ಟು ಸಾಮರಸ್ಯದಿಂದ ಬಾಳುವ ಮನಸ್ಸು ಪ್ರತಿಯೊಬ್ಬ ನಾಗರೀಕರಲ್ಲೂ ಬರಬೇಕಿದೆ. ಎಲ್ಲ ಧರ್ಮ, ಶಾಸ್ತ್ರ, ನಂಬಿಕೆ, ಅಚಕರಣೆಗಳನ್ನೂ ಮೀರಿ ಮಾನವ ಧರ್ಮ ಒಂದಿದೆ ಅನ್ನುವುದನ್ನ ಅರಿಯಬೇಕಿದೆ ಎಲ್ಲ ಧರ್ಮಗಳೂ ಹಾಗೂ ಅದರ ಆಚರಣೆಗಳು ಕಾನೂನಿನ ಅಡಿಯಲ್ಲಿ ಬರುವುದಾದರೆ ಆ ಕಾನೂನಿನಲ್ಲಿ ಕಟ್ಟು ನಿಟ್ಟಿನ ಮಾರ್ಪಾಡಾಗಬೇಕಿದೆ. ನಮ್ಮ ನಂಬಿಕೆ ಸಂಪ್ರದಾಯಗಳು ಮಾತ್ರ ಸರಿ ಇನ್ನುಳಿದವು ಬೂಟಾಟಿಕೆ ಅನ್ನುವ ನ ಮನಸ್ಥಿತಿ ಗೆ ತಕ್ಕ ಚಿಕಿತ್ಸೆ ದೊರಕಬೇಕಿದೆ. ಸಮಗ್ರತೆ, ಒಗ್ಗಟ್ಟು ಪ್ರೀತಿ ವಿಶ್ವಾಸ ಇವೆಲ್ಲವೂ ಪ್ರತಿಯೊಬ್ಬರಲ್ಲೊ ಬಂದಾಗ ಮಾತ್ರ ನಮ್ಮ ದೇಶ ನೆಮ್ಮದಿಯ ಬದುಕು, ಬ್ರಷ್ಟ ರಹಿತ ಸಮಾಜವನ್ನು ಕಾಣಬಹುದು ಅಲ್ಲ್ವೆ? ನಿಮಗೆ ಏನು ಅನ್ನಿಸ್ತು ಹೇಳಿ , ಮತ್ತೆ ಬರ್ತೀನಿ.

ವಾಕ್ ಇನ್ ಸಂದರ್ಶನ!!

ಅಕ್ಟೋಬರ್ 21, 2011

ನಮಸ್ತೆ ನನ್ನೆಲ್ಲ ಆತ್ಮೀಯ ಸ್ನೇಹಿತರಿಗೆ, ಎಷ್ಟೊಂದು ಸಲ ಅಂದುಕೊಳ್ಳುತ್ತೇನೆ  ಯಾವಾಗಲೂ ನಿಮ್ಮೊಂದಿಗೆ  ಏನಾದರೂ ಮಾತನಾಡುತ್ತಲೇ ಇರಬೇಕು, ಬರಿಯುತ್ತಲೇ ಇರಬೇಕು, ಆದರೆ ಎನು ಮಾಡೋದು ಕೆಲಸ ಕೆಲಸ ಕೆಲಸ….. ಈ ಭಾರಿ ಕೆಲಸದ ಮಧ್ಯೆ ಸ್ವಲ್ಪ ಬಿಡುವು ಮಾಡಿಕೊಳ್ಳಲೇಬೇಕೆಂಬ ಹಠ ತೊಟ್ಟು  ಸ್ವಲ್ಪ ಬರೆಯಬೇಕೆಂಬ ಬಯಕೆ ಉಂಟಾಗಿದೆ ಬನ್ನಿ ಸ್ವಲ್ಪ ಹೊತ್ತು ಕಾಡು ಹರಟೆ ಹೊಡೆಯೋಣ..

ಮೊನ್ನೆ ನಮ್ಮ ಆಫೀಸಿನಲ್ಲಿ  ಬಿ ಇ ಮಾಡಿದ ಅನುಭವವಿಲ್ಲ ದ ಹುಡುಗರನ್ನು ಕೆಲಸಕ್ಕೆ ತೆಗೆದುಕೊಂಡೆವು, ಅಂದರೆ ಸಿಂಪಲ್ ಆಗಿ ಹೇಳುವುದಾದರೆ ಫ್ರೆಶರ್ ಗಳನ್ನು ಕೆಲಸಕ್ಕೆ ಸೇರಿಸಿಕೊಂಡೆವು ಅಂತ. ಅಲ್ಲಿ  ಇಂಟರ್ವ್ಯೂ ಮಾಡಲು ಟೆಕ್ ಪ್ಯಾನಲ್ ಗಳಿಗೆ ಸಹಕರಿಸಲು ಜೊತೆಗೆ ಎಚ್ ಆರ್ ಇಂಟರ್ವ್ಯೂ ಮಾಡಲು ನಾನಿದ್ದೆ. ಅದು ಶನಿವಾರ ವಾಕ್ ಇನ್ ಬೇರೆ ಆದ್ದರಿಂದ ನಾವು ಕರೆ ಮಾಡಿದ್ದು ಕೇವಲ 70 ಜನರಿಗೆ ಬಂದದ್ದು 100 ಕ್ಕಿಂತ ಹೆಚ್ಚು ಮಂದಿ. ಅವರನ್ನು ಕೂರಿಸುವುದರಲ್ಲೇ ಸುಸ್ತಾಗಿ ಹೋದೆ ನಾನು. ಮತ್ತೆ  ನಮ್ಮ ಅನುಭವಸ್ಥ ನುರಿತ (?) ಟೆಕ್ ಜೀವಿಗಳು ಬರಲು ಇನ್ನೂ ಸುಮಾರು ಹೊತ್ತು ಇತ್ತು, ಬಿಡಿ ಶನಿವಾರ ನಮ್ಮ ಸಾಫ್ಟ್ ವೇರ್  ಇಂಜಿನೀಯರುಗಳೆ ಹಾಗೆ ಶನಿವಾರ 9 ಗಂಟೆಗೆ ಬನ್ನಿ ಅಂದರೆ ರಾಜಕಾರಣಿಗಳ ರೀತಿ 11 ಗಂಟೆಗೆ ಬರುವುದು ಅವರ ಸಂಪ್ರದಾಯ. ಅದೇ ಸಮಯದಲ್ಲಿ ನಮ್ಮ ಫ್ರೇಶರುಗಳು ಏನು ಮಾಡುತ್ತಿದ್ದಾರೆ ನೋಡೋಣ ಅಂತ ಅನ್ನಿಸಿ ಮತ್ತೊಂದು ಬಾಗಿಲಿನಿಂದ ಅವರು ಕುಳಿತಿದ್ದ ಹಾಲ್ ಗೆ ಹೋದೆ….

ಏನು ನೋಡೋದು ಎಷ್ಟು ಆಶ್ಚರ್ಯ ಗೊತ್ತ ? ಸಾಲಾಗಿ ಕೂರಿಸಿದ್ದೆ ನಾನು, ಆದರೆ ಅವರು ಚೇರುಗಳನ್ನ ಸೇರಿಸಿಕೊಂಡು ಸಣ್ಣ ಸಣ್ಣ ಗುಂಪುಕಟ್ಟಿಕೊಂಡು ಬಿಟ್ಟಿದ್ದಾರೆ, ಒಬ್ಬರು ಹರಟೆ ಹೊಡೆಯುತ್ತಿದ್ದಾರೆ, ಇನ್ನೊಬ್ಬ ಮೊಬೈಲ್ ನಲ್ಲಿ ಜೋರಾಗಿ ಮಾತಾನಾಡೋದು, ಇನ್ನೂ ಕೆಲವರಂತೂ ಜಗತ್ತೇ ತಲೆ ಮೇಲೆ ಬಿದ್ದೋರತರ ಕೂತಿದ್ದಾರೆ, ಮತ್ತೆ ಕೆಲವರು ಒಂದು ಹೆಜ್ಜೆ ಮುಂದೆ ಹೋಗಿ “ಏನು ಮಗ ಈ ಕಂಪನಿ ನಿಜವಾಗ್ಲೂ ಫ್ರೆಶರ್ ಗಳನ್ನ ತಗೋತಾ ಇದ್ಯ? ಯಾರೋ ಹೇಳಿದ್ರು ನಂಗೆ, ಕಂಪನಿ ಅಷ್ಟು ಚೆನಗಿಲ್ಲ ಆದ್ರೆ ಎಕ್ಷ್ಪೀರಿಯನ್ಸ್ ಗೋಸ್ಕರ ಬಂದು ಸೇರ್ಕೋಬೇಕು ಅಷ್ಟೇ ಅಂತ , ಅದು ಅಲ್ಲ್ದೆ ಮೊನ್ನೆ ಆ ಕಂಪನಿ ಗೆ ಹೋದ್ರೆ ದಿನ ಇಡೀ ಕೂರ್ಸಿ ಏನೂ ಮಾತಡದೆ ಸಂಜೆ ಹೊತ್ತಿಗೆ ಮನೆಗೆ ಕಳ್ಸಿದ್ರು, ಇಲ್ಲೂ ಅದೇ ಕಥೆ ಅನ್ಸುತ್ತೆ  ಎಚ್ ಆರ್ ಇಲ್ಲಿ ನಮ್ಮನ್ನ ಕೂರ್ಸಿ ಎಲ್ಲಿ ಸತ್ತ ಅಂತ ಗೊತ್ತಿಲ್ಲ ನೋಡು, ಅದಕ್ಕೆ ಒಂದು ಪ್ಲಾನ್ ಮಾಡೋಣ ಅಂತ ಇದೀನಿ ನೆಕ್ಸ್ಟ್ ಟೈಮ್  ನನ್ನ ರೇಸ್ಯುಮೆ ಲಿ ನಮ್ಮ ಅಣ್ಣ ನ ಎಕ್ಸ್ಪೀರಿಯನ್ಸ್ ಹಾಕಿಕೊಂಡು ಹೋಗೋಣ ಅಂತ ”  ಅಯ್ಯೋ ಅನ್ನಿಸಿತು ನನಗೆ. ಇನ್ನೂ ಒಬ್ಬ ಮಹಾರಾಯ ಅಲ್ಲಿ ಬಂದಿರೋ ಹೂಡಗೀರನ್ನ ಗೇಲಿ ಮಾಡೋದು ಕಾಲು ಎಳೆಯೋದು ಶುರು ಮಾಡಿದ್ದಾನೆ, ಮಧ್ಯ ಮಧ್ಯ ಅವನ ಗಾನ ಸುಧೆ ಬೇರೆ. ತುಂಬಾ ಸಿಟ್ಟುಬಂದು ಅವನನ್ನ ಮಾತ್ರ ಕರೆದು ನಿಮ್ಮ ರೇಸ್ಯುಮೆಯಲ್ಲಿರೋ  ಅಂಕಗಳು 70% ಕ್ಕಿಂತ ಕಡಿಮೆ ಇದೆ ಆದ್ದರಿಂದ ಇನ್ನೊಂದು ದಿನ ಕರೆಯುತ್ತೇವೆ ನೀವು ಹೊರಡಬಹುದು ಎಂದು ಹೇಳಿ ಕಳಿಸಿಬಿಟ್ಟೆ. ಕೆಲವರು ಟಿ-ಶರ್ಟ್ ಗಳನ್ನು ಹಾಕಿಕೊಂಡು ಕಾಲೇಜಿಗೆ ಬರುವ ಹಾಗೆ ಬಂದಿದ್ದರು ಅದಾದರೂ ಮುಂದೆ ಸುದಾರಿಸಬಹುದು ಅನ್ನುವ ಕಾರಣಕ್ಕೆ ಸುಮ್ಮನಾದೆ. ಮತ್ತೆ ಇನ್ನೂ ಕೆಲವೊಂದಿಷ್ಟು ಜನ ನಮ್ಮ ಆಫೀಸಿನ ದೊಡ್ಡ ದೊಡ್ಡ (?) ಮ್ಯಾನೇಜರುಗಳ ಹೆಸರುಗಳನ್ನ ತಮ್ಮ ರೇಸ್ಯುಮೇಯ ಮೇಲೆ ಹಾಕಿಕೊಂಡು ಬಂದಿದ್ದಾರೆ.

ಕೊನೆಗೂ ನಮ್ಮ ಟೆಕ್ಕಿಗಳು ಬಂದರು ನಾನು ತಕ್ಷಣ ಒಂದು 6 ಜನ ಟೆಕ್ಕಿಗಳನ್ನು ಬೇರೆ ಬೇರೆ ರೂಮುಗಳಲ್ಲಿ ಕೂರಿಸಿ ಒಬ್ಬಬ್ಬರಂತೆ ಕರೆಯುವ ಪ್ಲಾನ್ ಮಾಡಿದೆ ಅದನ್ನೇ ಹೋಗಿ ಹಾಲ್ ನಲ್ಲಿ ಕುಳಿತಿದ್ದ ಫ್ರೇಶರ್ ಗಳಿಗೆ ಹೇಳಿದೆ. ನಂತರ ಕರೆಯಲು ಶುರುಮಾಡಿದಾಗ ಗೊತ್ತಾಗಿದ್ದು ನೋಡಿ ಭಲವಾದ ಸಮಸ್ಯೆ, ತಾ ಮುಂದು ನಾ ಮುಂದು ಅಂತ ಬಾಗಿಲುಗಳ ಬಳಿ ತಿರುಪತಿ ದೇವರ ದರ್ಶನಕ್ಕೆ ಬರುವಂತೆ ನುಗ್ಗಿದರು.  ತಡೆಯಲಾರದೇ ಸರಿಯಾಗಿ, ಜೋರಾಗಿ ಬೈದು ಕೂರಿಸಬೇಕಾಯಿತು , ಆದರೂ ನುಗ್ಗುವಿಕೆ ಕಡಿಮೆ ಆಗಲೇ ಇಲ್ಲ!! ಅಂತೂ ಹಾಗೂ ಹೀಗೂ ಎಲ್ಲರನ್ನೂ ಇಂಟರ್ವ್ಯೂ ಮಾಡಿ ಕಳಿಸುವಾಗ ಸಂಜೆ 4 ಘಂಟೆ ಸಮಯ.

ಇದನ್ನೆಲ್ಲ ಏಕೆ ಹೇಳುತ್ತಿದ್ದೇನೆ ನಿಮಗೆ ಅಂದುಕೊಂಡಿರ? ಕಾರಣ ಇಷ್ಟೇ ನಾವು ಯಾವುದೇ ಅನುಭವವಿಲ್ಲದೆ ಹೊಸದಾಗಿ ಕೆಲಸ ಹುಡುಕಲು ಹೋಗುವಾಗ ನಮ್ಮ ವರ್ತನೆ, ನಡೆ, ನುಡಿ, ಸಭ್ಯತೆ ಎಲ್ಲ ಹೇಗಿರಬೇಕು? ಅನ್ನುವ ಸಾಮಾನ್ಯ  ಮಾಹಿತಿಯನ್ನ ತಿಳಿದುಕೊಳ್ಳುವುದಕ್ಕಾಗಿ, ನನಗಿರುವ ~5 ವರ್ಷಗಳ ಎಚ್ ಆರ್ ಅನುಭವದಲ್ಲಿ ಕೆಲವು ವಿಚಾರಗಳನ್ನ ಹೇಳೋಣ ಅಂತ ಇದೀನಿ. ನಿಮಗೆ ಹೌದು ಅನ್ನಿಸಬಹುದು ನೋಡಿ.

  • ಆದಷ್ಟು ಸಣ್ಣ ಸಣ್ಣ ಕಾರಣಗಳಿಗಾಗಿ ಇಂಟರ್ವ್ಯೂ ಅನ್ನು ತಪ್ಪಿಸಿಕೊಳ್ಳುವುದು ಬೇಡ .
  • ಇಂಟರ್ವ್ಯೂ ಗೆ ಹೋಗುವ ಮುನ್ನ, ಯಾವ ಕಾರಣಕ್ಕೆ, ಮತ್ತು ಯಾವ ಯಾವ ಕುಶಲತೆ (skill expertise) ಗಳನ್ನ ಕೇಳಿದ್ದಾರೆ?ಅಂತ ಅವರು ಕಳಿಸಿರುವ ಮೈಲ್ ಅನ್ನು 2 ಭಾರಿ ಚೆಕ್ ಮಾಡಿ ನೋಡಬೇಕು.
  • ಯಾವ ಕಂಪನಿಯವರು ಕರೆದಿದ್ದಾರೆ? ನಾನು ಹೋಗುತ್ತಿರುವ ಕಂಪನಿಯ ಮೂಲ, ಇತಿಹಾಸ ಹಾಗೂ  ವ್ಯವಹಾರ ಏನು?  ಎಷ್ಟುಜನ ಇಲ್ಲಿ ಕೆಲಸ ಮಾಡುತ್ತಿದ್ದಾರೆ ಅನ್ನುವುದನ್ನ ಅವರ ವೆಬ್ ಸೈಟ್ ನೋಡಿ ತಿಳಿದುಕೊಳ್ಳಬೇಕು
  • ಅನುಭವ ಇಲ್ಲದ ಕಾರಣ ಅಲ್ಲಿ ಕೇಳಿರುವ ತಾಂತ್ರಿಕ ಜ್ಞಾನ (Knowledge not experience)ನನ್ನಲ್ಲಿ ಇದೆಯೇ?  ಇಲ್ಲವಾದಲ್ಲಿ ಅದರಬಗ್ಗೆ ಸ್ವಲ್ಪ ಹೊತ್ತು ಓದಿ ಕೊಳ್ಳುವುದು ತುಂಬಾ ಒಳಿತು.
  • ಇಂಟರ್ವ್ಯೂಗೆ ಹೋಗಲು ನನಗೆ ಆ ಕಂಪನಿಯ ವಿಳಾಸ ಸರಿಯಾಗಿ ಗೊತ್ತಿದೆಯೇ? ಇಲ್ಲವಾದಲ್ಲಿ ಹತ್ತಿರದ ಲ್ಯಾಂಡ್ ಮಾರ್ಕುಗಳು ಏನಾದರೂ ಇವೆಯೆ? ಅನ್ನುವುದನ್ನ ನೋಡಿಕೊಳ್ಳಬೇಕು ಇದು ನಾವು ಸಮಯಕ್ಕೆ ಸರಿಯಾಗಿ ನಿಗದಿತ ಸ್ಥಳ ತಲುಪಲು ಸಹಾಯಕವಾಗುತ್ತದೆ.
  • ನನ್ನ ಅನುಭವದಲ್ಲಿ ನೋಡಿದ್ದೇನೆ, ನಾವು ಕಳುಹಿಸಿದ ಮೇಲ್ ನಲ್ಲಿ ಅಥವಾ ಇಂಟರ್ನೆಟ್ ನಲ್ಲಿ ಹುಡುಕಿ ನಮ್ಮ ಫೋನ್ ನಂಬರ್ ಗಳಿಗೆ ಫೋನ್ ಮಾಡಿ “ಸಾರ್ ನನಗೆ ತುಂಬಾ ಕಷ್ಟ ಇದೆ ನನಗೆ ಎಲ್ಲೂ ಕೆಲಸ ಸಿಗುತ್ತಿಲ್ಲ,ನನಗೆ ಜೀವನ ಸಾಕಾಗಿದೆ , ದಯವಿಟ್ಟು ಕೆಲಸ ಕೊಡಿಸಿ, ಏನಾದರೂ ಮಾಡಿ ಸಾರ್ ಪ್ಲೀಸ್”…. ಅನ್ನುವುದು. ಈ ರೀತಿ ಮಾಡಿದರೆ ನಿಮ್ಮ  ಇಂಟರ್ವ್ಯೂ  ತೆಗೆದು ಕೊಳ್ಳುವ ಶಕ್ತಿ ಕುಂದಿದೆ, ಜೊತೆಗೆ ನಿಮ್ಮಲ್ಲಿಯ ಪಾಸಿಟಿವ್  ಎನರ್ಜಿ ಕಡಿಮೆ ಆಗಿದೆ ಅಥವಾ ನಿಮ್ಮಲ್ಲಿ ಆತ್ಮವಿಶ್ವಾಸ ಕುಂದಿದೆ  ಅಂತ ಅರ್ಥೈಸಿ ನಿಮ್ಮನ್ನು ಇಂಟರ್ವ್ಯೂ ಗೆ ಕರೆಯದೆ ಇರುವ ಸಾಧ್ಯತೆಗಳು ಇರುತ್ತವೆ.

ಇಂಟರ್ವ್ಯೂ ನೆಡೆಯುವ ಸ್ಥಳದಲ್ಲಿ ನಮ್ಮ ನಡತೆ ಹೇಗಿರಬೇಕು?

  • ಆದಷ್ಟು ನಿಮ್ಮ ಮೊಬೈಲ್ ಅನ್ನು ಸೈಲೆಂಟ್ ಮೊಡ್ ನಲ್ಲಿ  ಇರುವಂತೆ ನೋಡಿಕೊಳ್ಳಿ. ಜೋರಗಿನ ರಿಂಗ್ ಟೋನ್ಗಳು  ಅಥವಾ ಹಾಸ್ಯಸ್ತ್ಮಕ ಹಾಡುಗಳು ಬೇರೆಯವರಿಗೆ ಕಿರಿ ಕಿರಿ ಉಂಟುಮಾಡಬಹುದು ಅಲ್ಲವೇ?
  • ನಿಮ್ಮ ಉಡುಪು ಟಿ- ಶರ್ಟ್ ಹಾಗೂ ಜೀನ್ಸ್ ಪ್ಯಾಂಟ್ ಆಗಿರದೆ , ನಾರ್ಮಲ್  ಉಡುಪುಗಳಾಗಿರಲಿ. ಉದ್ದದ ನಾಮ, ದೊಡ್ಡ ವಿಭೂತಿ ಪಟ್ಟಿಗಳು ನಿಮ್ಮ ಹಣೆಯನ್ನ ಮುಚ್ಚದಿರಲಿ
  • ಇಂಟರ್ವ್ಯೂ ಹಾಲ್ ನಲ್ಲಿ ಆದಷ್ಟು ನಿಧಾನವಾಗಿ ಮಾತನಾಡುವ ಅಭ್ಯಾಸ ಇರಲಿ. ಗುಂಪುಗಳನ್ನ ಕಟ್ಟಿಕೊಂಡು ಕರೆದ ಕಂಪನಿಯ ಬಗ್ಗೆಯೇ ಹಗುರವಾಗಿ ಮಾತನಾಡುವ ಹವ್ಯಾಸ ಒಳ್ಳೆಯದಲ್ಲವೇನೋ ಅನ್ನುವುದು ನನ್ನ ಅಭಿಪ್ರಾಯ.
  • ಇಡೀ ಪ್ರಪಂಚ ತಲೆ ಮೇಲೆ ಬಿದ್ದಂತೆ ಕುಳಿತುಕೊಂಡಿರುವುದೇಕೆ? ಆತ್ಮವಿಶ್ವಾಸ ದಿಂದ ಸಂದರ್ಶನವನ್ನು ಎದುರಿಸಿ, ಇದಿಲ್ಲದಿದ್ದರೆ ಇನ್ನೊಂದು ಒಳ್ಳೆಯ ಅವಕಾಶ ನಿಮಗಾಗಿ ಕಾದಿರುತ್ತದೆ ಅನ್ನುವ ವಿಶ್ವಾಸ ಇಟ್ಟುಕೊಳ್ಳುವುದು ಅತ್ಯಂತ ಮುಖ್ಯ ಅಲ್ಲವೇ?
  • ನಿಜವಾಗಲೂ ನಮಗೆ ಇಂಟರ್ವ್ಯೂ ಗೆ ಹೋದ ಕಂಪನಿಯ ದೊಡ್ಡ ಮ್ಯಾನೇಜರುಗಳು ಗೊತ್ತಿದ್ದರೆ ಮಾತ್ರ ಅವರ ಹೆಸರನ್ನು ನಮೂದಿಸಿ ಇಲ್ಲವಾದಲ್ಲಿ ಬೇಡ, ಆ ಹೆಸರುಗಳಿಂದಾಗಿ ನಿಮಗೆ ಕೆಲಸ ಬೇಕೆ? ಅಥವಾ ನಿಮ್ಮ ಯೋಗ್ಯತೆಗನುಸಾರ ವಾಗಿಯೇ?
  • ಸಂದರ್ಶನ ಎದುರಿಸುವಾಗಲೂ ಅಷ್ಟೇ, ಭಯವೇಕೆ? ನಡುಗುವ ಧ್ವನಿ ಏಕೆ? ಗೊತ್ತಿರುವ ಪ್ರಶ್ನೆಗಳಿಗೆ ಸ್ಪಷ್ಟ ವಾಗಿ ಉತ್ತರಿಸಿ, ಗೊತ್ತಿಲ್ಲದಿರುವಗಳಿಗೆ “ಅವಕಾಶ ಕೊಟ್ಟಲ್ಲಿ ಖಂಡಿತ ಕಲಿತು ಕೆಲಸ ಮಾಡುತ್ತೇನೆ” ಎನ್ನುವ ಉತ್ತರವೀಯಿರಿ.
  • ಇಂಟರ್ವ್ಯೂ  ರೂಮಿಗೆ ಹೋದ ತಕ್ಷಣ “good morning / afternoon sir” ಅನ್ನುವ ಅಭ್ಯಾಸ ಅತ್ಯಂತ ಒಳ್ಳೆಯದು. ನಗುನಗುತ್ತಾ ಮಾತನಾಡಿ, ಆಳುವ ಧ್ವನಿ ಅಥವಾ ಹೆದರಿದಂತೆ ತೋರಿಸಿಕೊಳ್ಳಬೇಡಿ. ಇದನ್ನು ಮಾಡುವುದು ಕಷ್ಟ ಆದರೆ ಆದಷ್ಟು ಪ್ರ್ಯತ್ನಿಸಿ.
  • ಇಂಟರ್ವ್ಯೂ ಇದೆ ಅಂತ ಬೆಳಗ್ಗಿನ ತಿಂಡಿ ತಿನ್ನದೆಯೇ ಓಡುವುದು ಯಾಕೆ? ಚೆನ್ನಾಗಿಯೇ ಆಹಾರ ಸೇವಿಸಿ ಅದು ನಿಮಗೆ ಸುಸ್ತಾಗದಂತೆ ಕಾಪಾಡುತ್ತದೆ.
  • ಮುಖ್ಯವಾಗಿ ಹಾಗೂ ಕೊನೆಯ ನನ್ನ ಅಭಿಪ್ರಾಯವೆಂದರೆ, ನಾನು ಎಷ್ಟೋ ಭಾರಿ ನೋಡಿದ್ದೇನೆ ನಿಮ್ಮ ಇಂಟರ್ವ್ಯೂ ಆದ ನಂತರ ಮುಂದಿನ ಅಭ್ಯರ್ಥಿಯ ಬಳಿ ಹೋಗಿ ಏನೇನು ಪ್ರಶ್ನೆಗಳನ್ನು  ನಿಮಗೆ ಕೇಳಿದರು ಅನ್ನುವುದನ್ನ ಹೇಳೋದು.!!! ಇದು ಒಳ್ಳೆಯದಲ್ಲ ಅಲ್ಲವೇ? ಏಕೆಂದರೆ ನಿಮಗಿಂತ ಕಡಿಮೆ ಅಂಕಗಳನ್ನು ಗಳಿಸಿದವರು, ಅಥವಾ ಅಶಕ್ತರು  ನಿಮಗೆ ಸಿಗಬೇಕಾದ ಅವಕಾಶವನ್ನ ನಿಮ್ಮಿಂದ ಕಸಿದುಕೊಂಡಂತೆ ಆಗುವುದಿಲ್ಲವೇ? ಅಥವಾ ನಿಮಗೆ ಕೇಳಿದ ಪ್ರಶ್ನೆಗಳನ್ನೇ ಕೇಳುತ್ತಾರೆ ಅನ್ನುವ ಕಲ್ಪನೆ ಬೇಡ…  ಪ್ರಶ್ನೆಗಳನ್ನು  ಬೇರೆ ಬೇರೆ (ವಿಚಿತ್ರ!!)ರೀತಿಯಾಗಿ ಕೇಳುವಂತೆ ಎಚ್ ಆರ್ ಗಳಿಗೆ ತರಬೇತಿ ನೀಡಲಾಗಿರುತ್ತದೆ ..ಅಲ್ಲವೇ?

ನಮ್ಮ ಗುರಿ, ಉದ್ದೇಶ ಹಾಗೂ ನಾವು ಯಾವ ಕ್ಷೇತ್ರದಲ್ಲಿ ಕೆಲಸಮಾಡಬೇಕು ಅಂದುಕೊಂಡಿದ್ದೆವೋ ಅದನ್ನ ಸಾಧಿಸುವವರೆಗೂ ನಮ್ಮ ಆತ್ಮ ವಿಶ್ವಾಸ ಕುಂದದಿರಲಿ, 100 ಇಂಟರ್ವ್ಯೂ ಗಳಾಗಲಿ  101 ನೆಯಯದು ನಿಮಗಿಷ್ಟವಾದ ಕೆಲಸವನ್ನು ತಂದುಕೊಡುತ್ತದೆ ಅನ್ನುವ ನಂಬಿಕೆ ಇರಲಿ. ಸಮಸ್ಯೆಗಳು ಯಾರಿಗಿಲ್ಲ? ಎಲ್ಲರೂ ಒಂದಿಲ್ಲೊಂದು ಸಮಸ್ಯೆಯಲ್ಲೇ ಇರುತ್ತಾರೆ. ಅದನ್ನೆಲ್ಲಾ ಬದಿಗಿಟ್ಟು ನಮ್ಮ ಗುರಿಯತ್ತ ಗಮನವಿರುವೆಡೆಗೆ ಆದಷ್ಟು ಪ್ರಯತ್ನ ಮಾಡೋಣ ಅಲ್ಲವೇ?  ಪ್ರತಿ ಭಾರಿ ಇಂಟರ್ವ್ಯೂ ಕರೆದಾಗಲೂ ಒಳ್ಳೆಯ ರೀತಿಯಲ್ಲಿ  ಪ್ರದರ್ಶನ ನೀಡುತ್ತೇನೆಂಬ  ದೃಡ ಸಂಕಲ್ಪ ವಿರಲಿ, ನನ್ನೆಲ್ಲ ಪ್ರೀತಿಯ ಮಲೆನಾಡ ಕೆಲಸ ಹುಡುಕುವ ಜೀವಗಳಿಗೆ ಆದಷ್ಟು ಬೇಗ ಕನಸು ನನಸಾಗಲಿ…….ಮತ್ತೆ ಇನ್ನೊಂದು ವಿಚಾರ, ಈ ದೀಪಾವಳಿಯ ಸಂಧರ್ಬದಲ್ಲಿ ನಮ್ಮೂರಿನ ಕಾಲೇಜಿನ ಹುಡುಗರಿಗೆ ಈ ವಿಚಾರದಲ್ಲಿ ಒಂದಿಷ್ಟು ಮಾಹಿತಿಯನ್ನ ಅವರ ಕ್ಲಾಸ್ ರೂಮುಗಳಿಗೆ ಹೋಗಿ ತಿಳಿಸುವ ಅವಕಾಶ ಒದಗಿದೆ ಸೋ ನಮ್ಮ ಇಡೀ ತಂಡದೊಂದಿಗೆ ಸಧ್ಯದಲ್ಲೇ ನಮ್ಮೂರಿನ ಭಾವೀ ಉದ್ಯಮಿಗಳನ್ನ / ಪ್ರೊಫೆಷನಲ್ಸ್ ಗಳನ್ನ ಮುಖತ: ಭೇಟಿಮಾಡುತ್ತೇವೆ …..ಬರಲೇ ? ಮತ್ತೆ ಸಿಗೋಣ.

ಈ ಅರ್ಟಿಕಲ್ಲಿಗೆ ಸೇರಿದಂತೆ ನನ್ನ ಮೊದಲ ಲೇಖನ “ಉದ್ಯೋಗ ನಮ್ಮವರಿಗೆಕಿಲ್ಲ” ವನ್ನೂ ನೋಡಬಹುದು.

ರಾಮ್ ದೇವ್ ಅವರನ್ನ ಆಡಿಕೊಳ್ಳುವ ಮೊದಲು…….

ಜುಲೈ 8, 2011

ನಮಸ್ಕಾರ ನನ್ನೆಲ್ಲ ಸಹೃದಯೀ ಸ್ನೇಹಿತರಿಗೆ, ಬಾಬಾ ರಾಮ್ ದೇವ್ ಅವರ ಬಗ್ಗೆ ನಮಗೆ ಎಷ್ಟು ಗೊತ್ತು ಯಾರು ಅವರು? ಅವರ ವಾದ, ತತ್ವ ಸಿದ್ದಾಂತ, ಬೇಡಿಕೆಗಳು ಸರಿಯೇ ತಪ್ಪೇ? ನೋಡೋಣ ಬನ್ನಿ.

ಬಾಬಾ ರಾಮ್ ದೇವ್  ಗುಲಾಬೊ ದೇವಿ ಹಾಗೂ ರಾಮ್ ನಿವಾಸ್ ಯಾದವ್ ಅವರ ಸುಪುತ್ರ, ಹುಟ್ಟಿದ್ದು ಅಲಿ ಸಾಯದ್ ಪುರ್ (ಅಲಿಗರ್) ಅನ್ನುವ ಹರಿಯಾಣ ರಾಜ್ಯದ  ಮೂಲೆ. ಬಾಲ್ಯದಿಂದಲೇ  ರಾಮ್ ಪ್ರಸಾದ್ “ಬಿಸ್ಮಿಲ್” , ನೇತಾಜಿ ಸುಭಾಶ್ಚಂದ್ರ ಭೋಸ್ ರಂತಹ ಮಹಾನ್ ವ್ಯಕ್ತಿಗಳಿಂದ ಪ್ರೇರಿತರು ಬಾಬಾ ರಾಮ್ ದೇವ್. ತನ್ನ 8 ನೇ ತರಗತಿಯ ವಿಧ್ಯಾಬ್ಯಾಸದ ನಂತರ ಖಾನ್ಪುರ ದ ಆರ್ಯ ಗುರುಕುಲ ಒಂದಕ್ಕೆ ಸೇರಿ ಸಂಸ್ಕೃತ ಹಾಗೂ ಯೋಗ ಪದ್ದತಿಗಳನ್ನು ಆಚಾರ್ಯ ಪ್ರದ್ಯುಮ್ನ ಅವರಲ್ಲಿ ಅಭ್ಯಾಸ ಮಾಡಿದರು.

ರಾಮ್ ದೇವ್ ಅವರ ಮೊದಲ ಹೆಸರು  ರಾಮ ಕೃಷ್ಣ ಯಾದವ್, ಆದರೆ ಅವರು ಆಚಾರ್ಯ ಬಲದೇವರಿಂದ ಸನ್ಯಾಸ ದೀಕ್ಷೆ ಪಡೆದ ನಂತರ ಬಾಬಾ ರಾಮ್ ದೇವ್ ಎಂಬ ಹೆಸರಿನಿಂದ ಕರೆಯಲ್ಪಟ್ಟರು. ಕಲ್ವ ಗುರುಕುಲದಲ್ಲಿ (ಜಿಂದ್ ಜಿಲ್ಲೆ ಹರಿಯಾಣ ರಾಜ್ಯದಲ್ಲಿದೆ) ಹಳ್ಳಿಯ ಜನರಿಗೆ ಯೋಗ ಗುರುವಾಗಿಯೂ ಸೇವೆ ನಿರ್ವಹಿಸಿದರು,

2003 ರರಲ್ಲಿ  ಆಚಾರ್ಯ ಬಾಲ ಕೃಷ್ಣ ರೊಂದಿಗೆ ಸೇರಿ “ ದಿವ್ಯ ಯೋಗ ಮಂದಿರ ಟ್ರಸ್ಟ್ “ ಅನ್ನು ಹುಟ್ಟು ಹಾಕಿದರು ನಂತರ “ ಆಸ್ಥಾ” ಅನ್ನುವ ಧಾರ್ಮಿಕ ಟಿ‌ವಿ ವಾಹಿನಿಯಲ್ಲಿ ಬೆಳಗ್ಗಿನ ಯೋಗ ಕಾರ್ಯಕ್ರಮದಲ್ಲಿ ಯೋಗ ಗುರುವಾಗಿ ಕಾಣಿಸಿಕೊಂಡರು, ಅವರಿಗೆ ಆ ಮೂಲಕ ಸಿಕ್ಕ ಭಾರಿ ಜನಮನ್ನಣೆ ಇಂದಾಗಿ ದೇಶ ವಿದೇಶದ ಜನ ರಾಮ್ ದೇವ್ ರ ಯೋಗ ಕಾರ್ಯಕ್ರಮಗಳನ್ನ ನೋಡುವುದರೊಂದಿಗೆ ಭಾಗವಹಿಸುವ ಅವಕಾಶ ಸಿಕ್ಕಂತೆ ಆಯಿತು. ಅಮೆರಿಕಾದ ಪ್ರಖ್ಯಾತ ನಿಯತಕಾಲಿಕೆ “ ಟೈಮ್ಸ್ ಆಫ್ ನ್ಯೂ ಯಾರ್ಕ್” ಬಾಬಾರ ಯೋಗ ಸಾಧನೆಗೆ   “ಭಾರತೀಯನಮೋಬ್ಬನ  ಯೋಗ ಸಾಮ್ರಾಜ್ಯ” ವೆಂದು ಹೊಗಳಿದೆ.

ಬಾಬಾ ರಾಮ್ ದೇವ್ “ಪಾತಂಜಲಿ ಯೋಗ ಕೇಂದ್ರ” ವನ್ನು ಸ್ಥಾಪಿಸಿದ್ದಲ್ಲದೆ ಅಲ್ಲಿ ಬಡ ರೋಗಿಗಳಿಗೆ ಆಯುರ್ವೇದ ಹಾಗೂ ಯೋಗ ಪದ್ದತಿಯ ಮೂಲಕ ಚಿಕಿತ್ಸೆ ಕೊಡುವ ಕಾರ್ಯವನ್ನೂ ಈಗಲೂ ಮಾಡುತ್ತಿದ್ದಾರೆ, ಹಾಗೆಯೇ ಪಾತಂಜಲಿ ಯೋಗ ಕೇಂದ್ರ ಸೇರಿದಂತೆ , ಪಾತಂಜಲಿ ಆಯುರ್ವೇದ ಕಾಲೇಜು, ಪಾತಂಜಲಿ ಚಿಕಿತ್ಸಾಲಯ, ಯೋಗ ಗ್ರಾಮ, ಗೋಶಾಲೆ, ಪಾತಂಜಲಿ ಆಹಾರ ಮತ್ತು ಹರ್ಬಲ್ ಉದ್ಯಾನವನಗಳು, “ದಿವ್ಯ ಯೋಗ ಮಂದಿರ ಟ್ರಸ್ಟ್ “ ನವತಿಯಿಂದ ನೆಡೆಸಲ್ಪಡುವ ಇನ್ನಷ್ಟು ಸಂಸ್ಥೆಗಳು. ಇವರ “ಯೋಗ ಸಂದೇಶ” ಅನ್ನುವ ಪುಸ್ತಕ ಕನ್ನಡ ಭಾಷೆಯನ್ನು ಒಳಗೊಂಡು ಒಟ್ಟು 11 ಭಾಷೆಗಳಲ್ಲಿ ಪ್ರಕಟ ಗೊಂಡಿದೆ.

ಸಮಾಜ ಮುಖಿಯಾಗಿ ಬಾಬಾ ರಾಮ್ ದೇವ್ ರಾಜೀವ್ ದೀಕ್ಷಿತರ “ಭರತ್ ಸ್ವಾಭಿಮಾನ್” ಅನ್ನುವ ಧ್ಯೇಯ ವಾಕ್ಯದಡಿ, 100% ಮತದಾನ, ಸ್ವದೇಶಿ ವಸ್ತುಗಳ ಬಳಕೆ, ಸರ್ವ ಭಾರತೀಯರಿಗೂ ಸಮಾನತೆ,  ಸಾವಯವ ಕೃಷಿ ಆಧಾರ, ವಿದೇಶಿ ವಸ್ತುಗಳ ವ್ಯಾಮೋಹ ಹಾಗೂ ಅನುಕರಣೆಗಳ ವಿರುದ್ಧ ಸಮರ ಮತ್ತು ಭಾರತ ಒಂದು  ಯೋಗ ವನ್ನು ಅಭ್ಯಾಸ ಮಾಡುವ ರಾಷ್ಟ್ರ ವಾಗಬೇಕೆಂಬ ಸಂದೇಶವನ್ನೂ ತಮ್ಮ ಎಲ್ಲ ಯೋಗ ಶಿಬಿರಗಳಲ್ಲಿ ಪ್ರಚಾರ ಪಡಿಸುತ್ತಲೇ ಬಂದಿದ್ದಾರೆ.

ಬಾಬರಿಗೆ ಸಂದ ಪುರಸ್ಕಾರಗಳು ಕೆಲವು ಮಾತ್ರ ಅದರಲ್ಲಿ, 2007 ರ ಕಲಿಂಗ  ಇನ್ಸ್ಟಿಟ್ಯೂಟ್  ಅವರ ಗೌರವ ಡಾಕ್ಟರೇಟ್, ಅಮೇಟಿ ವಿಶ್ವವಿಧ್ಯಾಲಯದ  ಗೌರವ ಡಾಕ್ಟರೇಟ್,  ಡಿ.ವೈ ಪಾಟೀಲ್  ವಿಶ್ವವಿಧ್ಯಾನಿಲಯದಿಂದ ಯೋಗ ವಿಜ್ಞಾನಕ್ಕಾಗಿನ ಗೌರವ ಪದವಿ ಹಾಗೂ ಮಹಾರಾಷ್ಟ್ರ ಸರ್ಕಾರದ “ಚಂದ್ರಶೇಕರೇಂದ್ರ ಸರಸ್ವತಿ  ಸ್ಮಾರಕ ಪ್ರಶಸ್ತಿಗಳು ಮುಖ್ಯವಾದವುಗಳು.

ಕಪ್ಪು ಹಣದ ಬಗ್ಗೆ ತೀವ್ರವಾದ ಹೊರಾಟವನ್ನು ಅವರು ಈವರ್ಷದ ಫೆಬ್ರವರಿ 27 ರಂದು ರಾಮ ಲೀಲ ಮೈದಾನದಲ್ಲಿ ದೊಡ್ಡ ಸಮಾವೇಶ ಮಾಡುವಮೂಲಕ ಚಾಲನೆ ನೀಡಿದರು, ಅಣ್ಣಾ ಹಜಾರೆ, ಕಿರಣ್ ಬೇಡಿ, ರಾಮ್ ಜೇಟ್ ಮಲಾನಿ, ಸ್ವಾಮಿ ಅಗ್ನಿವೆಶ್, ಅರವಿಂದ ಕೆಜ್ರಿವಾಲ್, ಮುಂತಾದವರು ಭಾಗವಹಿಸಿದ್ದ ಸಮಾವೇಶ 1 ಲಕ್ಷ ಜನರನ್ನ ಒಟ್ಟುಗೂಡಿಸಿತ್ತು ಆದರೆ ದೇಶದ ಒಂದೂ ಸುದ್ದಿವಾಹಿನಿ ಇದರ ಬಗ್ಗೆ ಮತಾಡಲೆ ಇಲ್ಲ , ಆವಾಗಲೇ ಸೋನಿಯಾ ಅಂಡ್ ಕಂಪನಿಗೆ ತಿಳಿದುಹೋಗಿತ್ತೇನೋ ಈ ವ್ಯಕ್ತಿ ಸಾಮಾನ್ಯನಲ್ಲ ಅಂತ……

ಜೂನ್ 4 ರ ರಾಮ್ ಲೀಲ ಮೈದಾನದ ದುರಂತ ನಿಮಗೆಲ್ಲರಿಗೂ ಗೊತ್ತೇ ಇದೆ, ಸುಮಾರು 3 ಘಂಟೆಗಳ ಕಾಲ ನೆಡೆದ ಪೊಲೀಸ್ ದೌರ್ಜನ್ಯ ಅಲ್ಲಿ ಹೇಗಿತ್ತೆಂದರೆ, ಹೆಂಗಸರು, ವೃದ್ದರು ಮಲಗಿದ್ದ ಸಮಯದಲ್ಲಿ ಸಿಕ್ಕಿದ್ದು ಲಾಟಿ ಏಟು. 65000 ಸಾವಿರ ಜನರಿದ್ದ ಸ್ಥಳದಲ್ಲಿ 10000 ಪೊಲೀಸರ ಆಕ್ರಮಣ, ಟೆಂಟು, ಡೇರೆಗಳಿಗೆ ಬೆಂಕಿ ಇಟ್ಟರು, ಜೆನರೇಟರ್ ಗಳ ಮೇಲೆ ನೀರು ಸುರಿದರು ಅದರಿಂದ ರಾತ್ರಿ ನೆಡೆಯುತ್ತಿದ್ದ ಆ ಹಿಂಸೆ ಕ್ಯಾಮರಾ ಕಣ್ಣಿಗೆ ಕಾಣಬಾರದು ಅನ್ನುವ ದುರುದ್ದೇಶ ಅವರದ್ದು. ಬಾಬಾ ಆ ಸಂಧರ್ಬದಲ್ಲಿ “ದಯವಿಟ್ಟು ಯಾರಿಗೂ ಹೊಡೆಯಬೇಡಿ ಹಿಂಸೆ ಕೊಡಬೇಡಿ ನನ್ನನು ಬೇಕಾದರೆ ಜೈಲಿಗೆ ತಳ್ಳಿ” ಅನ್ನುವ ಮನವಿಯನ್ನ ಪರಿ ಪರಿಯಾಗಿ ನಿವೇಧಿಸಿಕೊಂಡರೂ  ಮನ್ನಣೆ ನೀಡದ ಪೊಲೀಸರು ಅಶ್ರುವಾಯು ಸಿಡಿಸಿದರು, ಯುದ್ದ ಸನ್ನದ್ಧರಾಗಿದ್ದ ಪೊಲೀಸರು ಎಷ್ಟರ ಮಟ್ಟಿಗೆ ಹಿಂಸಿಸಿದರೆಂದರೆ ಅಲ್ಲಿ ಅಕ್ಷರಶಃ ನರಕ ಸೃಷ್ಟಿಯಾಯಿತು.  ನಂತರ 15 ದಿನಗಳ ಕಾಲ  ಬಾಬರನ್ನು ದೆಹಲಿಗೆ ಕಾಲಿಡದಂತೆ ನಿರ್ಭಂದ ಹೇರಿದರು…. ಅಷ್ಟಕ್ಕೂ ರಾಮ್ ದೇವ್ ಸತ್ರ್ಯಗ್ರಹ ಮಾಡಿದ್ದು ಯಾವ ಬೇಡಿಕೆ ಇಟ್ಟುಕೊಂಡು? ಇಲ್ಲಿದೆ ಅದರ ಪಟ್ಟಿ.

1.      ರಾಷ್ಟ್ರದ ಹೊರಗೆ ಸ್ವಿಸ್ ಬ್ಯಾಂಕ್ ನಲ್ಲಿ ಕೊಳೆಯುತ್ತಿರುವ ಕಪ್ಪುಹಣವನ್ನ ರಾಷ್ಟ್ರೀಯ ಸಂಪತ್ತಾಗಿ ಘೋಷಿಸಬೇಕು.

2.      ಸಂಯುಕ್ತ ರಾಷ್ಟ್ರಗಳ “ಭ್ರಷ್ಟಾಚಾರ ನಿರ್ಮೂಲನ ಒಪ್ಪಂದಕ್ಕೆ ಸಹಿ ಹಾಕಬೇಕು (ಈ ಒಪ್ಪಂದ 2006 ರಿಂದ ಸರ್ಕಾರಿ ಕಡತಗಳಲ್ಲಿ ದೂಳು ಹಿಡಿದುಕೊಂಡು ಬಿದ್ದಿದೆ)

3.      ಲೋಕಪಾಲ್ ಮಸೂಧೆ ತಕ್ಷಣ ಜಾರಿಗೊಳ್ಳಬೇಕು.

4.      ಸರ್ಕಾರಕ್ಕೆ ತೆರಿಗೆ ವಂಚಿಸುವವರ ವಿರುದ್ಧ ಕ್ರಮ ಕೈಗೊಳ್ಳಬೇಕು.

5.      ದೇಶದ ಹೊರಗೆ ಅನೈತಿಕವಾಗಿ ಕ್ರೋಡೀಕರಣಗೊಂಡ ಸಂಪತ್ತನ್ನು ಮುಟ್ಟುಗೋಲು ಹಾಕಿಕೊಳ್ಳಬೇಕು.

6.      ನಕಲಿ ನೋಟು ಜಾಲ ತಡೆಗಾಗಿ 500 ಹಾಗೂ 1000 ರೂಪಾಯಿ ನೋಟುಗಳನ್ನು ತಕ್ಷಣದಿಂದಲೇ ನಿಷೇಧ ಮಾಡಬೇಕು.

7.      ಭ್ರಷ್ಟಾಚಾರಿಗಳಿಗೆ ಮರಣದಂಡನೆ ವಿಧಿಸಿ…..

ಬಾಬಾ ರಾಮ್ ದೇವ್ ಆಮರಣಾಂತ ಉಪವಾಸ ಕೈಗೊಂಡಿದ್ದು, ಅದನ್ನ ಪಂಡಿತ್ ರವಿಶಂಕರ್ ಗುರೂಜಿ ಯವರ ಸಂಧಾನದ ಮೂಲಕ ನಿಲ್ಲಿಸಿದ್ದು ಈಗ ಸುಧ್ಧಿಮಾತ್ರ., ಈಗಿನ ಸುದ್ಧಿ ಏನೆಂದರೆ ಬಾಬಾ ರಾಮ್ ದೇವ್ ಅವರ ಸಹಚರ ಆಚಾರ್ಯ ಬಾಲಕೃಷ್ಣ ಅವರ ಪಾಸ್ಪೋರ್ಟ್ ನಕಲಿ ಎಂದು ಸಿ.ಬಿ.ಐ ತನಿಖೆ ನೆಡೆಸುತ್ತಿರುವುದು.

ಎಂತಹ ವಿಪರ್ಯಾಸ ನೋಡಿ, ಒಬ್ಬ ಹೆಂಗಸು ನಮ್ಮ ರಾಷ್ಟ್ರಕ್ಕೆ ಸೇರಿದವರಲ್ಲ, ಅವರನ್ನು ಹೊತ್ತು ಮೆರೆಯುತ್ತಿದಾರೆ ರಾಜಕೀಯದ ಹೊಲಸು ಜೀವಿಗಳು, ಇನ್ನೂ ಪಾಕಿಸ್ತಾನ, ಬಾಂಗ್ಲಾದೇಶ, ಹಾಗೂ ಚೀನದಿಂದ ಕಾನೂನು ಭಾಹಿರವಾಗಿ ಪ್ರತಿಭಾರಿ  ಒಳನುಸುಳಿ ಬರುತ್ತಿರುವ ಸಾವಿರಾರು ಜನಗಳ ಪಾಸ್ಪೋರ್ಟ್ ಕೇಳಲು ಇವರಿಗೆ ಬಾಯಿ ಬರುತ್ತಿಲ್ಲ ಅಲ್ಲವೇ?

ದೇಶದ ಒಳಗಡೆ ನಕಲಿ ನೋಟಿನಿಂದ ಹಿಡಿದು ರೇಷನ್ ಕಾರ್ಡ್, ಡ್ರೈವಿಂಗ್  ಅನುಮತಿ, ನಕಲಿ ಮಾರ್ಕ್ಸ್ ಕಾರ್ಡುಗಳು, ನಕಲಿ ಪದವಿ, ಇನ್ನೂ ಏನೇನೋ ನಕಲಿಯಾಗಿ ಸಿಗುತ್ತಿವೆ, ಅವುಗಳನ್ನು ಮಟ್ಟ ಹಾಕುವ ಬದಲು ಸತ್ಯಾಗ್ರಹ ಮಾಡುತ್ತಿದ್ದ ಅಮಾಯಕ ಜನರಮೇಲೆ  ಲಾಟಿ ಬೀಸಿ ಏನು ದೊಡ್ಡ ಗಂಡಸ್ತನ ತೋರಿಸಿದಿರಿ ಸನ್ಮಾನ್ಯ ಪಧಾನ ಮಂತ್ರಿಗಳೆ?

ಇನ್ನು ಒಬ್ಬ ಸಾಧುವಿನ ಬಳಿ ಸಾವಿರಾರು ಕೋಟಿ ಆಸ್ತಿ ಇದೆ ಅನ್ನುವುದು, ಯಾವ ಮಠ ಮಾನ್ಯಗಳಲ್ಲಿ ದುಡ್ಡಿಲ್ಲ? ಹೋಗಲಿ, ಪರಮ ಹಿಂಸೆ ನಿತ್ಯಾನಂದನ ಆಸ್ತಿ ವಿಚಾರ ಏನಾಯ್ತು? 2ಜಿ ಹಗರಣದಲ್ಲಿ ಕಳೆದು ಹೋದ ಹಣ ಎಂದು ವಾಪಸ್ ಬರುತ್ತದೆ? ಲೋಕಾಯುಕ್ತರು 60 ದಿನಗಳ ಸಮಯ ನೀಡಿದ್ದರೂ ನಮ್ಮ ಮಂತ್ರಿಮಹಾಶಯರು ತಮ್ಮ ಆಸ್ತಿವಿವರಗಳನ್ನು ಯಾಕೆ ಬಹಿರಂಗ ಪಡಿಸಿಲ್ಲ? ನಮ್ಮ ರಾಜ್ಯದ ಅತಿ ಬಡವ (!!?) ದೇವೇಗೌಡರ ಕುಟುಂಬದ ಒಟ್ಟು ಆಸ್ತಿ ಎಷ್ಟಿದೆ? ಯಡ್ಯೂರಪ್ಪ ನವರ ಒಟ್ಟು ಗಳಿಕೆ ಎಷ್ಟು? ಯೆಜುರ್ಮಂದಿರದಲ್ಲಿ ಇರುವ ಸಾಯಿಬಾಬರ ಒಟ್ಟು ಹಣದ ಕಂತೆಗಳು ಎಷ್ಟು? ಇದೆಲ್ಲ ಬಿಡಿ ಹೋಗಲಿ, ಇವುಗಳಲ್ಲಿ ಎಷ್ಟು ರಾಜಕೀಯದ ವ್ಯಕ್ತಿಗಳು ತಮ್ಮ ಸ್ವಂತ ಹಣವನ್ನು ಬಡಬಗ್ಗರಿಗೆ, ದೀನ ದಲಿತರಿಗೆ ಧಾನ ಮಾಡಿದ್ದಾರೆ? ಬಡವರ ಉಧ್ಧಾರಕ್ಕಾಗಿ ಅವರ ಸ್ವಂತ ಖರ್ಚಿನಿಂದ ಎಂತಹಾ ಸೇವೆ ಸಲ್ಲಿಸಿದ್ದಾರೆ ? ಒಬ್ಬ ರಾಜಾಕರಣಿ ಇದ್ದಾನೆಯೇ ತನ್ನ ಸ್ವಂತ ಹಣದಿಂದ ಬೇರೆಯವರ ಹಿತ ಕಾಪಾಡಲು,,, ತೋರಿಸಿ ನೋಡೋಣ….

ಒಬ್ಬ ಭ್ರಷ್ಟಾತಿಭ್ರಷ್ಟ ಮುಖ್ಯಮಂತ್ರಿ, ಇನ್ನೊಬ್ಬ ಮಾಜಿ ಮುಖ್ಯಮಂತ್ರಿ, ಅವರು ಆಣೆ ಪ್ರಮಾಣ ಮಾಡಿದರೆ ಇಡೀ ದೇಶದ ಸುದ್ದಿವಾಹಿನಿಗಳಿಗೆ ಬೇರೆ ಕೆಲಸ ಇಲ್ಲ, ಅದನ್ನೇ ಮತ್ತೆ ಮತ್ತೆ ತೋರಿಸುವುದು, ಅದರ ಬಗ್ಗೆ ಹಗಲೂ ರಾತ್ರಿ ಚರ್ಚೆ ಮಾಡುವುದು, ಅದನ್ನ ನಮ್ಮಂತೋರು ಏನೋ ಸತ್ಯ ಹರಿಶ್ಚಂದ್ರ ನ ತುಂಡುಗಳು ಮಾತಾಡ್ತಿವೆ ಅಂತ ಬಾಯಿ ಬಿಟ್ಟುಕೊಂಡು ನೋಡೋದು….

 ನಮಗೆ  ಎನಾಗಿದೆ? ಇಲ್ಲಿ ಒಬ್ಬ ಅತ್ಯಂತ ಭ್ರಷ್ಟ ಒಬ್ಬ ಸಾವಿರಾರು ಕೋಟಿ ರೂಪಾಯಿಗಳನ್ನ ನುಂಗಿ ನೀರು ಕುಡಿಯುತ್ತಿದ್ದರೆ ಅವರನ್ನೇ ಮತ್ತೆ ಮತ್ತೆ ಆರಿಸಿ ಕಳಿಸುತ್ತಿದ್ದೆವಲ್ಲಾ? ಎಷ್ಟೇ ಹಗರಣಗಳನ್ನ ಮಾಡಿದರೂ ಮಠ ಮಾನ್ಯಗಳ ಸ್ವಾಮೀಜಿಗಳ ನೆರವಿನಿಂದ ಬಚಾವಾಗಿ ಮತ್ತದೇ ಕುಕೃತ್ಯಗಳಿಗೆ ಕೈ ಹಾಕಿದರೂ ಯಾಕೆ ನಾವು ಸುಮ್ಮನಿದ್ದೇವೆ?  ಅಬಿವೃದ್ಧಿ ಹೆಸರಿನಲ್ಲಿ ಸಾವಿರಾರು ಕೋಟಿ ರೂಪಾಯಿಗಳನ್ನ ತಮ್ಮ ಅಜ್ಜನ ಆಸ್ತಿಯಂತೆ ಭಾವಿಸಿ ಅದನ್ನ ಲಪಟಾಯಿಸುವ ತಿಮಿಂಗಿಲಗಳನ್ನು ಮಟ್ಟ ಹಾಕಲು ಒಬ್ಬ ಸಾಧು ನಿಂತರೆ ಅವನಿಗೆ ಎಷ್ಟು ಆಸ್ತಿ ಇದೆ? ಅವನ ಸಹಚರ ಒಬ್ಬ ಲಂಪಟ, ಇಲ್ಲವೇ ಆ ವ್ಯಕ್ತಿ ಕೋಮುವಾದಿ ಅನ್ನುವ ರಾಜಕಾರಣಿಗಳಿಗೆ ಮೊದಲು ಮಾನಸಿಕ ಸ್ಥಿತಿ ಹೇಗಿದೆ ಅನ್ನುವುದನ್ನ ತಿಳಿದುಕೊಳ್ಳುವುದು ಒಳ್ಳೆಯೇದೇನೋ ಅಲ್ಲವೇ? ಜೂನ್ 30ರ ಒಳಗಾಗಿ ಲೋಕಪಾಲ್ ಮಸೂದೆ ತಯಾರಾಗುತ್ತದೆ ಅದನ್ನು ಜಾರಿಗೆ ತರಲು ಎಲ್ಲ ಸಿಧ್ದ್ಧತೆಗಳು ನೆಡೆದಿವೆ ಅನ್ನುವ ರಾಜಕಾರಣಿಗಳು ಯಾಕೋ ತಲೆಮರೆಸಿಕೊಂಡತೆ ಕಾಣುತ್ತಿದೆ ಅಲ್ಲವೇ?

ಭ್ರಷ್ಟಾಚಾರಿಗಳಿಗೆ ಮರಣದಂಡನೆ ವಿಧಿಸಿ ಅನ್ನುವ ರಾಮದೇವರ ಬೇಡಿಕೆಯನ್ನ ಈಡೇರಿಸಿದರೆ ಬಹುಶಃ ರಾಷ್ಟ್ರದಲ್ಲಿ ಯಾವರಾಜಕಾರಣಿಯೂ ಜೀವಂತವಾಗಿ ಉಳಿಯಲು ಸಾಧ್ಯವಿಲ್ಲ ಅನ್ನುವ ಭಯವಿದ್ದಂತೆ ಇದೆ ನಮ್ಮ ಸರ್ಕಾರಗಳಿಗೆ ಅಲ್ಲವೇ? ಈ ಎಲ್ಲಾ  ಕೊಚ್ಚೆ, ಕೇಸೆರೆರೆಚಾಟಗಳ ಮಧ್ಯೆ ಒಬ್ಬ ಸಾಮಾನ್ಯ ನಾಗರೀಕನಾಗಿ ನಾವು ಇನ್ನುಮುಂದೆ ಮತ ಚಲಾಯಿಸುವ ಮೊದಲು ಯಾರಿಗೆ  ನಮ್ಮ ಮತ ಸೇರುತ್ತಿದೆ?? ಅವನು ಎಂತಹ ವ್ಯಕ್ತಿ? ನಮ್ಮಿಂದ ನಮ್ಮ ಮುಂದಿನ ಪೀಳೆಗೆಗೆ ಕೊಡಬೇಕಾದ ಕನಿಷ್ಠ ಕಾಣಿಕೆಯಾದರೂ ಏನು? ಅನ್ನುವುದನ್ನ ಯೋಚಿಸಿದಲ್ಲಿ ಕೆಲವೇ ವರ್ಷಗಳಲ್ಲಿ ನಾವು ಅಮೆರಿಕಾವನ್ನು ಮೀರಿಸಿ ಬೆಳೆದು ನಿಲ್ಲಬಹುದು ಅಲ್ಲವೇ? ನೀವೇನತೀರಿ?

ದಯ್ಯದ ಹರಕೆ!!

ಜೂನ್ 21, 2011

ನೋಡಿ ಇತ್ತೀಚೆಗೆ ಸಕತ್ ಟೈಮ್ ಸಿಕ್ತಾ ಇರೋದಕ್ಕೂ, ನೀವು ನನ್ನ ಬ್ಲಾಗ್ ವಿಸಿಟ್ ಮಾಡಿ ಪ್ರೋತ್ಸಾಹ ನೀಡ್ತಾ ಇರೋದಕ್ಕೂ ಫುಲ್ ಕುಷಿಆಗ್ತಾ ಇದೆ. ಇವತ್ತು ಸ್ವಲ್ಪ ಹಾಗೆ ಏನಾದ್ರೂ ಮಾತಾಡೋಣ ಅಂತ, ಓಕೆ ಅಲ್ವಾ?  ನಂಗೆ ಈ ತಕ್ಷಣಕ್ಕೆ ಒಂದು ಐಡಿಯಾ ಬಂದಿದೆ ಯಾರು ಹೆಚ್ಚಾಗಿ ದೆವ್ವ, ಭೂತ, ಹೀಗೆ ಹೆದರಿಸೋ ಆರ್ಟಿಕಲ್ಲುಗಳನ್ನ ತಮ್ಮ ಬ್ಲಾಗ್ನಲ್ಲಿ ಪಬ್ಲಿಷ್ ಮಾಡಿಲ್ಲ, ಅಥವಾ ನಾನು ನೋಡಿಲ್ಲ. ಸೋ ನಾನು ಯಾಕೆ ಬಾರಿಬಾರ್ದು ಅಲ್ವಾ?

ನಿಮಗೆ ಗೊತ್ತಿದೆ ಎಷ್ಟೊಂದು ದೆವ್ವ ಭೂತ, ಪಿಚಾಚಿಗಳು, ಹಾಗೆ ಅದು ಇದು ಅಂತ ಮೂವೀಸ್ ಬಂದಿದಾವೆ, ಕಥೆಗಳು , ಕಾದಂಬರಿಗಳು, ಹಾಗೆ ಅಲ್ಲಿ ಇಲ್ಲಿ ಕೇಳಿದ್ದು ಎಲ್ಲ ನಮ್ಮ ಕಿವಿಗೂ ಬೀಳ್ತಾ ಇರ್ತವೆ. ಅದರಲ್ಲಿ ಕೆಲವೊಂದು ನಿಮಗಾಗಿ ಇಲ್ಲಿ ಬರೀತಿನಿ…..ಅದಕ್ಕೂ ಮುಂಚೆ ನಮ್ಮೂರಲ್ಲಿ ದೆವ್ವ, ದೈವ, ದಯ್ಯ ಹೀಗೆಲ್ಲಾ ಕರಿತಾರೆ ನಿಮಗೆ ಯಾವತರ ಅನ್ಸುತ್ತೋ ಹಾಗೆ ಓದಿ..

 ಮೊನ್ನೆ ಟಿ‌ವಿ 9 ಲಿ ತೋರಿಸ್ತಾ ಇದ್ರು ಬೆಂಗಳೂರಲ್ಲಿ ಒಂದು 8 ಮಹಡಿ ಬಿಲ್ಡಿಂಗ್ ಇದ್ಯಂತೆ ಅಲ್ಲಿ ಯಾರು ಹೋಗೋಕೆ ಅಗಲ್ವಂತೆ, ಅದು ಏನು ಅಂತ ನೋಡೋಕೆ ಟಿ‌ವಿ 9 ತಂಡ ಹೋದಾಗ ಭಯಾನಕ ಅನುಭವ ಆಯಿತಂತೆ, ಅದನ್ನು ತೋರಿಸ್ತಿದ್ರು ಅದು ರಾತ್ರಿ ಕಣ್ರೀ ಸ್ವಲ್ಪ ಭಯನೆ ಆಯಿತು ನನಗೂ.. ಎನ್ ಕೇಳ್ತೀರಾ ಆಟೋಮೇಟಿಕ್ ಆಗಿ ಮಾಮೂಲಿ ಬಾಗಿಲು ತೆಗೆದುಕೊಳ್ಳುತ್ತೆ, ನಿಮ್ಮ ಹತ್ತಿರದಲ್ಲೇ ನೆರಳುಗಳು ಒಡಿಯಾಡ್ತವೆ, 1ನೇ ಮಹಡಿಗೆ ಹೋದ್ರೆ 4ನೇ ಮಹಡಿಲಿ, ಹಾಗೆ 4ನೇ ದಕ್ಕೆ ಹೋದರೆ 1ನೆದರಲ್ಲಿ ಯಾರೋ ಭಯಾನಕವಾಗಿ ಅಳುತ್ತಿರುವ ಶಭ್ದ, ಮೆಟ್ಟಿಲುಗಳಿಂದ ಯಾರೋ ಇಳಿದುಕೊಂಡು ಹೋಗ್ತಾ ಇರೋ ಸದ್ದು ಕೇಳಿಸುತ್ತೆ ಅಬ್ಬಾ ನೋಡಿ ಸ್ವಲ್ಪ ನೀರಾದೆ….

 ಮತ್ತೆ ಒಂದು ಮನೆ ಇದೆ ನಮ್ಮ ಊರಲ್ಲಿ ಆ ಮನೆಯ ಯಜಮಾನ್ರು ನಮ್ಮ ಅಪ್ಪನ ಹತ್ರ ನಾವು ಚಿಕ್ಕವರಿದ್ದಾಗ ಬಂದು ಹೇಳ್ತಿದ್ರು, ಅವ್ರ ಮನೇಲಿ ಮರದ ತೊಲೆಗಳ ಮೇಲೆ ಯಾರೋ ಕಂಟಿನಿಯಸ್ ಆಗಿ ಗುದ್ದಿದ ಶಭ್ದ ಕೇಳುತ್ತಿತಂತೆ, ಹಾಗೆ ರಾತ್ರಿ ಒಬ್ಬ ಎತ್ತರದ ಮನುಷ್ಯ ದೀಪ ಹಿಡಿದುಕೊಂಡು ಹಾರಿ ಹೋಗ್ತಾ ಇದ್ದಹಾಗೆ, ಗೇಟಿನಬಳಿ ಯಾವುದೋ ಬಿಳಿ ಸೀರೆಯ ಹೆಂಗಸು ನಿಂತು ಅಳುತ್ತಿರುವ ಹಾಗೆ ಕಾಣಿಸ್ತಿತ್ತಂತೆ,

 ಮನೇಲಿ ಮಲಗಿದ್ರೆ ಮೈತುಂಬಾ ಯಾವುದೋ ಒಂದು ಹಾವು ಹರಿದಾಡಿದ ಅನುಭವ ಆಗಿ ಶಾಂತಿ ಮಾಡಿಸಿದ್ದನ್ನ ನೋಡಿದೀನಿ, ಮನೇಲಿ ನೀರು ಅದಾಗಿ ಅದೇ 5 ನಿಮಿಷದಲ್ಲಿ  ಕೆಂಪು ಬಣ್ಣಕ್ಕೆ ತಿರುಗೋದು, ಏನು ಅಡಿಗೆ ಮಾಡಿದ್ರೂ, ಉಪ್ಪು ಹಾಕದೇ ಇದ್ರು, ತಿಂದಾಗ ಅತಿಯಾಗಿ ಉಪ್ಪಾಗಿ ಊಟಾನೇ ಬಿಟ್ಟು ಏಳಬೇಕು ಹಾಗೆ ಆಗ್ತಿತ್ತು ಅಂತ ಹೇಳ್ತೀದ್ರು,  ಅದನ್ನ ನೋಡೋಕೆ ನಮ್ಮ ಕೆಲವು ಗುರುತು ಪರಿಚಯ ಇರೋರು ಹೋಗಿದ್ರೂ ನಾವು ಬಿಡಿ ತುಂಬಾ ದೈರ್ಯವಂತರು ಹಾಗಾಗಿ ಅಂತ ಸಾಹಸ ಮಾಡಲಿಲ್ಲ.

 ಇನ್ನೂ ನಮ್ಮೂರ ಒಬ್ಬರು ಆಟೋ ರಿಕ್ಷಾ ಓಡಿಸ್ತಾರೆ ಅವ್ರು ರಾತ್ರಿ ಬರಬೇಕಾದ್ರೆ ಒಂದು ಅಜ್ಜಿ  ಡ್ರಾಪ್ ಕೇಳಿದ್ಳಂತೆ ಕೂರಿಸಿಕೊಂಡು ಬಂದು ಸ್ವಲ್ಪ ದೂರದ ನಂತರ ಹಿಂತಿರುಗಿ ನೋಡಿದ್ರೆ ಅವಳಿಲ್ಲ!! ಹೆದರಿದ ಆಟೋ ಡ್ರೈವರ್ ಕೃಷ್ಣಪ್ಪ 7 ದಿನ ಜ್ವರದಿಂದ ಹಾಸಿಗೆ ಹಿಡಿದು, ವಿಜೇಂದ್ರ ಡಾಕ್ಟರ್ ಓವರ್ ಡೋಸೇಜ್ ಮಾತ್ರೆ ಕೊಟ್ಟಮೇಲೆ ಸರಿಯಾಗಿದ್ದು.

ಇನ್ನೂ ಒಂದು ಕಡೆ ಅಂತೂ, ದೆವ್ವ ದಿನಾ ಮನೆಮೇಲೆ ಕಲ್ಲು ಎಸಿತಾ ಇತ್ತಂತೆ, ಮತ್ತೆ ಇನ್ನೊಬ್ಬ ಇದಾನೆ ಅವ್ನಿಗೆ ದೆವ್ವ ಬಂದು ಮೈಯೆಲ್ಲಾ ಬ್ಲೇಡ್ ಇಂದ ಕುಯ್ಯಿದಂತಾ ಗಾಯಗಳು, ಮತ್ತೆ ನಮ್ಮೂರಿನ ಅನುಭವಕ್ಕೆ ಬಂದ್ರೆ ಅಲ್ಲಿ ಯವದಾರು ಜಾನುವಾರು ಕಾಡಲ್ಲೆ ಸತ್ತು ಹೋದ್ರೆ , ಕಾಣೆಯಾದ್ರೆ ಅದನ್ನ ರಣ ಹೊಡೆದಿದೆ ಅನ್ನುವ  ಕನ್ಫರ್ಮ್  ಉತ್ತರ ಸಿಗುತ್ತೆ.

 ರಾತ್ರಿ ನೆಡೆದುಕೊಂಡು ಬರ್ತಿದ್ದ ಗೌಡ್ರಿಗೆ ಯಾರೋ ಹಿಂಬದಿಯಿಂದ ಫಾಲೋ ಮಾಡ್ತಿದಾರೆ ಅಂತ ಅನ್ನಿಸಿ ತಿರುಗಿ ನೋಡಿದ್ರೆ ಯಾರು ಇಲ್ಲ!! ಫುಲ್ ಜ್ವರ ಆವೃಗಂತೂ, ಇನ್ನೊ ಒಂದು ಹೆಜ್ಜೆ ಮುಂದೆ ಹೋಗಿ ರಾತ್ರಿ ಕತ್ತಲಲ್ಲಿ ಯಾರೋ ಬಂದಹಾಗೆ, ಅವರ ಗೆಜ್ಜೆ ಸಪ್ಪಳ ಕೇಳೋದು, ಇವರು ನಿಂತರೆ ಗೆಜ್ಜೆನೂ ನಿಲ್ಲುತ್ತೇ, ಹೊರಟರೆ ಮತ್ತೆ ಅದೇ ನಾಗವಲ್ಲಿ ಗೆಜ್ಜೆ…….

 ಇನ್ನೂ ಕೆಲವು ಕಡೆ ದೆವ್ವದ ಬನಗಳು ಇರ್ತವೆ,  ಅದು ಅಲ್ಲಿನ ಹತ್ತಿರದ ಮನೆಗಳಲ್ಲಿನ ಕೆಲವರಿಗೆ ಭಯಾನಕ ತೊಂದರೆಗಳನ್ನು ಕೊಟ್ಟು ಆಮೇಲೆ ಅದಕ್ಕೆ ಒಂದು ದೇವಸ್ಥಾನ ಕಟ್ಟಿದ್ದು ನೋಡಿದೇನೆ. ಆಮೇಲೆ ಅಲ್ಲಿ ಹರಕೆ, ಹಂದಿ, ಕೋಳಿಬಲಿಗಳು ಸಾಮಾನ್ಯ ಬಿಡಿ. ಕಾಡಿನ ಸ್ವಲ್ಪ ದೂರದಲ್ಲಿ ರೋಡ್ ಇರುತ್ತೆ ಅಲ್ಲೇ ಒಂದು ಕಲ್ಲು, ಅದರ ಬಳಿ ರಾತ್ರಿ ನೆಡೆದು ಹೋದರೆ ಜಾರಿ ಬೀಳೋದು, ಉಸಿರುಕಟ್ಟಿದಹಾಗೆ ಆಗೋದು ಇದೆಲ್ಲ ಇದೆ ಕೇಳಿದೀರಾ ಅಲ್ವಾ?

 ಇನ್ನೂ ಬಿಡಿ ವಾಮಚಾರಿಗಳಬಗ್ಗೆ ಹೇಳೋದೇ ಬೇಡ ರವಿಬೇಳೆಗೆರೆಯವರ “ಸರ್ಪ ಸಂಭಂದ” ಓದಿ ಮೂರು ದಿನ ಊಟದ ಖರ್ಚು ಉಳಿಸಿದ ಕೀರ್ತಿ ಅವರಿಗೆ ಸಲ್ಲಬೇಕು, ಅದು ಅಲ್ಲದೆ ವಾಮಾಚಾರಿಗಳಿಗೆ ಫೇಸ್ಬುಕ್  ಅಕೌಂಟ್ ಇದ್ದರೆ ಬರೀ ದೆವ್ವಗಳೆ  ಫ್ರೆಂಡ್ಸ್ ಇರ್ತಾರೆನೋ ಅಲ್ವಾ? ದೆವ್ವಗಳ ಲೈಕು, ಕಾಮೆಂಟು, ವಿಡಿಯೋ, ಅಯ್ಯೋ ಬಿಡಿ ಯಾಕೆ ಅದೆಲ್ಲ ನಮಗೆ…

 ಇನ್ನೂ ನಮ್ಮ ಮನೆ ಹತ್ರ ಒಬ್ಬರಿಗೆ ಯಾರೋ ಯಾವಗ್ಲೂ ಮಾಟ ಮಾಡ್ಸೋದು ಕಣ್ರೀ, ಮಾಟ ಮಾಡಿದ ಸ್ವಲ್ಪ ದಿನದಲ್ಲೆ ಇವರ ಎಮ್ಮೆ, ಇಲ್ಲಾ ದನ ಸತ್ತು ಬೀಳೋದು, ಇವರು ಮತ್ತೆ ಮರು ಮಾಟ ಮಾಡೋಕೆ ಕೇರಳಕ್ಕೆ ಹೋಗೋದು ಇದೆಲ್ಲ ಗುಸು ಗುಸು ಸುದ್ದಿ.

 ಪಂಜುರ್ಲಿ, ಜಟಿಕ, ಊರ ಮಾರಿ, ರಣ, ಕೆಂಬತ್ತ, ಇನ್ನೂ ಏನೇನೋ ಹೆಸರುಗಳು ಇವು ಊರ / ಗ್ರಾಮ ದೇವತೆಗಳು, ಕೆಲವೊಂದು ಮಾತ್ರ ಅದರಲ್ಲಿ ಸ್ವಲ್ಪ ಕುಟುಂಬಗಳಿಗೆ ಮಾತ್ರ ಸೇರಿರ್ತವೆ. ಇದನ್ನ  ದೆವ್ವ ಅಂತೀರಾ, ದೇವರು ಅಂತೀರಾ? ಬೇಡ ಬಿಡಿ ಅವರವರ ನಂಬಿಕೆಗೆ ಬಿಟ್ಟ ವಿಷ್ಯ, ಸುಮ್ನೆ ಯಾಕೆ ವಿವಾದ.

ಇನ್ನೂ ಕೆಲವರಿಗೆ ವಯಕ್ತಿಕವಾಗಿ ದೆವ್ವಗಳ ಕಾಟ, ಮೈಮೇಲೆ ಬರೋದು, ನೋಡೋಕೆ ಹಗಲು ಹೊತ್ತೆ ಭಯಾನಕವಾಗಿ ಕಾಣೋ ವ್ಯಕ್ತಿಗಳು ಇದ್ದಾರೆ ಅವರನ್ನ ಗಣಮಗ ಅಂತ ಕರಿತಾರೆ ನಮ್ಮ ಕಡೆ ಹಾಗೆ “ಅವನಿಗೆ ಗಾಳಿ ಸೋಕಿದೆ ಆಂತಾರೆ, ಇನ್ನೂ ಇಲ್ಲಿ ಭೂತ ಕೋಲ ಅನ್ನುವ ದಕ್ಷಿಣ ಕನ್ನಡದ ವಿಶಿಷ್ಟ ಸಂಪ್ರದಾಯದ ಬಗ್ಗೆ ಬರ್ದಿಲ್ಲ ಯಾಕಂದ್ರೆ ಅದು ಅಲ್ಲಿಯ ಜನರ ನಂಬಿಕೆ ಮತ್ತೆ ಹೆಚ್ಚಾಗಿ ಅವರು ತೊಂದರೆಗಳಲ್ಲಿ ಸಿಲುಕಿದಾಗ ದೇವರಿಗಿಂತ ದೆವ್ವ (ದೈವ)ಗಳಿಗೆ ಮೊರೆ ಹೋಗ್ತಾರೆ ಅಂತ ನಂಬಿಕೆ ಬಗ್ಗೆ ಹೇಳೋದು ಬೇಡ ಅನ್ನಿಸ್ತಿದೆ ಅದು ದಕ್ಷಿಣ ಕನ್ನಡದವರ ಅನುಭವಗಳನ್ನ ಕೇಳಿದ್ರೆ ಒಂದು ಗ್ರಂಥನೇ ಬರಿಬೋದು…..

ನಾವು ಚಿಕ್ಕವರಿದ್ದಾಗ ಪ್ಯಾರಳೆ ಮರ ಹತ್ತಿ ಅಲ್ಲಿನ ಕಾಯಿಗಳನ್ನ ತಿನ್ನೋ ಅಭ್ಯಾಸ, ಅಲ್ಲಿ ಅಪರೂಪಕ್ಕೆ ನಮ್ಮ ಕಣ್ಣಿಗೆ ಕಾಣದ ಒಂದು ಹಣ್ಣು ಇದ್ದು ಅದನ್ನ ಹಕ್ಕಿಗಳು ಅರ್ಧ ತಿಂದಿದ್ದದ್ದನ್ನ ನಾವು ಮನೆಗೆ ತಂದರೆ ಕಥೆ ಮುಗೀತು ಅಮ್ಮ ಫುಲ್ ಹೆದುರ್ಸ್ತಿದ್ರು ಅದು ದೆವ್ವ ತಿಂದಿರೋ ಹಣ್ಣು, ತಿನ್ನಬೇಡ ಅಂತ!! ಇನ್ನೂ ಮರಹತ್ತಿ ಬಿದ್ದರೆ ಅಂತೂ ದೆವ್ವದ ಕಾಟ ಇತ್ತು ಸೋ ಅದು ಎಳೆದು ಕೆಳಗಡೆ ಹಾಕಿ ಸರಿಯಾಗಿ ಏಟು ಮಾಡಿದೆ ಅಂತ ಮಂತ್ರ, ತಂತ್ರ, ತಾಯತ, ಎಲ್ಲ ನಮ್ಮ ಹಣೆ, ಕುತ್ತಿಗೆಗಳನ್ನ ಆವರಿಸ್ತಿದ್ವು.

ದೆವ್ವಗಳನ್ನ ಎದಿರು ಹಾಕ್ಕೊಂಡ್ರೆ ಅದಕ್ಕೂ ಭಲವಾದ ಶಿಕ್ಷೆ ಇದೆ ಅಂತ ಜನ ನಂಬುತ್ತಾರೆ, ರಕ್ತ ಕಾರಿ ಸಾಯಿತಾರೆ, ಅನ್ನ ನೀರು ಕೊಡಿಯೋಕೆ ಆಗ್ದೆ ಸಾವು, ಕಾಡಿಗೆ ಹೋದಾಗ ಹೊಡೆದು ಹಾಕುತ್ತೆ, ಮನೆ ಜಾನುವಾರುಗಳು ಮಟ್ಯಾಷ್!! ಹೀಗೆ ಇನ್ನೂ ಏನೇನೋ.ಅದಕ್ಕೆ ನಂಗೆ ಅನ್ನಿಸೋದು ನಮ್ಮ  ರಾಜಕಾರಣಿಗಳು ಇತ್ತೀಚೆಗೆ ಆಣೆ ಭಾಷೆ ಶುರುಮಾಡಿದ್ದರಲ್ಲ ದೇವರ ಬಳಿ ಮಾಡ್ಸೋದಕ್ಕಿಂತ ದೆವ್ವಗಳ ಬಳಿ ಮಾಡ್ಲಿ, ಸಕತ್ ಶಿಕ್ಷೆ!! ಒಟ್ಟಿಗೆ ಆಣೆ ಮಾಡಿದ ಎರಡೂ ಪಾರ್ಟಿಗಳು ನೆಗದು ಬಿದ್ದು ಹೋಗ್ಲಿ ಎನಂತೀರ?

 ನೀವು “ನಾಳೆ ಬಾ” ದೆವ್ವದ ಬಗ್ಗೆ ಕೇಳಿದೀರಾ? ನಾನು ಸಣ್ಣವನಿರುವಾಗ ಕೆಲವು ಸೈಟ್ ಮನೆಗಳ ಬಾಗಿಲುಗಳ ಮೇಲೆ ಇದನ್ನ ಬರೆದಿರ್ತಿದ್ರು, ದೆವ್ವ ಬಂದ್ರೆ ಅದಕ್ಕೆ ಕನ್ನಡ ಓದೊಕೆ ಬರುತ್ತಾ? ಎಜುಕಟೆಡ್ ದೆವ್ವಗಳು ಇದಾವ ? ಅಥವಾ ಈ ಸರ್ಕಾರಿ ಅಧಿಕಾರಿಗಳು ಸತ್ತು ಹೀಗೆ ದೆವ್ವಗಳಾಗಿದ್ದಾರಾ? ಇದೆಲ್ಲ ಉತ್ತರ ಸಿಗದ ಪ್ರಶ್ನೆಗಳು. ಹೋಗ್ಲಿ ಸಧ್ಯ ದೆವ್ವ ಬಂದ್ರೆ ಓಕೆ. ಮನೇಲಿ ಯಾರು ಇಲ್ಲದಿದ್ದಾಗ ನೆಂಟರೊಬ್ಬರು ಬಂದ್ರೆ ಅವರ ಕಥೆ ಏನು? ಬಾಗಿಲು ನೋಡಿ ನಾಳೆ ಬಾ…?!!!

 ಇನ್ನೂ ಮಜಾ ಏನು ಗೊತ್ತ ನಮ್ಮ ಊರಲ್ಲಿ ಹಳೆಯಕಾಲದಲ್ಲಿ ಎತ್ತಿನ ಗಾಡಿಗಳು ಇದ್ವು, ಈಗ ಇಲ್ಲ ಬಿಡಿ, ಆವಾಗ ಅಪ್ಪ ಮತ್ತೆ ಮಗ  ಅಮಾವಾಸ್ಯೆಯ ರಾತ್ರಿಯಲ್ಲಿ ಗಾಡಿ ಹೊಡ್ಕೊ0ಡು ಮನೆಗೆ ಬರುವಾಗ ಹಿಂದಿನಿಂದ ಯಾವುದೋ ನೆರಳು ಡ್ಯಾನ್ಸ್ ಮಾಡಿದಹಾಗೆ ಕಾಣಿಸ್ತಾ ಇತ್ತಂತೆ, ಅಪ್ಪ ಹೌಹಾರಿ ಹೋದ, ಆದರೆ ಸ್ವಲ್ಪ ಬುದ್ಧಿವಂತನಾದ ಮಗ ಗಾಡಿ ನಿಲ್ಲಿಸಲು ಹೇಳಿ ಸರಿಯಾಗಿ ನೋಡಿದ್ರೆ ಗಾಡಿಗೆ ಕಟ್ಟಿದ ಲಾಟೀನ್ ದೀಪದ ಬೆಳಕು ನೆರಳಿನ ಆಟ ಅಂತ ಗೊತ್ತಾಯಿತು!!

 ದೇವಸ್ಥಾನಗಳು ಎಷ್ಟು ಇದಾವೋ ಅದರ ಅರ್ಧದಷ್ಟು ದೆವ್ವಗಳ ಅಂದರೆ ದೈವಗಳ ಗುಡಿ ಬನಗಳೂ ಇವೆ ಅಲ್ವಾ? ದೇವರು ಅನ್ನುವ ಆಪಥ್ಬಾಂದವನ ನಡುವೆಯೇ ಇಂತ ದೆವ್ವಗಳು ನೀಡುವ ಶೀಘ್ರ ಪರಿಹಾರದ ನಂಬಿಕೆಇಂದಾಗಿಯೇ ಹೆಚ್ಚಿನ ಅಸ್ತಿತ್ವಕ್ಕೆ ಕಾರಣನೆನೋ ಅಲ್ವಾ? ಹಾಗೆ ಇವುಗಳ ಹೆಸರು ಬಳಸಿ ಮೋಸ ಮಾಡುವ, ಹೆದರಿಸಿ ದುಡ್ಡು ಮಾಡುವ ಕ್ಷುದ್ರ ಮನಸ್ಸುಗಳು ಇದ್ದವೇ ಅನ್ನೋದು ವಿಪರ್ಯಾಸ..

 ದೇವರು, ದೈವ, ದೆವ್ವ, ಇವುಗಳ ಇರುವಿಕೆಯ ಹುಡುಕಾದಲ್ಲಿ, ಈ ವಿಸ್ಮಯಗಳು, ವಿಚಿತ್ರಗಳ ನಡುವೆ ಕಾಡುವ ಒಂದೇ ಒಂದು ಪ್ರಶ್ನೆ ಹೀಗೂ ಊಂಟೇ?” (ಟಿ‌ವಿ 9 ನಾರಾಯಣ ಸ್ವಾಮಿ ಸ್ಟೈಲ್ ಅಲ್ಲಿ ಓದಿ ಮಜಾ ಬರುತ್ತೆ )ಅದೇನೇ ಇರಲಿ ಇದೆಲ್ಲ ನಾನು ಕೇಳಿದ ಸುದ್ದಿಗಳು ಅಷ್ಟೇ, ತುಂಬಾ ಸೀರಿಯಸ್ ಆಗಿ ಓದಿ ತಲೆ ಕೆಡಿಸಿಕೊಳ್ಳಬೇಡಿ, ಹಾಗೆ ನಿಮಗೆ ಕೇಳಿರೋ ಗಾಳಿ ಸುದ್ದಿ , ಇಂತ ಕಥೆಗಳು ಇದ್ರೆ ನಂಗೂ ಹೇಳಿ ನಮ್ಮ ಮ್ಯಾನೇಜರ್ ಯಾಕೋ ಸಂಬಳ ಜಾಸ್ತಿ ಮಾಡ್ತಿಲ್ಲ ಅವ್ನಿಗೆ ಈ ಕಥೆ ಹೇಳಿ ಹೆದರಿಸಿ ಕೆಲ್ಸ ಮಾಡ್ಕೊಳ್ಳೋ ಕೊನೆ ಪ್ರಯತ್ನ ಮಾಡ್ತೀನಿ….ಬರ್ಲಾ..?

2 ಪಾಸು 3

ಏಪ್ರಿಲ್ 17, 2010

ಸ್ನೆಹಿತರೇ ಎಷ್ಟು ಚೆಂದ ಇತ್ತು ಅಲ್ವಾ ನಮ್ಮ ಬಾಲ್ಯ? ಆ ಸ್ಕೂಲ್ ದಿನಗಳು!!! ಬನ್ನಿ ಒಮ್ಮೆ ನೆನಪುಗಳ ಅಂಗಳದಲ್ಲಿ ಇರುವ ಆ ಸುಂದರ ಹೂವುಗಳನ್ನೊಮ್ಮೆ ಮಾತಡಿಸಿಕೊಂಡು ಬರೋಣ…..

ಮೊದ್ಲು ಸ್ಕೂಲಿಗೆ ಅಪ್ಪ ಸೇರಿಸ್ತರೆ ಅನ್ನೊದೆ ಒಂದು ಸಂಬ್ರಮ ಅವತ್ತೆಲ್ಲಾ, ಮತ್ತೆ ಜುನ್ 1 ನೇ ತಾರಿಕಿಂದ ಶಾಲೆಗೆ ಹೊಗ್ಬೇಕು, ಮೇಷ್ಟ್ರು ತುಂಬಾ ಜೊರು, ತಪ್ಪು ಉತ್ತರ ಹೇಳಿದ್ರೆ ಪೆಟ್ಟು ಬಿಡ್ತರಂತೆ, ಅವತ್ತು ಅವ್ನಿಗೆ ಒಂಟಿಕಾಲಲ್ಲಿ ನಿಲ್ಸಿದ್ರಂತೆ ಇಡೀ ದಿನ…..ಹೀಗೆಲ್ಲ ಸುದ್ದಿ ನಡುವೆ ಭಯ, ಹೊಸ ಪುಸ್ತಕ,ಸ್ಲೇಟು, ಬಳಪ ಬ್ಯಾಗು ಎಲ್ಲಾ ಬಂದಿದೆ ಅಂತ ಒಂದು ಕುಷಿ ಮಧ್ಯದಲ್ಲಿ.

ಹಾಗೆ ಶುರುವಾಗುತ್ತೆ ಅಲ್ವಾ ನಮ್ಮೆಲ್ಲರ ಜೀವನ? ಶಾಲೆಇಂದ ಮನೆಗೆ ಕರ್ಕೊಂಡು ಹೊಗೊಕೆ ಅಮ್ಮ ಬಂದಿಲ್ಲ ಅಂತ ಅಲ್ಲೆ ಮೆಟ್ಟಿಲು ಗಳಮೇಲೆ ಕೂತು ಅತ್ತಿದ್ದು ಅದನ್ನ ನೋಡಿ ಒಬ್ಬಳು ನನ್ನ ಕಣ್ಣೀರು ಒರೆಸಿ ಸಮದಾನ ಮಾಡಿದ್ಲಲ್ಲಾ ಅವ್ಳೆ ನನ್ನ ಬೆಸ್ಟ್ ಫ್ರೆಂಡು, ಅಮೇಲೆ ಮನೆಗೆ ಹೊಗಿ ಅಮ್ಮಂಗೆ ಬೈದಿದ್ದು, ದಿನಾ ಶಾಲೆ ಮುಗ್ಯೊದೆ ತಡ, ಬ್ಯಾಗ್ ಬಿಸಾಕಿ ಆಟ ಆಡೊಕೆ ಹೊಗೊದು,ಮರುದಿನ ಮತ್ತೆ ಬೇಗ ಬೇಗ ಶಾಲೆಗೆ ಹೋಗಿ ಹೊಂವರ್ಕ್ ಕಾಪಿ ಮಾಡಿ ಬರ್ದು ತೊರಿಸೊದು, ಪ್ರತಿದಿನಕ್ಕೊಂದು ಬಳಪ, ಪೆನ್ಸಿಲ್ ಕಳೆದುಕೊಂಡಾಗಲೆಲ್ಲಾ ಅಮ್ಮ ಕಿವಿ ಹಿಂಡಿದ್ದು ಇದೆಲ್ಲಾ ಎಷ್ಟು ಚೆಂದ ನೆನಪಿದೆ ಅಲ್ವ? ಹಾಗೆ ತುಂಬ ಹೆಚ್ಚು ಮರ್ಕ್ಸ್ ಬಂದಿದ್ದಕ್ಕೆ ಗೆದ್ದ ಕಾರ್ಡ್ ಬೋರ್ಡ್, ಅದನ್ನ ಮನೆಗೆತಂದು ಒಳ್ಳೆ ಬಾರತರತ್ನ ಅವಾರ್ಡ್ ತರ ಎಲ್ಲರಿಗೂ ತೊರ್ಸೊದು, ನಂಗೆ ಅದುಬಂದಿಲ್ಲ ಅಂತ ಆ ಹುಡ್ಗಿ ನನ್ನ ನೋಡಿದಾಗಲೆಲ್ಲಾ ಮೂತಿ ತಿರಿಗಿಸೋದು.. “ನಿಜ್ಜ ಅಂದ್ರೆ ನಂಗೇ ಅದು ಸಿಗ್ಬೇಕಿತ್ತು ಆದ್ರೆ ಮೇಷ್ಟ್ರು ನಂಗೆ ಮೋಸಮಾಡಿದಾರೆ” ಅಂತ ಹೇಳೊದು…ಶನಿವಾರ ಬಂತುಅಂದ್ರೆ ಮರಕೋತಿ ಆಟ, ಇಲ್ಲಾಂದ್ರೆ ಲಗೋರಿ, ಅಮೇಲೆ ಕ್ರಿಕೆಟ್ಟು ಅದೇ ಗೌಡ್ರ ಗದ್ದೆ ಬಯಲಲ್ಲಿ..ಸುಪರ್ ಆಗಿತ್ತು .

ನಾಲ್ಕನೇ ಕ್ಲಾಸಲ್ಲಿ ಎಲ್ಲರೂ ಟೂರ್ ಹೋಗ್ತರೆ ನಾನು ಹೋಗ್ಬೆಕು ನಂಗೆ 150 ರುಪಾಯಿ ಬೇಕು ಅಂತ ಒಂದು ದಿನ ಊಟ ಬಿಟ್ಟಿದ್ದು ಅಮೇಲೆ ಅಪ್ಪ ಅಮ್ಮನ್ನ ಒಪ್ಪಿಸಿ 2 ದಿನ ಮಂಗಳೂರು, ಮುರುಡೇಶ್ವರ ಅಂತ ಸುತ್ತಾಡಿದ್ದು ಅದ್ರ ಫೋಟೊಗಳನ್ನು ಎಲ್ಲ್ರಿಗೂ ತೊರ್ಸಿ ಪೊಸ್ ಕೊಟ್ಟಿದ್ದು ………….ನೆನಪಿದೆ ಇನ್ನೂ!!

5 ನೇಕ್ಲಾಸಿಗೆ ಸುಮಾರು 8 ಕಿಲೊಮೀಟರ್ ದೂರದಲ್ಲಿರೋ ಶಾಲೆಗೆ ಸೇರಿಕೊಂಡ ಸಂಭ್ರಮ…ದಿನಾ 1 ಘಂಟೆ ನೆಡೆದೇ ಹೊಗ್ಬೇಕಿತ್ತು…ಆದ್ರು ಬೇಜಾರಿಲ್ಲ ಹೊಸ ಫ್ರೆಂಡ್ಸು.ಹೊಸ ಟೀಚರ್ ಸುಪರ್ ಅಷ್ಟೆ.ಎಷ್ಟೊಂದು ಜನ ಹೊಸ ಫ್ರೆಂಡ್ಸು, ದಿನ ಊಟದ ಬಾಕ್ಸ್ ಶೇರ್ ಮಾಡ್ಕೊತಿದ್ವಿ.ಎಷ್ಟು ಒಳ್ಳೆಯವರು ಗೊತ್ತ ಅವ್ರೆಲ್ಲಾ..ನಮ್ದು ಒಂದು ಗ್ರೂಪು ಅದರಲ್ಲಿ ೬ ರಿಂದ ೮ ಜನ ಎಲ್ಲಿಗೆ ಹೋದ್ರು ಒಟ್ಟಿಗೇ. ಉದಾಹರಣೆಗೆ ಸಾಲಾಗಿ ನಿಂತಿದ್ದು ನೆನಪು ಮಾಡಿಕೊಳ್ಳಿ ದಿನಾ ಉಚ್ಚೆ ಹುಯ್ಯೊಕೆ ಬಿಟ್ಟಾಗ..ಒಂದೇತರದ್ದು ಜಾಮಿಟ್ರಿ ಬಾಕ್ಸು ಎಲ್ಲರದ್ದೂ, ಒಂದೇ ತರದ್ದು ಸೈಕಲ್ಲು, ಕೊಡೆ ಕೊನೆಹೊತ್ತಿಗೆ ಚಪ್ಪಲಿ ಕೂಡ!!!

ಎಲ್ಲರೂ ಒಂದ್ಸಲ ಒಟ್ಟಿಗೆ ಬೆಸಿಗೆಲಿ ತುಂಗಾ ನದಿಲಿ ಸ್ನಾನ ಮಡೊಕೆ ಹೊಗಿದ್ದು ,ಮನೆಲಿ ಹೆಳ್ದೇ…ಅವ್ನ ಪೆನ್ನು ನಾನು ನನ್ನ ಜಾಮಿಟ್ರಿ ಬಾಕ್ಸು ಅವ್ನು ಎಕ್ಸಚೇಂಜ್ ಮಾಡಿಕೊಂಡಿದ್ದು, ೧೫ ರುಪಾಯಿ ಜೆಟ್ಟರ್ ಪೆನ್ನು ಕಳ್ಕೊಂಡಗ ಕದ್ದು ಅತ್ತಿದ್ದು, ಹೊಟ್ಟೆ ನೋವಿಲ್ಲ ಅಂದ್ರು ಅಮ್ಮನ ಹತ್ರ ಸುಳ್ಳು ಹೇಳಿ ಶಾಲೆಗೆ ರಜ ಹಾಕಿದ್ದು, ಮಾರ್ಕ್ ಕಾರ್ಡಿಗೆ ಅಪ್ಪನ ಕನ್ನಡಕ ಕದ್ದಿಟ್ಟು ಸೈನ್ ಹಾಕಿಸ್ಕೊತಿದ್ದಿದ್ದು ಸಕ್ಕತ್ ನೆನಪುಗಳು.ಎಷ್ಟೋಂದಿನ ಹೊಂವರ್ಕ್ ಮಾಡಿಲ್ಲ ಅಂತ ಮೇಷ್ಟ್ರ ಹತ್ತ್ರೆ ಪೆಟ್ಟು ತಿಂದು ಬಿಟ್ವಿ. ಹೋಮ್ವರ್ಕ್ ಬರ್ದೀದಿನಿ ತಂದಿಲ್ಲ ಅಂತ ಮಧ್ಯದಲ್ಲಿ ಸಮಜಾಯಿಷಿ ಕೊಟ್ಟು ಒಳ್ಳೆ ಹುಡ್ಗ ಆಗೋಕೆ ನೊಡಿದ್ವಿ.

ಹೈಸ್ಕೂಲಿಗೆ ಇನ್ನೂ 3 ಕಿಲೋಮೀಟರ್ ಹೆಚ್ಚು ನಡೀಬೇಕು ಅದ್ರೆ ಅದೇ ಹೈಸ್ಕೂಲು ಚೆನ್ನಗಿರೋದು ಅಂತ ಮನೆಲಿ ನಮ್ಮ ಗ್ರೂಪಿನ ಎಲ್ಲ ಸ್ನೆಹಿತರೂ ಒಪ್ಪಿಸತಕ್ಕದ್ದು ಅಂತ ಎಲ್ಲರೂ ಮಾತಾಡಿಕೊಂಡು ಕೊನೆಗೆ ಅಲ್ಲಿಗೆ ಸೇರಿದ್ವಿ 5 ದೂ ಜನ ಒಟ್ಟಿಗೇ ಒಂದೇ ಬೆಂಚಲ್ಲಿ ಕೂರ್ಬೇಕು ಅಂತ ಎಷ್ಟೆಲ್ಲಾ ಹೋರಾಟ ಮಾಡ್ತಿದ್ವಿ. ಹೈಸ್ಕೂಲಲ್ಲಿ ಸಣ್ಣಕೆ ಲೈನ್ ಹೊಡ್ದಿದ್ದು ಆ ಬಿಳಿಯ ಹುಡುಗಿಗೆ, ಅದು ಒಬ್ಬರಿಂದ ಒಬ್ಬರಿಗೆ ಗೊತ್ತಾಗಿ ಗುಸು ಗುಸು, ಮಜಾ ಇತ್ತು ಆ ಅನುಭವ. ಶನಿವಾರ ಡ್ರಿಲ್ ಮಾಡ್ಬೇಕಾದ್ರೆ ತಪ್ಪಿಸಿಕೊಳ್ಳೊಕೆ ಸುಮ್ಮನೆ ತಲೆ ತಿರುಗಿಬಿದ್ದಹಾಂಗೆ ಮಾಡೊದು ಅಮೇಲೆ ಕ್ಲಾಸ್ ರೂಮಲ್ಲಿ ಹರಟೆ ಹೊಡಿಯೊದು. ಮೇಷ್ಟ್ರ ಹತ್ರ ಹೇಳ್ತಿನಿ ಅಂತ ಕ್ಲಾಸ್ ಲೀಡರ್ ನಮ್ಮ ಹೆಸ್ರು ಬೊರ್ಡ್ ಮೇಲೆ ಬರ್ದ್ರೆ ಅವನಮೇಲೆ ಯುದ್ದ ಸಾರಿದ್ದು ನೆನಪಾಗಿ ನಗು ಬರುತ್ತೆ . ಮೇಷ್ಟ್ರಿಗೇ ಗೊತ್ತಿಲ್ಲದ ಹಾಗೆ ಪುಸ್ತಕ ನೊಡಿಕೊಂಡೇ ಉತ್ತರ ಹೇಳಿದ್ದು ನಿಜ ತಾನೆ?ಯುನಿಟ್ ಟೆಸ್ಟ್ ಗಳಲ್ಲಿ ಸಕತ್ ಕಾಪಿ ಹೊಡ್ದಿದ್ದು ಸತ್ಯ ಅಂತ ಒಪ್ಪಲೇ ಬೇಕು.

ಅದ್ರೆ ಪ್ರತೀ ಸ್ಕೂಲಿನ ಹಂತವನ್ನ ಬಿಟ್ಟು ಮುಂದೆ ಹೊಗುವಾಗಲೂ ಎಷ್ಟೊಂದು ಜನ ಫ್ರೆಂಡ್ಸ್ ನ ಕೈ ಬಿಟ್ಟಿದಿವಿ, ಒಬ್ಬಬ್ಬರು ಒಂದೊಂದು ದಿಕ್ಕು ಇವತ್ತು, ಅದ್ರೆ ಹಾಗೆ ವಿದಾಯ ಹೇಳೊವಾಗ ನಮಗೆ ಅಗಿರೊ ನೊವು ಮರ್ಯೊಕೆ ಅಗಲ್ಲ ಅನ್ಸುತ್ತೆ. ಆ ನೆನಪುಗಳನ್ನ ಹಂಚಿಕೊಳ್ಳೊಕೆ ನನ್ನ ಹತ್ರ ಪದಗಳಿಲ್ಲ ಅನ್ನಿಸಿಬಿಡುತ್ತೆ. ಮತ್ತೊಮ್ಮೆ ಅದೇ ಬಾಲ್ಯ ವಾಪಾಸ್ ಬಂದಿದ್ದರೆ….

ಕಾಲೇಜು ನೆನಪುಗಳನ್ನೂ ಹಂಚಿಕೊಳ್ಳೊ ಮನಸ್ಸು ನನಗಿದೆ ಆದ್ರೆ ಯಾಕೊ ಕೈಬಿಟ್ಟು ಹೋದ ಚಡ್ಡಿ ದೊಸ್ತ್ ಗಳು ಇವತ್ತು ತುಂಬ ನೆನಪಾಗ್ತಿದಾರೆ ಅವರಿಗಾಗಿ ಕಾದಿದ್ದ ನನ್ನ ಕಣ್ಣ ಹನಿಗಳು ಒತ್ತರಿಸಿಕೊಂಡು ಬರ್ತಿದೆ……….ಮತ್ತೆ ಬರ್ತೀನಿ ಅದನ್ನ ಹೇಳೊಕೆ………

ನಮ್ಮೂರ್ ಬಾಷಿ!!!

ಮಾರ್ಚ್ 10, 2010

ಹೋಯ್ ನಮಸ್ಕಾರ ಕಂಡ್ರಿ!! ಹ್ಯಾಂಗಿದ್ರಿ….ಸುಮಾರ್ ದಿನ ಅಗಿತ್ತಲ್ಲಾ ನಿಮ್ಜೊತೆ ಮಾತಾಡಿ, ಅದುಕ್ಕೆ ಚೂರ್ ಹೊತ್ತು ಮಾತಾಡನ ಅಂತ ಬಂದೆ……ನೀವ್ ಎಂತ ಮಾಡ್ತಿದ್ರಿ? ಚೆನ್ನಾಗಿದ್ರ್ಯಾ?

ಈ ಕಾಲ್ ನಾವೆಲ್ಲ ಬದುಕ್ ಮಾಡ್ದ್ಂಗೆ ಬಿಡಿ…ತೋಟುದ್ ಬದಿ ಹೊದ್ರೆ ತಟ..ತಟಾ ಅಂತ ಸಬ್ದ ಬತ್ತಾ ಅದೆ ..ಎಂತ ಅಂತ ಮಾಡಿರಿ? ಅಡ್ಕಿ ಕಾಯ್ ಕೊಳ್ತು ಉದ್ರಿ ಹೋಗುದು!! ..ನಮ್ಮ ಚಿಕ್ಕಯ್ಯಂದು  ತ್ವಾಟ ಪೂರ ಹೋತೆ? ಅದೇನ್ ಇನ್ನ್ ನೋಡುದ್ಬ್ಯಾಡೆ…..ಈ ಕಡೆ ಪೂರ ತುಂಡೆ ರ್ವಾಗ್ ಬಂದು ಪೂರ ಬುಡಮುಟ್ಟ ಬಂದದೆ …..

ಗ್ಯದ್ದೆ ನೊಡುದ್ರೆ ಬ್ಯಾಸಿಗೆಲೂ ಈ ಕಾಲ್ ಮಳೆ ಬಂದು, ಒಕ್ಕಲಾಟ ಮಾಡುಕ್ಕೆ ಆಗ್ದೆ  ಪೂರ ಮುಗ್ಗಿ ಹೊಗ್ಯದೆ…ಎಂತ ಮಾಡುದೇನು…ಇಲ್ಲಿ ಹುಡುಗಣ್ಣ ಗೊಳ್ ಎಲ್ಲರೂ ಬ್ಯಂಗಳೂರ್ ಕಡಿ  ಹೋಗಿ ಕೆಲ್ಸ ಹುಡ್ಕುಂಡರೆ? ಇಲ್ಲಿ ಕೆಲ್ಸ ಮಾಡೊರ್ ಯಾರ್? ಜನನೇ ಸಿಗುಲ್ಲ ಕಣ್ರಿ..ಇಲ್ಲಿ ಕೆಲ್ಸುಕ್ಕೆ!!. ನಾವು ಅತ್ಲಗೆ ಬ್ಯಂಗಳೂರ್ ಕಡೆ ಬಂದು ಬಿಡನ ಅಂದ್ರೆ ಅಲ್ಲಿಗೆ ಬರುಕ್ಕೆ ಹೆದ್ರಿಕಿ ಅತದೆ ಮರ್ರೆ!! ಮನ್ನಿ ನೊಡಿ…ಯಾದೋ ದಿಂಡೇ ಬಿಲ್ಡಿಂಗಿಗೆ ಬೆಂಕಿ ಬಿದ್ದು ಎಳೆಂಟು ಜನ ಸತ್ತೇ ಹೊಗ್ಯರೆ ….ಟಿವಿ ಲಿ ನೋಡ್ಬಕಾಗಿತ್ತು  ನೀವು..ಬಿಲ್ಡಿಂಗಿಂದ ಹ್ಯರ್ಗಡಿ ಹಾರಿ ಪ್ರಾಣ ಬಿಟ್ಟರೆ ನೊಡಿ…..ಅಲ್ಲಿ ಎಂತಾಗ್ಯದೆ ಗೊತ್ತಾ ನಿಮ್ಗೆ? ಯಾರೊ ಹಡ್ಬಿ ನನ್ನ್ ಮಗ ಬೀಡಿ ಸೇದಿ ಹಾಕ್ಯನೆ…ಅದು ಬಿಂಕಿ ಕಿಡಿ ಅಲ್ಲಾ? ಪೂರ …ಬಿಲ್ಡಿಂಗಿಗೂ ಹಿಡ್ಕುಂಡದೆ.. ನೋಡಿ ನಮ್ ಕಡಿ ಹುಲ್ಲ್ ಕುತ್ರಿಗೆ ಬೆಂಕಿಬಿದ್ರೆ ಉಳಿತದಾ ಹಾಂಗೆಯಾ…ಅಲ್ಲಾ?

ಇದ್ರು ಮದ್ಯದಗ …ಈ ದುಡ್ಡಿಲ್ದ್ ಹೊತ್ತಲ್ಲಿ ನಮ್ಮ್ ಮನಿಯೋಳ್ ..ಸಂಕುದಿಂದ ಜಾರಿ ಬಿದ್ದು ಮನ್ನಿ ಸೊಂಟ ಮುರ್ಕುಂಡಳೆ ಕಂಡ್ರಿ..ಟಿಬಿ ಹಾಸ್ಪತ್ರಿಗೆ ತ್ವಾರ್ಸುದ್ರೆ ಇಲ್ಲಿ ಆಗುದೇ ಇಲ್ಲ ಮಣಿಪಾಲಿಗೆ ಕರ್ಕು ಹೋಗಿ ಅನ್ನುದೇಂನ್ರಿ? ಎಲ್ಲಿಗೆ ಮಣಿಪಾಲಿಗೆ ಕರ್ಕು ಹೋಗುದು? ದುಡ್ಡು ಸ್ವಲ್ಪ ಬೇಕೆಂಡ್ರಿ? ಅದುಕ್ಕೆ ಚಿಣ್ಮಿಣಿಕಿಗೆ  ಕರ್ಕು ಹೋಗುದು ಅಂತ ತೀರ್ಮಾನ ಮಾಡಿನಿ ನೋಡಿ…ಅಲ್ಲಿ ಬಾರಿ ನಾಟಿ ಅವ್ಸಿದಿ ಕೊಡ್ತರಂತಲ….

ನಮ್ಮ ಮಗುಗೆ ಓಂದು  ಮೊಬಿಲ್ ಆಬಾಕಂತೆ …ಅದು ಈಗ್ಲೆ ಆಬಕು ಇಲ್ಲ ಅಂದ್ರೆ ನಾನ್ ಕಾಲೇಜಿಗೇ ಹೋಗುದ್ಲ  ಅಪ್ಪಯ್ಯ ಅಂತ ಕೂತನೆ.. ಅದು ಜಾಸ್ತಿ ರೇಟಿಂದೆ ಅಬಕಂತೆ!!!!! ನಮ್ ಕಾಲ್ದಲ್ಲಿ ಹೀಂಗೆಲ್ಲ ಇತ್ತೆಂಡ್ರಿ? ಪೋನು ಅಂದ್ರೇ ಯಂತದ್ ಅಂತ ನಮುಗ್ ಗೊತ್ತೇ ಈರ್ಲಾ. ಕಾಲಿಗ್ ಹಾಕು ಯಕ್ಕಡ ಕೇಂಡ್ರೆ…. ಅಪ್ಪಯ್ಯ ಬ್ಯರ್ಸುಗುಂಡು ಬತ್ತುತ್ತು.

ನೋಡಿ ನನ್ ಸಮಸ್ಸಿ ಹೇಳ್ಕುಂಡು ಕೂತ್ಗುಂಡಿನಿ… ಬಂದುದ್ದೆ ಯಂತಕ್ಕೆ ಅಂತ ಮರ್ತೇ ಹೋಗ್ಯದೆ…ಹೊಗಿಸೋಪ್ಪ್ ಅದ್ಯ? ಮೊನ್ನಿ ದೊಡ್ಡಾನಿ ಲಿ ತಂದುದ್ದು ಮರ್ರೆ ಕಂಯಾ ಕಂಯ ಕಣ್ರಿ…ನಿಮ್ಮತ್ರೆ ಆದ್ರೆ ಅಡ್ಡ್ಗದ್ದೆ ಸಾಬ್ರು ಅಂಗ್ಡಿ ದ್ ತಂದಿದ್ದ್ ಈರ್ತದಲ್ಲಾ ಅದುಕ್ಕೆ ಕೇಳ್ಕ್ಯುಂಡು ಹೋಗಣ ಅಂತ ಬಂದೆ ….ಆದ್ಯಾ? ಇದ್ರೇ ಚೂರ್ ಕೋಡಿ ಮಾರ್ರೆ ಅಮ್ಯಾಲೆ ತಂದು ಕೊಡನಾ….

ಎವಾಗ್ ಬಂದಾಗ್ಲೂ ನಾನ್ ವಟ ವಟ ಅನ್ನೂದೆ ಆಗ್ಯದೆ…ನೀವು ಯಂತಾರು ಮಾತಡ್ರಿ.. ಇಲ್ಲಿ ಕೆಳ್ಗಡಿ  ಕಮಿಂಟು ಅಂತ ಬರಿಕೆ ಅತದಂತಲ್ಲ…ಬರಿರಿ ಅತಾ? ನಾನ್ ಹೋಯ್ ಬತ್ತಿನಿ …ಮರ್ರೆ ಲೇಟಾಗ್ಯದೆ…ಮನಿಯೋಳ್ ಕಾಯ್ತಾ ಅದಾಳೇನು..

ನಾನು ಯಾರುನ್ನು ಹಂಗ್ರಣಿ ಮಾಡುಕೆ ಇಲ್ಲಿ ಬರ್ದಿಲ್ಲ ಬೇಜಾರ್ ಅಗಿಲ್ಲಾ ಅಲ್ಲಾ? ಅದೂ ಅಲ್ದೆ ನಮ್ಮ್ ಊರಿನ ಬಾಷಾ ಶ್ಯೆಲಿ ಯನ್ನ ಪರಿಚಯ ಮಾಡ್ದೇ ಇದ್ರೆ ಹೇಗೆ?….ಬರ್ಲಾ?…..

ಸಂಬಂಧ!!!!

ನವೆಂಬರ್ 26, 2009

ಓದುತ್ತಿದ್ದರೆ ಎದುರಿಗಿನ ಕಿಟಕಿಯ ಗಾಜುಗಳಬಳಿ ಎರಡಂಗೈ ಅಗಲದಷ್ಟು ದೊಡ್ಡದಾದ ಹೆಡೆಯುಳ್ಳ ಕಪ್ಪಗಿನ ಕಾಳಿಂಗ ಸರ್ಪ ಒಂದು  ಜೋರಾಗಿ ಬುಸುಗುಟ್ಟಿದಂತೆ ಆಗುತ್ತೆ, ಯಾವುದೋ ಮಗು ಉಸಿರು ಕಟ್ಟಿಕೊಂಡು ಅಳುತ್ತಿರುವಂತೆ ಅನ್ನಿಸುತ್ತೆ, ಭಯಾನಕ ಧ್ವನಿಯಲ್ಲಿ ಯಾರೊ ನಮ್ಮ ಹೆಸರನ್ನು ಹಿಡಿದು ಜೊರಾಗಿ ಅರಚುತ್ತಿದ್ದಾರೆ ಅಂತ ಅನ್ನಿಸಿಬಿಡುತ್ತೆ. ಯಾರೊ ವಿಕಾರವಾಗಿ ನಗ್ತಿದಾರೆ ಅನ್ಸುತ್ತೆ, ಎಲ್ಲಿ ನಮ್ಮ ಕಾಲು ಬೆರಳುಗ ಸಂದಿಗಳಿಗೆ ನಾಗರ ಹಾವೊಂದು ಕಚ್ಚಿ ಬಿಟ್ಟಿದಿಯೆನೋ ಆಂತ ಚೆಕ್ ಮಾಡ್ಕೊಂಡು ಬಿಡಬೇಕು…………..ಹೀಗೆಲ್ಲಾ ಯಾಕೆ ನಾನು ಹೇಳ್ತಿದಿನಿ ಅಂತ ಅಂದ್ಕೊಂಡ್ರಾ? ನಾನು ಈಗ ಹೇಳ್ತಾ ಇರೊದು ರವಿ ಬೆಳೆಗೆರೆ ಯವರು ಬರೆದ “ಸರ್ಪ ಸಂಬಂಧ” ಅನ್ನೊ ಕಾದಂಬರಿ ಒದಿದಾಗ ಸಿಗೋ  ಎಕ್ಸ್ಪೀರಿಯನ್ಸು.!!!!

ಹೇಗೆ ಜನ ದೇವರನ್ನು ನಂಬ್ತಾರೊ ಹಾಗೆ ದೆವ್ವಗಳ ಬಗ್ಗೆನೂ ಕೆಲವರು ನಂಬ್ತಾರೆ, ಹೆದ್ರತಾರೆ, ನಂಬಿದ್ರೆ ಹೆದ್ರಿಸ್ತಾರೆ ಅಲ್ವಾ? ಹಾಗೆ ಹೇಗೆ ಸಾತ್ವಿಕ ಪೂಜೆ, ಪ್ರಾರ್ಥನೆ, ಹೊಮ, ಹವನಗಳು ನೆಡಿತವೊ ಹಾಗೆ ಮಾಟ ಮಂತ್ರ ಗಳನ್ನೂ ಮಾಡ್ಸೋ ಜನ ಇದ್ದಾರೆ ಅಂತ ನಾನು ಕೇಳಿದಿನಿ. ಈ ವಾಮಚಾರ, ಅಘೋರ ವಿದ್ಯೆ ಗಳ ಸುತ್ತ ಒಂದು ಭಯಾನಕ ಕಥೆಯನ್ನ ಹೆಣೆಯುವುದರಲ್ಲಿ ರವಿ ಯಶಸ್ವಿಯಾಗಿದ್ದಾರೆ.

ಒಂದು  ಸರ್ಪ ಶಿಶು ವಾಗಿ , ಅದಕ್ಕಾದ ಮೋಸದ ದ್ವೇಷ ತೀರಿಸಿಕೊಳ್ಳಲು  ಹಾಗೂ ಅದನ್ನು ಸಾಕಿಕೊಂಡಿದ್ದ ಮಾಟಗಾತಿ ಯೊಬ್ಬಳು ತನ್ನ ಸೇಡು ತೀರಿಸಿಕೊಳ್ಳಲು,ಜೊತೆಗೆ ಸರ್ಪ ಶಿಶುವನ್ನು ಬಳಸಿಕೊಂಡು ವಾಮಾಚಾರ ಲೋಕದ ರಾಣಿಯಾಗಬೇಕೆಂಬ ವಿಕ್ರತ ಮನಸ್ಸಿನಿಂದ  ಮಾಡುವ  ಭಯಾನಕ ವಾಮಾಚಾರದ ಪ್ರಯೊಗಗಳಿಂದ ಕಥೆ ಪ್ರಾರಂಬವಾಗುತ್ತೆ, ಅದನ್ನ ತಡೆಯಲು ಸಾತ್ವಿಕ ಅಘೋರಿಗಳಿಬ್ಬರು ನೆಡೆಸುವ ಪ್ರತಿತಂತ್ರಗಳೂ ರೋಚಕವಾಗಿ ಬಿಂಬಿತವಾಗಿವೆ. ಆದರೆ ಸರ್ಪ ಶಿಶುವಿನ ಲಕ್ಷಣಗಳನ್ನು ಓದುವಾಗ ಒಮ್ಮೆ ಎದೆ ಜಲ್ಲ್ ಅನ್ನುತ್ತೆ, ಯಾಕಂದ್ರೆ ಅದು ಯಾರನ್ನಾದ್ರು ಕಚ್ಚಿದ್ರೆ ಅವ್ರು ಸರ್ಪ ಸಂತತಿಗೆ ಸೇರಿಬಿಡ್ತಾರೆ ಇಲ್ಲಾಂದ್ರೆ ಸಾಯ್ತಾರೆ. ಅದು ಅತ್ತರೇ ಇಡೀ ಮನೆನೇ ನಡುಗಬೇಕು ಅಂತಹ ಕರ್ಕಶ ಅಳು. ಅದರ  ಬೆನ್ನತುಂಬ ಬೆಳದುನಿಂತ ಒರಟಾದ ಕೂದಲು, ಮೈಯಿಂದ ಪೊರೆ ಪೊರೆ ಯಾಗಿ ಹೊಗುವ ಚರ್ಮ……. ಹೀಗೆ ಹಲವಾರು ಭಯಾನಕ ಹೋಲಿಕೆಗಳು.!!!

ಮಾಟಗತಿಯೋ ಅವಳು ಮಾಡುವ ಮ್ಯಾಜಿಕ್ ಗಳು ಒಂದೆರಡಲ್ಲ…..ಕಣ್ಣಲ್ಲೇ ರಕ್ತ ಬರಿಸುವ, ಪಾಪದ ಅಮಾಯಕರು ಇಂಚಿಂಚಾಗಿ ದೇಹದ ಭಾಗ ಗಳು ಕೊಳೆತು ಸಾಯುವಂತೆ ಮಾಡುವ, ಪ್ರೇತ ಪಿಚಾಚಿಗಳನ್ನು ಬಿಟ್ಟು ತನ್ನ ಶತ್ರುಗಳನ್ನು ದಾರಿತಪ್ಪಿಸುವ, ಕಣ್ಣುಗುಡ್ಡೆಗಳನ್ನು ಕಿತ್ತು ತನ್ನವರಿಗಾಗದವರನ್ನು ಇರಿದು ಕೊಲ್ಲುವ ರೀತಿ ವಿಕ್ರತ ಮನಸ್ಸಿನ ಮಾಟಗಾತಿಯ ಹತ್ತು ಹಲವು ಮುಖಗಳನ್ನು ಪರಿಚಯಿಸುತ್ತದೆ. ಹಾಗೇಯೆ ಸಾತ್ವಿಕ ಅಘೋರಿಯೊಬ್ಬ ಆ ತೇಜಮ್ಮನೆಂಬ ಮಹಾಮಾಟಗಾತಿಯ ಹುಟ್ಟಡಗಿಸಲು ಎಲ್ಲಾ ಪ್ರತಿ ತಂತ್ರಗಳನ್ನೂ ಮಾಡುತ್ತಾನೆ.

ನಂತರದಲ್ಲಿ ಅಗ್ನಿನಾಥನೆಂಬ ಸಾತ್ವಿಕ ಅಘೋರಿ , ತೇಜಮ್ಮ ಆ ಸರ್ಪ ಶಿಶು ವನ್ನು  ಸ್ವಾತಿಯ ಮೊದಲ ಮಳೆಹನಿಗಳನ್ನು ಕುಡಿಯುವಂತೆ ಮಾಡಿ ಅದನ್ನು ಕಾರ್ಕೋಟಕ ವಿಷ ಸರ್ಪವನ್ನಾಗಿ ಮಾಡಿಕೊಂಡು ವಾಮಜಗತ್ತನ್ನು ಗೆಲ್ಲುವ ಕನಸನ್ನು , ಅವಳ ದೇಹವನ್ನು ಮಂತ್ರಗಳ ಮೂಲಕವೇ ಸ್ಫೊಟಿಸಿ ಕೊಲ್ಲುತ್ತಾನೆ. ಆದರೆ ಅತ್ಯಂತ ಕುತೂಹಲವಿರುವ ವ್ಯಕ್ತಿ ವಿಶ್ವ ನೆಂಬ ಸರ್ಪಶಾಸ್ತ್ರಜ್ನ ಮಾಟಗಾತಿಯ ಸಾವನ್ನು ರೇಬೀಸ್ ಬಂದು ಸತ್ತನೆಂದುಕೊಳ್ಳುತ್ತಾನೆ!!!!

ಕೊನೆಗೆ ನಮಗೆ ಅನ್ಸೊದು ವಿಜ್ನಾನದ ಕಣ್ಣು ತಪ್ಪಿಸಿಕೊಂಡು ಇರುವ ವಾಮಜಗತ್ತು ನಿಜವಾಗಿಯೂ ಇದ್ಯಾ? ಮಂತ್ರ ತಂತ್ರಗಳಿಂದ ಇಷ್ಟೊಂದು ನಾಶ ಸಾದ್ಯನ? ಹಾವುಗಳೂ ಹೀಗೂ ದ್ವೇಷ ತೀರಿಸಿಕೊಳ್ತವಾ? ……………………..ಜೊತೆಗೆ ಈ ಪುಸ್ತಕ ಓದಿ ಮುಗಿಸೊವರಿಗೂ ಅದು ನಿಮ್ಮನ್ನ ಬಿಡೋದಿಲ್ಲ ಅಷ್ಟು ಕುತೂಹಲಕಾರಿಯಾಗಿದೆ..ಒಮ್ಮೆ ಸಿಕ್ಕಿದ್ರೆ ಓದಿನೋಡಿ………ಮತ್ತೊಮ್ಮೆ ಹೀಗೆ ಸ್ವಲ್ಪ ಬರ್ಕೊಂಡು ಬರ್ತಿನಿ……ಬೋರ್ ಅಗ್ಲಿಲ್ಲ ಅಲ್ವಾ ?

ಮತ್ತೊಂದು ಕಥೆ

ಅಕ್ಟೋಬರ್ 24, 2009

ಹೀಗೆ ಮತ್ತೊಮ್ಮೆ ನಿಮ್ ಜೊತೆ ಒಂದು ಸ್ವಲ್ಪ ಮಾತಡ್ಬೇಕು ಹಾಗೆ……..ನೋವು,ಬೇಜಾರು ಹಂಚ್ಕೋಬೇಕು ಅಂತ ಅನ್ಸಿದೆ ಸೊ ಒಂದು ಆರ್ಟಿಕಲ್ಲ್ ಬರೀತಿದಿನಿ…….ಪ್ಲೀಸ್ ಓದಿ.

ಮೊನ್ನೆ ಹೀಗೆ ಸುಮಾರು ತಿಂಗಳೇ ಆಯ್ತಲ್ಲಾ ಅಂತ ನನ್ನ ಹಳೇ ಗೆಳೆಯ ಒಬ್ಬನಿಗೆ ಫೊನ್ ಮಾಡಿ ಮನೆಗೆ ಬಾರೋ ತುಂಬಾ ಬೇಜಾರ್ ಆಗ್ತಾಇದೆ ಅಂದೆ. ಅವ್ನು ಒಂದು ಡಬ್ಬಾ ಸೈಕಲ್ ತುಳ್ಕೊಂಡು ಮನೆ ಹತ್ರ ಸುಮಾರು ೬ ಘಂಟೆ ಅಷ್ಟೋತ್ತಿಗೆ ಬಂದ. ನಂತರ ಹೀಗೆ ಚಾ, ಕುಡ್ದು ಮಾತಾಡ್ತಾ ಕೂತಿದ್ವಿ, ಎಲ್ಲಾ ಕಾಲೇಜು, ಸ್ಕೂಲು, ಮಧ್ಯ ದಲ್ಲಿ ಹುಡ್ಗೀರ್ ವಿಚಾರ ಹೀಗೆ ಸುಮಾರು ಕಥೆಗಳು ಹಾದು ಹೋದವು. ಇನ್ನೇನು ಅವ್ನನ್ನ ರಾಮಂಜನೇಯ ಟೆಂಪಲ್ ಗೆ ಕರ್ಕೊಂಡು ಹೊಗಿ, ಮತ್ತೆ ಮನೆಗೆ ಬೀಳ್ಕೊಡೊದು ಅಂತ ತೀರ್ಮಾನ ಮಾಡ್ದೆ. ಎಲ್ಲಿತ್ತೊ ಕುತೂಹಲ ತಡಿಯಕೆ ಆಗ್ದೆ ನಿಮ್ಮ ಅಕ್ಕಂದ್ರು ಇಬ್ಬರು ಇದ್ರಲ್ಲಾ ಮದ್ವೆ ಆಯ್ತೆನೊ ಅಂತ ಕೇಳ್ದೆ………

ಅವಾಗ ಅವ್ನು ಮಾತಾಡೊಕೆ ಶುರು ಮಾಡ್ದಾನೋಡ್ರಿ, ಅಲ್ಲಿ ತನಕ ನಾನೆ ವಟ ವಟ ಅಂತಿದ್ದೆ ಅಂತ ಸಪರೇಟ್ ಆಗಿ ಎನು ಹೇಳ್ಬೇಕಾಗಿಲ್ಲ ಅಲ್ವಾ? ಅವ್ನಿಗೆ ಇಬ್ಬರು ಅಕ್ಕಂದಿರು, ಇಬ್ಬರಿಗೂ ಒಟ್ಟಿಗೇ ಮದ್ವೆ ಮಾಡಿದ್ರೆ ಒಂದೇ ಖರ್ಚಲ್ಲಿ ಆಗುತ್ತೆ ಅಂತ ಆ ಬಡ ಬ್ರಾಹ್ಮಣ ಮಾಡಿದಾರೆ. ಒಬ್ಬ್ರು ಪುರೊಹಿತ್ರಿಗೆ ಹಿರಿ ಮಗಳನ್ನ ಕೊಟ್ಟು ಮದ್ವೆ ಮಾಡಿದ್ರು ಮತ್ತೊಬ್ರಿಗೆ ಒಬ್ಬ ಆಟೊ ಡ್ರೈವರ್ ಸಿಕ್ದ…ಅವ್ನೊ ಇಡೀ ಬೆಂಗಳೂರಲ್ಲಿ ಸುರ ಸುಂದರ………..ಹೇಳ್ಕೊಂಡಿದ್ದು ಸಾವಿರ ನಿಜವಾಗಿ ಇದ್ದಿದ್ದು ನೂರೇ!!

ಮೊದಲ ಮಗ್ಳು ಸೀಮಂತ ಹಾಗೆ ನಂತರ ೧ ಹೆಣ್ಣು ಮಗುವನ್ನು ಕೂಡ ಹೆತ್ತಳು.ಹೇಗೊ ಅಲ್ಲಿ ಇಲ್ಲಿ ಸಾಲಮಾಡಿ ಮೊದಲ ಬಾಣಂತನ ನ ಚೆನ್ನಾಗೇ ಮಾಡಿಕೊಟ್ರು. ಇನ್ನೇನು ಎಲ್ಲಾ ಮುಗಿತು ಎಲ್ಲಾ ಸೆಟಲ್ ಆಯ್ತು ಅಂದ್ಕೊಳ್ಳೋ ಹೊತ್ತಿಗೆ ಎರಡನೇ ಮಗ್ಳು ಒಂದಿನ ಅತ್ತ್ಕೊಂಡು ಮನೆಗೆ ಬದ್ಳು…ಯಾಕಂದ್ರೆ ಅವ್ಲ ಗಂಡ ಅನ್ನಿಸ್ಕೊಂಡೊನು ತಾಳಿನೂ ಬಿಡ್ದೆ ಎಲ್ಲಾ ದೋಚಿ …ಸರಿಯಾಗಿ ಕುಡ್ದು ಹಾಸಿಗೆ ಹಿಡ್ದು ಮಲಗಿದ್ದ..ಅದೂ ಅಲ್ಲ್ದೆ ಜಾಂಡೀಸ್ ಅಂತ ಡೇಂಜರ್ ಖಾಯಿಲೆ ಇತ್ತು ಅಂತ ಆ ಬಡ ಹೆಣ್ಣು ಜೀವಕ್ಕೆ ಗೊತ್ತಾಗಿದ್ದೇ ಆವಾಗೆ ಅದೂ ಆಗಿದ್ದು ಮದ್ವೆ ಆಗಿ ೧ ವರ್ಷ ಮುಗಿದ್ಮೇಲೆ. ಇನ್ನೇನು ಮಾಡ್ತಾರೆ ಆ ಬಡ್ವ್ರವ್ರು ಮಾರ್ಯಾದೆ ನೆ ಆಸ್ತಿ ಅವ್ರಿಗೆ. ಹೇಗೋ ಆ ಚಾಂಡಾಲಂಗೆ ಟ್ರೀಟ್ ಮೆಂಟ್ ಕೊಡ್ಸೊಣ ಅಂತ ಮತ್ತೆ ಸಾಲ ಮಾಡಿ ದುಡ್ಡು ಅಡ್ಜಸ್ಟ್ ಮಾಡೊ ಹೊತ್ತಿಗೆ ಅವ್ನು ಪರ್ಮೆನೆಂಟ್ ನಿದ್ರೆಗೆ ಜಾರಿಯೇ ಬಿಟ್ಟ…….ಎರಡನೇ ಮಗ್ಳೊ ೧೦ನೇ ಕ್ಲಾಸ್ ಫೇಲು..ಆಳೊದು ಬಿಟ್ರೆ ಬೇರೆ ಗೊತ್ತಿಲ್ಲ ಅವ್ರಿಗೆ….ಇದನ್ನೆಲ್ಲಾ ನೊಡ್ತಿದ್ದ ನನ್ನ ಚಿಕ್ಕ ಗೆಳೆಯನ ಮನಸ್ಸಿನ ಸ್ಥಿತಿ ಹೇಗಿರ್ಬೇಡ ಯೊಚನೆ ಮಾಡಿ…..

ನನ್ನ ಪುಟ್ಟ ಗೆಳೆಯನೋ ಪಿ ಯು ಸಿ ಓದ್ತಾ ಇದಾನೆ…. ದಿನ ಮನೆಗೆ ಹೋಗೋಕೆ ಬೇಜಾರು ಅಂತಾನೆ. ಆಹುಡ್ಗ ಹೇಗಾದ್ರು ಮಾಡಿ ಈ ಸಿಚುಯೇಶನ್ ಎಲ್ಲ ಎದುರಿಸೋಕೆ ದೇವ್ರು ಶಕ್ತಿ ಕೊಡಲಿ ಅಂತ ನಾನು ಕೆಳ್ಕೊತಿನಿ ದೇವ್ರು ಅನ್ನೋ ಕಲ್ಲು ವಿಗ್ರಹಕ್ಕೆ ಏನಾದ್ರು ಶಕ್ತಿ ಇದ್ರೆ ಆ ಬಡ ಬ್ರಾಹ್ಮಣರ ಜೀವನದಲ್ಲಿ ಒಂದು ಆಶಾ ಕಿರಣ ಮೂಡಿಸಲಿ ಅಲ್ವಾ? ಮತ್ತೆ ಹೀಗೆ ಇನ್ನೊದು ಆರ್ಟಿಕಲ್ ಬರಕೊಂಡು ಬರ್ತೀನಿ…………..

ನಮಸ್ತೆ…